30 Jesus itani̱i̱wa “A̱a̱mohka nita̱yoohtsiihpa ki niisto̱wa ma̱tohtohtakowa. Kiisto̱aawa a̱nnikskaoʼkiaawa o̱mohtsainnoohtakohpi ka̱a̱hkoohtsissoaayi.
Nisto̱wa ni̱tssksiniihpa kita̱i̱ssksayisstsiwokssi. A̱a̱mohka ko̱mohtanisto a̱a̱moksi na̱o̱ʼtsipoyiiksi mata̱piiksi ma̱a̱hkitoohtsissaawa, ma̱a̱hkohtsitomatapomaiʼtsissaawa kiisto̱wa kito̱ʼtsskokssi.”
Ki itani̱i̱wa, “No̱mohtsiksimatsiʼtaki nitsaitapo̱o̱hsi osto̱yi otsi̱tsaomaiʼnihpi. Kiisto̱aawa a̱nniksaoʼkiaawa no̱mohtsiksimatsiʼtaki. Takaa Kita̱ksistapo̱maomaiʼtakihpoaawa. Oki̱h. A̱a̱hkonaʼpaya̱a̱kitapaaoʼpa Lazarus.”
Kii ki niisto̱wa nima̱takstsinaiʼtotosttohpa mata̱piiksi nita̱i̱ʼpoatomookiksi. Kitsi̱i̱ksstatohpoaawa ka̱a̱hksikamotsi̱i̱piotssoayi. A̱nnihkayii no̱mohtsitotostto John.
A̱nnohka a̱kokakihtsimatayi anno̱ksi istsitapi̱i̱ksi anno̱o ksa̱a̱hkommi. Ki a̱nnohka annaahka istsi̱nawahka ksa̱a̱hkommi, Maka̱ʼpatoʼsiwahka, a̱yaakomo̱oʼtsaawa.
