John 15:1 - Annaahk John Manistsitsinikatahpi Jesus Manistsipaitapiihpiai 1979

¹ O̱ki. Jesus sota̱mitotoisapsskanistsiiwa omo̱nikapiimiksi, “Niisto̱wa a̱nnaoʼka annaahka niita̱ʼpamiwahka a̱nni o̱o̱mistska otsi̱taisaisskiihpi soyikapi̱nniihpi. Ki ni̱nna a̱nni a̱o̱toitsikatoomi amostsiska.

John 15:1 交叉引用

John 6:55

Nitsi̱i̱manistoohpa amoohka nita̱waanistoʼpihka nosto̱mi aa̱wahsini kii nitsa̱a̱pani anista̱piwa a̱a̱hkohtaisimioʼsi.

John 6:32

O̱ki. A̱a̱mohka ota̱aniihpoaawayihka a̱nnihkayi Jesus iihtani̱stsiiwaiksi “Kita̱kanistohpoaawa niitsi̱i̱yi. Oma̱a Moses osto a̱nnayi ma̱tsiisakatooma anniihka inni̱i̱hkahtoohpihka napayi̱ni. Oma̱a ni̱nna a̱nnayi, osto̱yi iyi̱sakatomayi. Anniihka oma̱a Moses otsi̱i̱sakssinihka ma̱tamiiwatsiksi anniihka inni̱i̱hkahtoʼpi napayi̱ni. Niitapa̱naʼsiwa ni̱nna otoma̱tsskahtakssini a̱nnii ki̱i̱taani.

John 1:9

Amaahka niita̱ʼpamiiwahka i ihkana̱ohkokkiwahk a̱a̱hkitaʼpawaawahkaaoʼsi ksiistsiko̱i̱nattsi

John 1:17

Issko̱o̱htsik A̱ʼpistotookiwa iihtohko̱i̱kiiwa Moses ma̱a̱hkohtohkokkssi natowo̱kakihtsimaani. Kii a̱nnohka A̱ʼpistotookiwa iihtohko̱i̱kiiwa Jesus Christ ma̱a̱hkanisttotsissi manistsi̱ksisttoakkihpi ma̱a̱hksipoohsapikimmapiissi.

John 15:2

O̱ki. Oma̱a mata̱piiwa, a̱o̱toitsikatooma soyikapi̱nniihpists, a̱akssaʼtsimiaawa. Ikkami̱tsstsiihki otsini̱ʼpi saoʼkani̱ksi ma̱tohtohkoikioʼpi otsi̱tsawayi̱i̱naʼsspi, a̱ksota̱msaoʼtsima. Kii omi̱i̱stsi otsi̱tayiinaʼsspi, a̱i̱ksiʼkkaahkaanistotsimaistsi. Ki a̱nniai a̱kitsistapakayiinaʼsiyaawa. Niʼto̱i̱ niitsiiwa ni̱nna ki niisto̱wa.