John 13:11 - Annaahk John Manistsitsinikatahpi Jesus Manistsipaitapiihpiai 1979

¹¹ O̱ki, a̱a̱mohka iihtani̱i̱wa oma̱a Jesus otsi̱tsi̱kayissksinoahsi anniiska ota̱ksisimiomatskaokiska. A̱nnihkayii iihtani̱i̱wa, “Itsstsi̱wa niʼtsita̱piiwa ksiisto̱aawa ma̱tsiksikkaʼpistotoawa.”

John 13:11 交叉引用

John 13:26

Jesus itanstsiiwa̱yi “Nita̱kitsapihtaki napayi̱ iihpa̱ooyoʼpi. Ki oma̱a nita̱yaakohkota̱wa, a̱nnaoʼka.” Ki a̱iʼtsapihtakiwa. Sota̱mohkotsiiwayi ami̱i Judas. A̱nniskaoʼkinai Simon Iscariot ohko̱yi.

John 13:21

O̱ki. Jesus, ota̱i̱ʼksistanistoohsi a̱a̱mohka sota̱mstonnatsikihki̱niʼtakiwa. Ki sota̱maniiwa “O̱ki. Kita̱kanistohpoaawa niitsi̱i̱yi. Iitsspi̱i̱htsiihpa kiisto̱aawa nita̱ksisimioma̱tskaoki.”

John 13:18

A̱nnohka anna̱a̱hkayii itsstsi̱i̱hpa nima̱tohtaiʼpoyiihpa. Ni̱tssksinoayaawa ni̱tssiikoʼtoaiksi. Ki ina̱o̱ʼkaya̱kanistsiiwa manistsi̱kayissiinaapsskohkatoohpi naato̱i̱si̱naakiaʼtsiistsi issko̱o̱htsika. A̱kstsinaaʼnistaisiwa. Itssi̱naiʼpa ‘Annaahka ni̱tohpo̱ksoyiimookahka nitsipo̱ʼtapa̱akka.’

John 13:2

O̱ki. Ki a̱nnikskaoʼkiaawa anni̱i̱ksiska annaahka Jesus, a̱ota̱ksoyiiyaawa. O̱ki. Oma̱a Judas, amoohka Simon Iscariot ohko̱yi, oka̱i̱ksimssta̱ttsooka Maka̱ʼpatoʼsiiyi ma̱a̱hksisimiomatskaahsii Jesusi.

John 2:25

Osto̱yi saohta̱nistahki omi̱i mata̱piiyi a̱ksikakssksinima manista̱pitapiiyihpiayi. Osto̱yi a̱ksi̱kayissksinoyiiwa ami̱i mata̱pii manistai̱simiiksimsstaahpi.

John 17:12

Nitsi̱tsakiohpokaʼpaissiimahpiaawa no̱mohtsitotoitsikatayaawa kitsskona̱taʼpssini, ki̱tohkokkihpi. Ki̱tohkokki na̱a̱hkaistamatstohkatoohsi kitsskona̱taʼpssini. No̱mohtsitotoitsikatayaawa, ki itsa̱yitaisstsiihpa na̱a̱hkaatsaai; nika̱kaatsaawa oma̱a a̱yaakaatsaawa, oma̱a Judas. Naato̱i̱sinaakiaʼtsisi itsi̱kayissiinaapsskohkatoohpa a̱akaatsaawa, ki a̱nnihkayii iihta̱a̱tsaawa.

John 18:4

Jesus a̱kaohkanaissksinima manista̱kohkoyiʼpi. Ki sota̱mitsi̱ssipoyiwa, ki sota̱manistsiiwa omi̱i̱ksi iihpo̱ʼkistsso̱oiksi a̱wawahkaoʼtsiiksi, “Taka̱a kita̱ʼpaissammawaawa?”