3 O̱ki. Ki omi̱i̱ksi Lazarus o̱takiimiksi, itapo̱ʼtahkaaʼtaayaawa ami̱i Jesus ma̱a̱hkanistahsaawayi, “O̱ki nitsi̱naaimi. Anna̱a̱hka kita̱kkaawahka, i̱i̱kskaʼyiksisttsiistomiwa.”
O̱ki. Ki Jesus iika̱komimmiiwa Martha, ki ohsi̱si ki oyi̱nnaawayi, Lazarusi.
O̱ki. Jesus otsska̱a̱ʼkomimmayi oma̱nikapiimi, itapa̱pitsskaohsiiyinai.
Omi̱i̱ksi isto̱ʼtotamaʼpssiiksi Jews itani̱i̱yaawa, “Issa̱ʼtsik. Niita̱ʼpakomimmiiwa Lazarus.”
A̱nniai a̱a̱niiwa Jesus. Ki ina̱i̱ʼtanistsiiwaiksi, “Oki, kita̱kka̱annoona Lazarus, a̱kayoʼkaawa. Ki nita̱kitapoo. Ta̱kitsiksikiinawa.”
O̱ki. Oma̱a ni̱naawa, a̱a̱nistawa Lazarus. A̱i̱sttsiistomiwa. Ita̱o̱piiwa omiim aka̱i̱tapisskoi Bethany. A̱nnima otsi̱taopiihpiaawa oma̱a Mary, ki omi̱i o̱nsstsi, Martha.
Mary, a̱nnahkaoʼka annaahka itsitsi̱yimioʼtooma Jesus ohka̱tsistsi. Ki iina̱ʼohtsitssiinimaaistsi oʼtoka̱a̱ni. Osto̱yi o̱mohpapiʼihpayi omii a̱i̱sttsiistomiyi Lazarusi.
Martha sota̱manistsiiwa Jesus, “Nitsi̱naaimi! Kitsi̱i̱kaaʼpoʼtoohtopi. A̱nnoohka ma̱taksiʼni̱wa no̱mohpapiʼihpa.
O̱ki ki itso̱pooyaʼpanistsiiwaiksi ota̱nisttsiihpi. A̱a̱niiwa “O̱ki. Kita̱i̱sksanistainihkakkihpoaawa ‘a̱i̱ssksinimaatstohki’ ki ‘nitsinaaim’. Ki kitsi̱i̱ksoksinihkakkihpoaawa. A̱nniai tanista̱pssi.
