John 16:7 - Annaahk John Manistsitsinikatahpi Jesus Manistsipaitapiihpiai 1979

⁷ O̱ki, kita̱kanistohpoaawa niitsiiyi. Ita̱pssokaʼpiiwa kiisto̱aawa nita̱ksistapoohsi. Oʼtsi̱tssksokaʼpiiwa. Nika̱taaʼksistapo̱ohtopi, oma̱ahka kita̱ksspommookoaawahka Natowo̱ttakahka ma̱takohkottsitapoowaatsi. Ki ayi̱i̱stapo̱oiniki nita̱kitsitapsskoa̱wa kiisto̱aawayi.

John 16:7 交叉引用

John 14:26

Ki oma̱ahka kita̱ka̱i̱sspommokoaawahka oma̱a̱hka natowo̱ttakahka, kita̱kssksinima̱atsookoaawa kana̱ʼpaisistsi. Kita̱ksspommookoaawa ka̱a̱hksskssksinissoaayi kana̱ʼpaisistsi kita̱a̱nistohpoaawaistsi. Oma̱a Natowo̱ttaka, a̱nniskaoʼkinai ota̱koʼtsskoai ni̱nna. Niisto̱yi a̱kohtoʼtsskoyiiwayi.

John 15:26

Oma̱a̱hk kita̱ksspommookoaawahka a̱koʼtoowa. Osto̱yi nita̱kohtoʼtsskoawa anniska ni̱nniska. A̱nnahkaoʼka Natowo̱ttakahka. Kita̱kohkokkoaawa moka̱moʼtaʼpi. Osto̱yi a̱kohtoʼtoowa ni̱nni, ki a̱kaistamatsiiwa mata̱piiyi nita̱mihpi. Ki ta̱kohtssksinimaatsookoaawa niisto̱yi.

John 14:28

Kito̱o̱htookihpoaawa kita̱a̱nistohsoaayi nita̱ksistapoohsi, ki ta̱kitamattsskitoʼtoo kiisto̱aawa. O̱ki, ikkama̱komimmokiinoainiki, kita̱kitohtsiksimatsiʼtakihpoaawa nita̱ksskitapoohsi ni̱nna. Takaa osto̱yi ito̱ʼtsitssksspssiwa niisto̱i.

John 14:3

Kii aoto̱i̱ʼksistaʼpistotsiminikiaawa ta̱ki̱tsskaistoo. Kita̱kitohpoʼkii̱pioohpoaawa, kii a̱nnimayii kita̱kitaʼpaisspoaawa omiima nitsi̱takaʼpaisspi.

John 16:8

Ki osto̱yi aa̱oʼtoosi kita̱kitaistama̱atsookoaawa ka̱taʼyaomaiʼtakiiksi otsi̱pahtsisskskaaʼtsimaanooayi. A̱i̱pahtsisskskaʼtsimiaawa manistsi̱i̱hpi maka̱ʼpiipaitapiʼssini. A̱i̱pahtsisskskaʼtsimiaawa manistsi̱i̱hpi moka̱moʼtsipaitapiiʼsini. A̱i̱pahtsisskskaʼtsimiaawa nanista̱yaakokakihtsima̱yihpiaawa.