John 15:24 - Annaahk John Manistsitsinikatahpi Jesus Manistsipaitapiihpiai 1979

²⁴ Nitsi̱tsspianisttsiihpistsi o̱tapiʼssina, ma̱tonoaitsstsiihpa noohki̱i̱tssimmi a̱nni a̱a̱hkanisttsi. Nika̱taaʼnisttotsiihtopiaawa ma̱takohtotoiʼma̱waiksaawa maka̱ʼpii. Ki nita̱nisttotsiihpiaawa, ki a̱nnohkayii nitsino̱o̱kiaawa, ki nimi̱skitsi̱kaimmokiaawa, kii ni̱nni.

John 15:24 交叉引用

John 14:9

Jesus itani̱i̱wa, “Philip, kitsiksi̱samohpokaʼpaissiimohpoaawa, ki kitsi̱i̱miisawaitaʼpssksinookihpoaawa. Ikkami̱kainokiinoainiki kino̱o̱hkattsikainoawaawa ni̱nna. Kima̱ʼkanissi, ‘noohka̱i̱stamatsookinnaan ki̱nnoona’?

John 5:36

Nipi̱ʼkanisttsissiistsi annohka kita̱kohkottohtoʼtssksiniihpoaawa nitsipo̱o̱hsapsskoyissi A̱ʼpistotookiwa. John kino̱o̱hkattanikkoaawa nitsipo̱o̱hsapsskoyissi A̱ʼpistotookiyi. Ki amo̱stska nipi̱ʼkanisttsissiistska iʼtsi̱tsskstsiimatoomiaawa John ota̱nissiistsi.

John 10:37

Nika̱taisawaʼpaoʼtsiihtopi ni̱nna ota̱ʼpoʼtakssiistsi kima̱takstsinaoʼmaiʼtookihpoaawa.

John 10:32

Ki o̱tsskanikkoaawayi, “O̱ki. Kita̱i̱ʼstamatsoohpoaawa akawo̱i nita̱nisttsiihpistsi soka̱ʼpiistsi, ni̱nna nito̱hkoyihpistsi na̱a̱hkanisttotsissi. Ki a̱a̱mostska kita̱i̱stamatsoohpoaawaistska, tsska̱atapoohtsi ki ta̱kohtsisskaiʼtakkihpoaawa ka̱a̱hksiʼnikkssoayi?”

John 9:32

Anni̱i̱ka ota̱o̱ʼmatapitsstsissi anno̱o ksa̱a̱hkommi, ki a̱nnika ma̱taonoaitaisstsiihpa mata̱pii a̱a̱hkohkotsiiwa ami̱i na̱a̱psstsii aapssi̱ni iihpipo̱kaayi.

John 7:31

Sota̱mitakaitapiiyi iima̱i̱ʼtoyiiksi Jesus. A̱a̱niiyaawa otsska̱akaohsi otsipisata̱i̱stamatstohkssiistsi; a̱kohkottohtoʼtssksiniihpa ota̱mssayi A̱ʼpistotookiwa anniiska ota̱kohkoikiihpiska.

John 3:2

Si̱i̱pioksisawa̱aatsiiwa ami̱i Jesus. Sota̱manistsiiwa̱yi “O̱ki a̱i̱ssksinimaatstohki. Ni̱tssksiniʼpinnaan kito̱ʼtssko̱yissi A̱ʼpistotookiwa ka̱ahkitssksinimaatstohkssi. Taka̱a kika̱taiʼsspommo̱yihtopi A̱ʼpistotookiwa kima̱takohkottanisttotsiihpa a̱a̱mostsi kipisa̱taistamatstohkssiistsi.”

John 12:45

Ki oma̱a mata̱piiwa, ikka̱msammotsiiniki, ani̱i̱ska nito̱ʼtsskookiska, a̱nniskaoʼkini ota̱kitsiitaʼpinoayiska.

John 6:36

Ki kika̱waanistohpoaawa kiisto̱aawa kima̱takomaiʼtookihpoaawa, ki̱i̱wa kitsino̱o̱kihpoaawayi.

John 12:10

Aka̱i̱tapiiyi Jews iihko̱i̱ssksinoyiiksi Lazarus iihtoma̱tapomaiʼtoyiiksi Jesus. Itsa̱wattohtsikiiyaawa omi̱i̱ksi otsi̱naato̱yaapiikoaamoaawaiksi. Ki a̱nniai omiiksi ni̱naato̱yaapiikoaiksi itoka̱kihtsimaayaawa ma̱a̱hkoohka̱ttsiʼnitahsaawa Lazarus.

John 9:41

Jesus itani̱stsiiwaiksi, “Kii ki̱niitaʼpsaohkootsistapiʼtakihpoaawohtopi a̱nni na̱a̱psstsi, kita̱akitsaohpotoiʼmotspoaawa kipahtsa̱ʼpsoaawayi. Ki kiisto̱aawa kita̱waaniihpoaawa, ‘nita̱o̱tsistapiʼtakihpinnaan’. Ki a̱nniayii kima̱tssiinomotspoaawa kipahtsa̱ʼpssoaawayi.”

John 15:21

Ma̱tssksinoyiiyaawa anniska nito̱ʼtsskookiska, A̱ʼpistotookiiyiska. Ki a̱nnihkayii ko̱mohtakanisttotookoaayaawa a̱a̱mostska kana̱o̱kaʼpistska. Kita̱kohtanisttotookoayaawaistsi niisto̱yi kitoma̱i̱ʼtookssoaayi.

John 15:22

Niisto̱wa nika̱taiʼtoʼtoohtopi nika̱taiʼsitsipssatayaawopi a̱nnohka ma̱takohtotoiʼma̱waiksaawa maka̱ʼpii. Ki ni̱tssitsipssatayaawa, ki a̱nnohkayii ma̱takohkoiʼpoatomoohsi̱waiksa.

John 15:23

Oma̱a nita̱i̱kaimmoka, noohka̱ttsi̱kaimmiiwa ni̱nni.

John 16:9

Ma̱tomaiʼtookaiksaawa. Ki a̱nniai sta̱minakowa otsi̱pahtsisskskaʼtsissoaayi maka̱ʼpipaitapiʼssini.