John 14:12 - Annaahk John Manistsitsinikatahpi Jesus Manistsipaitapiihpiai 1979

¹² Kita̱kanistohpoaawa niitsi̱i̱yi. Oma̱a nita̱o̱maiʼtooka a̱kitotoisapaʼpoʼtakiwa niisto̱i, kii ota̱ʼpoʼtsiihpistsi a̱kitoʼtsitsksskonataʼpiiyaawa niisto̱yi nita̱ʼpoʼtakssiistsi, takaa niisto̱wa nita̱ksskitapoo ni̱nna.

John 14:12 交叉引用

John 16:7

O̱ki, kita̱kanistohpoaawa niitsiiyi. Ita̱pssokaʼpiiwa kiisto̱aawa nita̱ksistapoohsi. Oʼtsi̱tssksokaʼpiiwa. Nika̱taaʼksistapo̱ohtopi, oma̱ahka kita̱ksspommookoaawahka Natowo̱ttakahka ma̱takohkottsitapoowaatsi. Ki ayi̱i̱stapo̱oiniki nita̱kitsitapsskoa̱wa kiisto̱aawayi.

John 7:33

Ki a̱nniai Jesus sota̱manistsiiwa omi̱i o̱tapiʼssini “O̱ki. Kita̱kattsiʼnaksisamohpokaissiimohpoaawa, ki a̱nnika ta̱ksotamsskitapoo annaahka nito̱ʼtsskookahka. Ki a̱nniika aiʼsskito̱ʼtooyiniki annaahka nito̱ʼtsskookahka

John 14:28

Kito̱o̱htookihpoaawa kita̱a̱nistohsoaayi nita̱ksistapoohsi, ki ta̱kitamattsskitoʼtoo kiisto̱aawa. O̱ki, ikkama̱komimmokiinoainiki, kita̱kitohtsiksimatsiʼtakihpoaawa nita̱ksskitapoohsi ni̱nna. Takaa osto̱yi ito̱ʼtsitssksspssiwa niisto̱i.

John 4:37

Mata̱piiksi a̱i̱ssksawaaniiyaawa, oma̱a to̱kskamma a̱kssapipommaawa kii omi̱i noohki̱i̱tssimi a̱kitamitomoipohtoomaistsi. Ki a̱nniayii niitsiiwa kita̱ʼpoʼtakssinnooni.

John 5:20

Ni̱nna nitsi̱kohtakomimmoka nitohkoyi̱mmi̱yissi ki a̱nnihkayii nita̱waistama̱ttsooka annohka osto̱i̱ manista̱ʼpaisspi, niʼtoi na̱a̱hkoohkattanistaʼpaissi. Ki nino̱o̱hkattaistama̱atsooka na̱a̱hkanisttotsiihpa anniihka nitsipisa̱taistamatstohkatoohpihka. Ki nitsi̱tsstakka na̱a̱hkoʼtsitssksipisatanisttsissi ki a̱nniayii kita̱kanistsskaiʼtakia̱ttsookoaawa.