John 15:20 - Annaahk John Manistsitsinikatahpi Jesus Manistsipaitapiihpiai 1979

²⁰ O̱ki. Pina̱atstooka anniihka kita̱a̱nistohpoaawayihka. Kitsi̱totoisapsskanistohpoaawa oma̱a a̱ʼpaoʼtomohkiwa ma̱toʼtsitsksspssiiwa otsi̱naaimi. Omi̱i̱ksi ka̱taʼyaomaiʼtakiiksi nitsaa̱kamoʼsistotookiaawa, kiisto̱aawa kita̱kstamoohkattsao̱kamoʼtsistotookoaayaawa. Ma̱tanistaiʼtsi̱maiks nita̱a̱niihpi. Ki a̱nnimayi a̱kstamoohkattsitsawanistaiʼtsimiaawa kita̱a̱niihpoaawayi.

John 15:20 交叉引用

John 13:16

Kitakanistohpoaawa niitsi̱i̱yi. Omo̱a a̱ʼpaoʼtomohkiwa ma̱toʼtsitsksspssiimiwa ami̱i ota̱ʼpaoʼtomoai. Ki ama̱a otohka̱ʼtaana ma̱toʼtsitsksspssiimiwa ami̱i otsi̱i̱ʼtohkakki.

John 8:51

Kita̱kanistohpoaawa niitsi̱i̱yi. Kana̱i̱tapiiyi nita̱nistsiʼtookiksi nita̱a̱niihpistsi ma̱takohkoiʼni̱i̱waiksi.”

John 10:31

Ki a̱nniayii omi̱i̱ksi isto̱ʼtotamaʼpssiiksi Jews, sta̱mattssiikoʼtakiiyaawa o̱o̱hkotoki ma̱a̱kohtsisskaiʼtatahsaawa Jesusi, ma̱a̱hkohtsiʼnitahsaawayi.

John 11:57

Ki omiiksi ni̱naato̱yaapiikoaiksi kii Pharisees a̱kaokakohtomoyiiyaawa o̱tapiʼsini ma̱a̱hkitsopoatomoahsaawa ikkami̱noasaawa Jesus. A̱yaaksinniiyaawayi.

John 8:59

O̱ki. A̱nniayi omi̱i̱ksi isto̱ʼtotamaʼpssiiksi Jews itoma̱tapoʼtakiyaawa o̱o̱hkotoki ma̱a̱hkohtsisskaiʼtatahpiaawa Jesus. Ki Jesus sota̱mikaksiistapa̱aatsiiwaiksi. Ki a̱nnimayi sta̱mitsakskihtsima omii o̱mahkitawaatsimoihkaaoʼpi.

John 7:32

Ki a̱nniai niitsisi̱miawaaniiyaawa omi̱i̱ksi mata̱piiksi. Oso̱tamoohtookoaawa ami̱i̱ksayii Pharisees. Ki omi̱i̱ksi Pharisees ki omi̱i̱ksi ni̱naato̱yaapiikoaikisi itoma̱tsskoyiiyaawa omi̱i̱ksi otsi̱nnakiikoaamoaawaiksi. A̱a̱nistsiiyaawaiksi “Mato̱yinnoka Jesusa.”

John 5:16

Ki a̱nnihkayii omi̱i̱ksi oʼtota̱maʼpssiiksi iihtoma̱tapoksistotoyiiyaawa Jesus takaa itawa̱nisttotosim a̱a̱mostska a̱nna a̱nistapaʼpiistska issiko̱piiksistsikosi.

John 8:52

Oso̱tamanikka omi̱i̱ksi isto̱ʼtotamaʼpssiksi Jews, “A̱nnohka a̱a̱mohka kita̱a̱niihpihka nino̱o̱hkohtoʼtssksiniihpinnaan otsi̱tsstsissi maka̱ʼpatoʼsi kitsi̱i̱stomatai. Annaahka Abrahamahk, aka̱i̱ʼniiwa. Ki o̱o̱miksika issko̱o̱htsiksika a̱waatoyiʼpoyiiksika a̱kaohkanaiʼniiyaawa. Kiisto̱wa kita̱waani ki̱tohkananistaiʼtookiksi kita̱a̱niihpistsi ma̱taksiʼni̱i̱waiksi.