10 Niisto̱wa nita̱kitapoo ni̱nna, ki kita̱yaaksawattsinookihpoaawa. Ki a̱nniai a̱kstaminakowa otsi̱pahtsisskskaʼtsissoaayi moka̱moʼtsipaitapiʼssini manistsi̱i̱hpi.
Ki ina̱o̱ʼkitsstsiihpa istsi̱ka nita̱o̱kamoʼta̱i̱ʼpoatomooka. Kii ni̱tssksiniihpa oosto̱yi i ihta̱o̱maniiʼpoyiiwa niisto̱yi.
O̱ki. Oma̱a Moses mani̱stsspa̱a̱hkiaahpi omi̱i miʼko̱taikimmi̱sttsiiksinaayi omiima otsi̱taʼpisttotspiaawayim, ki a̱nniayii ta̱koohkattanistsspa̱a̱hkiooko. Niisto̱wakaoʼka annaahka Mata̱piiwahk.
Ki a̱nniai Jesus sota̱manistsiiwa omi̱i o̱tapiʼssini “O̱ki. Kita̱kattsiʼnaksisamohpokaissiimohpoaawa, ki a̱nnika ta̱ksotamsskitapoo annaahka nito̱ʼtsskookahka. Ki a̱nniika aiʼsskito̱ʼtooyiniki annaahka nito̱ʼtsskookahka
Ki a̱nnohkayii ta̱ksskitapoo nito̱ʼtsskooka, ki kitsi̱naoʼksaohtsopoahtsiiʼsakkihpoaawa nita̱yaakitapoohpi.
No̱mohtsiistapoʼtoo ni̱nna, ki anno̱o ksa̱a̱hkommi nitsi̱toʼtoo. Ki nita̱ksiistapa̱atoohpa. Nita̱ksskitapoo ni̱nna.”
