24 A̱nni kima̱tomaikakanistokamanistawaawa ni̱nna. A̱nnohka a̱o̱kamanistok ni̱nna. Kita̱kohtsitsiitaʼpiʼtaamsspoaawa.
O̱ki. A̱a̱mostsi no̱mohtanistoohpi ka̱a̱hkitaikakitaiʼtaamiʼtakssoayi. Nita̱a̱hsiʼtakssini kita̱kohtoʼtsiiʼtaamsspoaawa, ki a̱nnihkayii no̱mohtanistoohpa amo̱stska kita̱a̱nistohpoaawaistska.
Ki a̱nniayii aʼnista̱ʼpisi kita̱kitsawattokamanikkihpoaawa. Kita̱kanistohpoaawa niitsiiyi. A̱a̱mostska kitsi̱i̱kamanistahpoaawayi ni̱nna, ikka̱mohto̱kamaniinoainiki kita̱mssoaayi omi̱i̱ksisk itoma̱i̱ʼtakiiksi niisto̱yi kita̱kitohkokkoaawaistsi.
Ki ina̱i̱ʼtanistsiiwaiksi oma̱a John “Ma̱tohtsiksisattsiiwaahpa mata̱piiwa annohka ota̱i̱tapoohsaawa Jesus ma̱a̱hkitatoaʼpistotoahsaawa. Niisto a̱nnayi nitsi̱kaisopoya̱ʼpaistama̱ttsaawa amo̱o mata̱piiwa ma̱a̱hkitomaiʼtakssi Jesus. Niso̱tamohtaahsiʼtaki otaka̱i̱tapiʼssi a̱i̱tapooiksi oosto̱i̱.”
Jesus itani̱stsiiwa oma̱nikapiimiksi, “O̱ki. Pini̱kihki̱niʼtakika; ama̱i̱ʼtooka A̱ʼpistotookiiyi. Noohka̱ttomaiʼtookik.
Ikkamo̱kamanikkiinoainiki ki̱tsstatoohpoaayi, kitakohtokamanikkihpoaawa kitamssoaayi amiiksiska itoma̱i̱ʼtakiiksi niisto̱i ki kita̱kitanisttotomoohpoaawa.
