John 12:34 - Annaahk John Manistsitsinikatahpi Jesus Manistsipaitapiihpiai 1979

³⁴ O̱ki. Omi̱i̱ksi mata̱piiksi itani̱stsiiyaawa Jesus, “Nitsi̱toohtsiihpinnaana omi̱i̱stsi nato̱i̱si̱naakssiistsi otsi̱tssi̱naissaawa ota̱akaisksipaitapiiʼsayi Aʼpistotookiwa anniiska o̱mohtakohkoikiihpiska. Ki kiisto̱wa kita̱waanikkihpinnaan kiisto̱wa a̱nnahkaoʼka annaahka Mata̱piiwahka, ki kita̱waanii kita̱ksstsinaiʼsspipoʼtookoowa. O̱ki, tsa̱a kanista̱pawaaniihpa a̱a̱mohka kiisto̱wa a̱nnahkaoʼka annaahka Mata̱piiwahka?”

John 12:34 交叉引用

John 15:25

A̱a̱mohka manista̱i̱hkaʼsspiaawa itsi̱kayissiinaapsskohkatoʼpa nato̱i̱sinaakssini a̱kanistaihkaʼsiiyaawa. Ki a̱nnihkayii iihtani̱staisiiwa. O̱mohtawaatsi̱moihkaahpistsi sina̱a̱kssiistsi, itssi̱naiʼpa nita̱ksiksisstoitsi̱kaimmokiaawa.

John 12:32

Ki niisto̱wa nita̱kohtsspipoʼtookoo ksa̱a̱hkommi, ki a̱nnihkayi nanista̱komaiʼtakiattsaahpi a̱yaakomaiʼtakiiksi.”

John 10:34

Jesus itani̱stsiiwaiksi, “Ki omi̱i̱stsi nato̱i̱si̱naakssistsi kita̱waatsimoihkatoohpoaaya itssi̱naiʼpa, ‘O̱ki a̱nnaka a̱o̱kakihtsimaawaka. Nita̱a̱ni kiisto̱aawa kita̱i̱totoisapsspoaawa A̱ʼpistotookiwa.’ ” (Ki omiistsi nato̱i̱si̱naakssiistsi a̱i̱ssksaomanaʼsiiyaawa.) Ki itani̱i̱wa Jesus, “Ki a̱nnihka omi̱i̱ksi a̱o̱kakihtsimaaiksi oma̱a A̱ʼpistotooki o̱tssitsipssataiksi, ita̱nistayaawa ota̱i̱totoisapssaawa A̱ʼpistotookiyi.

John 8:28

Ki a̱nnihkayi Jesus iihtani̱stsiiwaiksi, “Niisto a̱nnaoʼka annaahka Mata̱piiwahka. Kiisto̱aawa aiʼsspipipo̱ʼtookiinoainiki ki a̱nnikayii kita̱kitssksiniʼpoaawa niisto̱akaoʼka. Kii ma̱tsitsstsiihpa nita̱wattanisttotsiihpi. Nika̱ksaanistoohpiaawa nita̱i̱ssksinimaatsiyihpi ni̱nna.