John 15:15 - Annaahk John Manistsitsinikatahpi Jesus Manistsipaitapiihpiai 1979

¹⁵ Nima̱takattaniihpa kiisto̱aawa kika̱kanikapiimatohpoaawa. Takaa oma̱a a̱yanikapiimatawa, ma̱takssksinima anniska ota̱a̱nikapiimakkiska ota̱wanisttsiihpiayi. Niʼto̱i kima̱tanistsspoaawa. Ki̱tssksinima̱atsoohpoaawa ni̱tohkanawaani̱yihpistsi ni̱nna. Na̱a̱hkanisttsissi. Nima̱takattaniihpa kika̱kanikapiimatohpoaawa. A̱nnohkayi ta̱kahtsawaanii kita̱kkaamohpoaawa.

John 15:15 交叉引用

John 20:17

Jesus itani̱stsiiwa̱yi “Pina̱ttsinnokit. Nima̱tomaitapsspommo̱ohpa ni̱nna. Istapo̱o̱ta no̱mohpapiʼihpiksi na̱a̱tsikopotsiiksi. Anistsi̱saawa nita̱kitapsspommoohsi anna̱a̱hka ni̱nnaahka, anna̱a̱hka ki̱nnoaawahka. Ta̱kitapoo anna̱a̱hka nita̱waatsimoihkaamawahka, A̱ʼpistotookiwahka, anna̱a̱hka kino̱o̱hkattawaatsi̱moihkaamoaawahka.”

John 12:26

Kii oma̱a mata̱piiwa, ikka̱mstattsiiniki na̱a̱hkaʼpaoʼtomo̱yissi, a̱kstsinaʼohtsapo̱owa niisto̱yi. Ki a̱nniai nita̱kitohpokaʼpaissiimoka omii nitsi̱takaʼpaisspi. Ki ikkama̱ʼpoʼtomootsiiniki ota̱kainaimnoka anniiska ni̱nniska A̱ʼpistotooki iyiska.

John 8:26

Ki iika̱kaoi nanista̱akohtsiʼpoyihpi kiisto̱aawa; ika̱kawoyi ko̱mohtakokakihtsimatohpoaawaistsi; kii, ki anna̱a̱hka nito̱ʼtsskookahka iiko̱kamoʼtaʼpssiwa, ki a̱nnohka nika̱a̱kanistawa mata̱piiwa nita̱a̱ni̱yihpistsi annaahka nito̱ʼtsskookahka.”

John 17:26

Nita̱i̱stamaatsaayaawa kiisto̱yi kanista̱pitapiiyihpi, ki nita̱kattsistaiʼstama̱tsaayaawayi. Ki a̱nnihkayi a̱kohtsitotoisapakomimmotsiiyaawa kanista̱komimmokihpi. Ki a̱kohpipaitapiiyaawa niisto̱i̱.” A̱nniayii a̱a̱nistsiiwa Jesus o̱nni.

John 15:20

O̱ki. Pina̱atstooka anniihka kita̱a̱nistohpoaawayihka. Kitsi̱totoisapsskanistohpoaawa oma̱a a̱ʼpaoʼtomohkiwa ma̱toʼtsitsksspssiiwa otsi̱naaimi. Omi̱i̱ksi ka̱taʼyaomaiʼtakiiksi nitsaa̱kamoʼsistotookiaawa, kiisto̱aawa kita̱kstamoohkattsao̱kamoʼtsistotookoaayaawa. Ma̱tanistaiʼtsi̱maiks nita̱a̱niihpi. Ki a̱nnimayi a̱kstamoohkattsitsawanistaiʼtsimiaawa kita̱a̱niihpoaawayi.

John 13:16

Kitakanistohpoaawa niitsi̱i̱yi. Omo̱a a̱ʼpaoʼtomohkiwa ma̱toʼtsitsksspssiimiwa ami̱i ota̱ʼpaoʼtomoai. Ki ama̱a otohka̱ʼtaana ma̱toʼtsitsksspssiimiwa ami̱i otsi̱i̱ʼtohkakki.

John 4:19

Oma̱a aaki̱i̱wa itani̱i̱wa “Kitssksini̱ssi a̱a̱mohka ko̱mohtanistsiksimsstato ka̱a̱hkatoaʼpitapiiʼssi.

John 16:12

O̱ki. A̱nnoohka itsi̱i̱stapakawoyi ka̱a̱hkanistohpoaawaistsi. A̱nnohka kima̱takohkottanistohpoaawaistsaawa. Kita̱kiiko̱mayikiʼtsiihpoaayaawa.