21 Martha sota̱manistsiiwa Jesus, “Nitsi̱naaimi! Kitsi̱i̱kaaʼpoʼtoohtopi. A̱nnoohka ma̱taksiʼni̱wa no̱mohpapiʼihpa.
Kii, ki o̱o̱maoʼka oma̱a Mary. Sota̱mitoʼtoowa otsi̱tsipoyihpiayi Jesus. Sota̱minoyiiwayi. Sota̱mitoʼtsissopisttoksisanohpaʼwaaniwa. Itani̱i̱wa, “Nitsi̱naaimi! Kitsi̱i̱kaaʼpoʼtoohtopi. A̱nnoohka no̱mohpapiʼihpa mata̱ksiʼniwa.”
Ki anni̱i̱ksi mattstsi̱kiiksi itani̱i̱yaawa, “Osto̱yi iihkotsi̱i̱wa anni̱i̱skayi na̱a̱psstsiiyi otsa̱a̱pssini. Ma̱ʼksaitoʼtoowa Lazarus otsi̱tsaomaiʼnihpi ma̱a̱hkohtsayi̱nssi Lazarus?”
Mary, a̱nnahkaoʼka annaahka itsitsi̱yimioʼtooma Jesus ohka̱tsistsi. Ki iina̱ʼohtsitssiinimaaistsi oʼtoka̱a̱ni. Osto̱yi o̱mohpapiʼihpayi omii a̱i̱sttsiistomiyi Lazarusi.
O̱ki. Ki omi̱i̱ksi Lazarus o̱takiimiksi, itapo̱ʼtahkaaʼtaayaawa ami̱i Jesus ma̱a̱hkanistahsaawayi, “O̱ki nitsi̱naaimi. Anna̱a̱hka kita̱kkaawahka, i̱i̱kskaʼyiksisttsiistomiwa.”
