John 17:24 - Annaahk John Manistsitsinikatahpi Jesus Manistsipaitapiihpiai 1979

²⁴ Ni̱nnai, nitsiko̱o̱hkstatayi amo̱ksi ki̱tohkokkihpiksi na̱a̱hkitohpokaʼpaissiimi̱yissaawa omiim nita̱yaakitapoohpi, ma̱a̱hkitsinissaawa omiihka nani̱stsspssi. Kiisto̱wa ki̱tohkokki a̱nni na̱a̱hkanistsspsspi. A̱a̱mohka ko̱mohtohkokki takaa kitsi̱takomimmokssi anniihka itsa̱omaʼpaistotsiihpi anno̱o ksa̱a̱hkomm.

John 17:24 交叉引用

John 17:5

A̱yo ni̱nna. Anniihka kani̱stohpoksspssiimohpi itsa̱o̱maʼpaistotsiihpi ksa̱a̱hkommi noohkani̱stsspipoʼtookit a̱nnohka ka̱a̱hkanistohpoksspssiimohsi.

John 12:26

Kii oma̱a mata̱piiwa, ikka̱mstattsiiniki na̱a̱hkaʼpaoʼtomo̱yissi, a̱kstsinaʼohtsapo̱owa niisto̱yi. Ki a̱nniai nita̱kitohpokaʼpaissiimoka omii nitsi̱takaʼpaisspi. Ki ikkama̱ʼpoʼtomootsiiniki ota̱kainaimnoka anniiska ni̱nniska A̱ʼpistotooki iyiska.

John 14:3

Kii aoto̱i̱ʼksistaʼpistotsiminikiaawa ta̱ki̱tsskaistoo. Kita̱kitohpoʼkii̱pioohpoaawa, kii a̱nnimayii kita̱kitaʼpaisspoaawa omiima nitsi̱takaʼpaisspi.

John 1:14

O̱ki. Anna̱a̱hka iihto̱ʼtsstsiiwa a̱a̱mo iihkana̱ʼpaisi, a̱nnaahkaoʼka annaahka Jesus Christ, itsita̱piiwaʼsiwa. Kii niisto̱nnaani itsina̱ʼpaissiiwa. A̱i̱ssksawanisttotsima manistsi̱kisttoakkihpi ma̱a̱hkiitaʼpipoohsapikimmapiipitssi. Niisto̱nnaan nitsino̱annaana mani̱stsspsspi. Iihtsi̱stapsspssiwa o̱nni otsspssa̱yi manistsi̱ʼtohkoyimmi̱yihpi o̱nni A̱ʼpistotookiiyi.

John 6:37

Ni̱nna nita̱kohkokka to̱kskammiksi mata̱piiksi kii akohkanaomatapomaiʼtakiiyaawa. Ki oma̱a mata̱piiwa ikkamo̱matapomaiʼtakisi nima̱taksstsimimma̱waatsiksi.

John 6:39

Ki osto̱yi niitsitsi̱i̱htatsiiwa ami̱i̱ksi ni̱tohkoyihpiksi mata̱piiksi ma̱a̱hksaiʼtsstsissi nita̱aʼtsaai. Ki nita̱kitohkanaissksipoa̱aa̱ttsaayaawa aa̱oʼtsstsiisi sako̱o̱yiksistsikoi. A̱nnistskaoʼkiaawa otsitsi̱i̱htaanistsi nito̱ʼtsskooka A̱ʼpistotookiwa.

John 8:58

Jesus itani̱stsiiwaiksi, “O̱ki. Kita̱kanistohpoaawa niitsi̱i̱yi. Niisto̱wa a̱nnahkaoʼka annaahka a̱i̱sksitaisstsiiwahka; otsi̱tsaomiitaisstsiihpi Abraham nitaissksitaisstsii.”

John 15:9

Nanista̱komimmi̱yihpi ni̱nna, kita̱i̱totoisapakomimmohpoaawa. Pinipo̱ʼtsita kita̱komimmohsoaayi.

John 17:2

Takaa kika̱o̱hkokki na̱a̱hkitohkaninawaʼsi mata̱piiwa, omi̱i̱ksi ko̱mohtsspiohkokkihpiksi o̱tapiʼssini na̱a̱hkitohkanaohkotahsaawa a̱i̱sksipaitapiiʼssini.

John 17:22

Kiisto̱wa ki̱tohkokki na̱a̱hkitsspssi. Nitsi̱ʼtoomanistohkotayaawa ma̱a̱hksspssaawa. Ki a̱nnihkayii a̱kohkottohkanawanistapssaawa a̱nni niʼtsita̱piiyi. A̱nni niʼto̱i kiisto̱wa ki niisto̱wa niitsi̱ʼtokskaaoʼpi.