John 11:28 - Annaahk John Manistsitsinikatahpi Jesus Manistsipaitapiihpiai 1979

²⁸ O̱ki. Oma̱a Martha ota̱i̱ʼksistanistoohsi a̱a̱mohka sta̱miistapa̱atsiiwa Jesus. Sota̱motoinihkatsiiwa ohsi̱si. Sota̱misimiaanistsiiwayi, “A̱kaoʼtoowa annaahka a̱i̱ssksinimaatsookiwahka. Ki kita̱waanikka.”

John 11:28 交叉引用

John 13:13

O̱ki ki itso̱pooyaʼpanistsiiwaiksi ota̱nisttsiihpi. A̱a̱niiwa “O̱ki. Kita̱i̱sksanistainihkakkihpoaawa ‘a̱i̱ssksinimaatstohki’ ki ‘nitsinaaim’. Ki kitsi̱i̱ksoksinihkakkihpoaawa. A̱nniai tanista̱pssi.

John 11:20

Kii ki oma̱a Martha sota̱mohtsimatsiiwa Jesus ota̱waisto̱o̱hsayi ki itsska̱aatsiiwayi. Ki oma̱a Marywa sa̱akiitsipsta̱o̱piiwa omii oko̱aawayi.

John 21:7

Kii ki Jesus ami̱i ota̱komimmai oma̱nikapiimi a̱a̱nistsiiyinai anniiska Peteriska, “A̱nnaoʼka kitsi̱naaiminnoona.” Ki oma̱a Simon Peter, ka̱ksapskaohsatom o̱mohtapoʼtakihpistsi. Ki ota̱ʼyoohtsissi sota̱msapskaohsatoma otsa̱otatsiisokaʼsimi. Ki sota̱mssa̱yohpaʼwaaniwa.

John 20:16

Oma̱a Jesus itani̱i̱wa, “Mary.” Ki oma̱a Mary sota̱mattsiita̱a̱kitapoʼtaksipoyiwa̱yi. A̱a̱nistsiiwayi, “Rabbi.” Amoohka “Rabbi” ota̱wattsiʼpoahsoaawa anista̱panioʼsina “A̱i̱ssksinimaatstohki.” Ami̱i̱ksi Jews otsi̱ʼpoahsoaayaawa.

John 10:3

Omi̱i itso̱o̱hkaisskskaatakiyi ota̱ksika̱yinnomookayi. Ki omi̱i̱ksi i̱i̱mahkihkinaaiksi ota̱ksisstsiwokaiksi. Otsi̱nihkaʼsooaawaistsi a̱kohtsinihkatsiiwa ota̱wattotaʼsiiksi i̱i̱mahkihkinaaiksi. Ki a̱kitsaipiiwaiksi

John 1:45

Oma̱a Philip itota̱ʼpssammiwa Nathanael. Itohko̱onoyiiwayi. A̱a̱nistsiiwayi, “O̱ki. Annaahka Mosesahk anniska otsi̱kayissiinapsskoayiska, niisto̱nnaana ni̱tohkoissksinoannaaninayi. A̱nniskaoʼkinayi anniska otsi̱kayissiinapsskohkatawawayiska omiiksi a̱waatoyiʼpoyiiksi issko̱o̱htsika. A̱nnaoʼka oma̱a Jesus. Itsista̱waʼsiwa Nazareth. Oma̱a Joseph, ohko̱ayi.”

John 1:41

I̱i̱tomotaʼpssammiiwa o̱mohpapiʼihpi Peteri. Itohko̱o̱noyiiwayi. Itani̱stsiiwayi, “Nika̱o̱hkoissksinoannaanini A̱ʼpistotookiwa anniska o̱mohtakohkoikiihpiska ma̱a̱hksikamotsi̱i̱piookssi.” (O̱ki, amoohka ota̱a̱niihpihka, A̱ʼpistotookiwa o̱mohtakohkoikiihpiska, ni̱ʼtoi anista̱panioʼsina “Christ”).

John 11:29

O̱ki. Oma̱a Mary ota̱ʼyoohtsissi sota̱mohpiipoomatapitapoowa Jesusi.

John 11:30

O̱ki. Jesus ma̱tomaoʼtsstsisoowaatsi. Sa̱a̱kiitsaʼkapaipoyiwa o̱o̱mi otsitoʼtaatsiimayihpi Martha.