John 16:17 - Annaahk John Manistsitsinikatahpi Jesus Manistsipaitapiihpiai 1979

¹⁷ O̱ki. Istsi̱kiksi anni̱ksiska oma̱nikapiimikska sota̱manisttsiiyaawa, “Tsaahtaa a̱a̱hkanistapawaani̱i̱wahtaoʼtsiks amoohka a̱a̱mohka ota̱a̱nikkihpihka, ma̱taksisamowa a̱kitsawattsinoawa; a̱ksipstsiksisamowa ki a̱kattsitsinoawa. Ki tsa̱a̱htaa a̱a̱hkanistapawaaniiwa a̱kitapoowa o̱nni.”

John 16:17 交叉引用

John 16:16

O̱ki. Ma̱taksisamowa kima̱takattsinookihpoaawa. Ki a̱ksipstsiksisamowa kita̱kattsitsinookihpoaawa.”

John 16:5

Ki a̱nnohkayii ta̱ksskitapoo nito̱ʼtsskooka, ki kitsi̱naoʼksaohtsopoahtsiiʼsakkihpoaawa nita̱yaakitapoohpi.

John 16:19

O̱ki. Jesus issksino̱yiiwaiksi otsitsi̱i̱htaani ma̱a̱hksopoahtsiisa̱yissaiksi. Sota̱manistsiiwaiksi, “O̱ki. Ko̱mohtaisopoahtsiʼsattsiiyihpoaawa a̱a̱mohka ta̱a̱niihpihka, ma̱taksisamowa kita̱kitsainookihpoaawa, ki a̱ksipstsiksisamowa kita̱kattsitsinookihpoaawa.

John 14:5

O̱ki. Oma̱a Thomas itani̱i̱wa, “O̱ki, nitsi̱naaimi. Nima̱tssksiniihpinnaan kita̱kitapoohpi. Tsa̱a̱htaa na̱a̱hkanistohkottssksiniihpinna̱a̱nahta na̱a̱hkanistohkoitoʼtoohpinnaani.”

John 12:16

A̱a̱mohka Jesus ota̱nisttsiihpi omi̱i̱ksi oma̱nikapiimiksi ma̱tsitotsistapiʼtsi̱maiksaawa. A̱nnika po̱o̱hsapoohtsika Jesus a̱aʼksinayattsaahsi a̱nnihkayii itssko̱tsistapiʼtsimiaawa ki itssksini̱miaawa omi̱i Jesus ota̱a̱nisttsiihpi a̱nnihkaoʼka anniihka itsi̱kayissiinaapsskohkatoohpihka omii nato̱isi̱naakssini. Noohka̱ttsskotsistapiʼtsimiaawa ota̱a̱nisttotomoahpiaawa Jesus.

John 16:1

Ki ina̱i̱ʼtanistsiiwa oma̱a Jesus oma̱nikapiimiksi, “O̱ki. Ko̱mohta̱i̱kayissanistohpoaawa a̱a̱mostska a̱kanistsiistska ka̱a̱hkohtsayiksiwa̱atoohsoayi kitoma̱i̱ʼtakssoaayi aaʼnistsi̱i̱saawa.

John 14:22

O̱ki. Oma̱a ma̱ttanistawa Judas, ma̱tamiwa Judas Iscariot, matto̱o̱hkiitssimma, itani̱stsiiwa Jesusi, “O̱ki nitsi̱naaimi, tsia̱a a̱kanistaʼpi. Tsska̱a Kita̱kohtsawaistamaatsoohsatawa ka̱taʼyaomaiʼtakiiksi mata̱piiksi ki̱i̱wa kita̱kaistama̱atsoohsakkihpinnaani niisto̱nnaan?”

John 16:18

Ki ma̱ttaniiyaawa, “Tsa̱a niitapa̱waaniiwa a̱a̱mohka otani̱ssi, a̱ksipstsiksisamowa. Mi̱stawaaniihpi.”