John 17:21 - Annaahk John Manistsitsinikatahpi Jesus Manistsipaitapiihpiai 1979

²¹ A̱yo ni̱nna. Ni̱tohkanawaatsi̱moihkaahtamoayaawa ma̱a̱hkohkanawanistapssaawa a̱nni niʼtsita̱piiyi, niʼto̱i nani̱stohpipaitapiiyihpi kiisto̱wa, kani̱stohpipaitapiiyihpi niisto̱wa ma̱a̱hkoohkattohpipaitapiiʼssaawa kiisto̱nnooni. Ki a̱nnihkayii ka̱taʼyaomaiʼtakiiksi a̱kohtsitomaiʼtsimiaawa kiisto a̱nnayii kito̱ʼtsskookssi.

John 17:21 交叉引用

John 17:11

Nitaitamaaksistapa̱atoohpa ksa̱a̱hkommi. Niisto̱wa ta̱kitapoo kiisto̱wa. Osto̱aawai a̱kitsaakiitaʼpaissiiyaawa ksa̱a̱hkomm. A̱yo ni̱nnai. Kitsika̱toaʼpssi. Amo̱ksi a̱o̱maiʼtakiiksi isskska̱mmisaawa. Kanista̱pitapiiyihpi kani̱stsskonataʼpsspi, a̱nniayi noohkani̱stsskskammisaawa. Ki̱tohkokki na̱a̱hkaistamatstohkssi kanista̱pitapiiyihpi. Isskskammisaawa maahkohkanawanistapssaawa anni niʼtsita̱piiyi, ni̱i̱ʼtoi a̱nni kiisto̱wa ki niisto̱wa niitsi̱ʼtokskaaoʼpi.

John 13:35

Ikkama̱komimmotsiiyinoaainiki kana̱i̱tapiiwa a̱kohtoʼtssksinima kiisto̱aawa a̱nnikskaoʼkiaawa omi̱i̱ksiska tsi̱i̱maiʼtookiksi.”

John 17:8

Ki̱tohkokkihpi issksksi̱moʼtaani, nitsi̱i̱stapohkotayaawayi, ki sota̱moʼtsimiaawa. Sota̱mitsiitaʼpssksinimiaawa no̱mohtoʼtoohsi kiisto̱i. Ki sota̱momaiʼtsimiaawa kito̱ʼtsskookssi.

John 10:38

Ki nita̱ʼpaoʼtsiihpiaawa. Ki a̱nniayii ikkamsa̱ohkottomaiʼtookiinoainiki nita̱a̱niihpistsi, issa̱ʼtsikaawa nita̱nisttsiihpistsi, ka̱a̱hkitomaiʼtakssoaayi Ka̱a̱hkohtssksiniihpoaawa, o̱tsistapiʼtsiihpoaawa nomohpipa̱i̱tapiʼssi ni̱nna A̱ʼpistotookiwa, kii osto̱yi iihpipa̱i̱tapiiwa niisto̱i.”

John 10:30

Niisto̱wa ki ni̱nna nitsi̱ʼtokskaahpinnaan.”

John 17:25

A̱yo ni̱nna. Kiisto̱wa kitsiko̱kamoʼtaʼpssi. Ka̱taʼyaomaiʼtakiiksi kima̱tssksinookiaawa. Niisto̱wa kitsi̱naoʼkssksinoo ki amo̱ksi ki̱tssksinookiaawa kiisto a̱nnayii kito̱ʼtsskookssi.

John 10:16

Itsstsi̱i̱ ni̱i̱kskai nima̱tta̱komahkihkinaamiaawa. Anno̱o ma̱tsitsinssiwaiksa kiisto̱aawa anno̱o Jews. Nita̱ksstsinaʼohkanaomo̱ipiaayaawa. Ki a̱nnihkayi a̱kitohkanaiʼtssiiyaawa. Ki nini̱ʼtsitapiiyi nita̱kotoitsikatayaawa.

John 17:3

Omi̱i̱ksi niita̱ʼpssksinookiksi, a̱nniksaoʼki a̱kaissksipaitapiiyaawa. Omi̱i̱ksi ki̱niitaʼpsskinookiiksi kiisto̱ahkaoʼka niʼtsita̱piiwahka nita̱ʼpanistapssiwahka A̱ʼpistotooki, omi̱i̱ksi ni̱niitapsskinookiksi niisto̱ahkaoʼk annaahk Jesus Christ, annaahka kitoʼtsskoaawahka, a̱nniksaoʼki a̱kaisskipaitapiiyaawa.

John 5:23

Osto̱yi ni̱tohkokka na̱a̱hkomatskahtoohsi manipa̱i̱tapiʼssini ki na̱a̱hkokakihtsimatahsi mata̱piiwa, kiisto̱aawa ka̱a̱hkohtainaaimmokihpoaawa. Ni̱nna kita̱waanikkoaawa ka̱a̱hkainaimmokssoaayi oosto̱yi a̱nni kanista̱i̱naaimmahpoaawayi. Takaa ni̱tohkoyimmoka. Ikka̱msawa̱i̱naimmokiinoainiki niʼto̱yi a̱kanistsiwa ka̱a̱hksawainaimmoawaawa annaahka ni̱nnahka, takaa osto̱i̱ nitsi̱tapipoʼtooka anno̱o.

John 3:17

A̱ʼpistotookiwa na̱o̱ʼtsskoyiwa ohko̱yi anno̱o ksa̱a̱hkomma. Ma̱tohtoʼtsskoyiiwaatsiksi ma̱ahkohtsitokakihtsimatahsi o̱tapiʼsini otoka̱ʼpipaitapiʼssoaawaistsi. Iihto̱ʼtsskoyiiwayi ma̱a̱hkohtohkoyikissayi ma̱a̱hkohtsikamotsi̱i̱piaahsi o̱tapiʼsini.

John 17:18

Kansitsi̱poohsapsskookihpi anno̱o ksa̱a̱hkommi, niiʼto̱i̱ nanistsi̱tsspisskoaayaawa ksa̱a̱hkommi.

John 11:42

Nisto̱wa ni̱tssksiniihpa kita̱i̱ssksayisstsiwokssi. A̱a̱mohka ko̱mohtanisto a̱a̱moksi na̱o̱ʼtsipoyiiksi mata̱piiksi ma̱a̱hkitoohtsissaawa, ma̱a̱hkohtsitomatapomaiʼtsissaawa kiisto̱wa kito̱ʼtsskokssi.”

John 17:20

Ma̱tsiʼtsitapiiwa amo̱ksi nita̱waatsi̱moihkaahtamoaiksi. Nino̱o̱hkattohkanawaatsi̱moihkaahtamoayi omi̱i̱ksi ota̱koinaiʼtakia̱ttsaawaawaiksi, anni̱i̱ksi ota̱koohtookoaawaiksi. Nita̱kohtsitomaiʼtookiaawa.

John 13:32

Ki a̱nnihkayii nita̱kohtsspipoʼtooka aa̱o̱ʼtootsiiniki. A̱nnohka a̱kayaakanisttotsima.