14 Jesus na̱i̱sopoyaʼpawaanistsiiwaiksi, “A̱kaiʼniwa Lazarus.”
O̱ki. Ki a̱nniai oma̱nikapiimiksi otsi̱tanikkaiksi, “Ki a̱nnohka kita̱i̱ʼtskanikkihpinnaana. Kima̱tsistsksiʼpoakkihpinnaan.
Omi̱i̱stsi kita̱a̱nistohpoaawaistsi, nitsi̱sttsksiʼpoatoohpiaawa. Ki a̱yaakoʼtsstsiiwa kitsi̱taksawattsisttsksiʼpoatohpoaayi, kita̱kohtsitsiʼtskaanistohpoaawa ni̱nna.
O̱ki. Ki oso̱tamoʼtaksipoyiimoka omi̱i̱ksi isto̱ʼtotamaʼpssiiksi Jews. Oso̱tamanikkaiksi, “Kiisto̱wa kika̱taaʼmi A̱ʼpistotookiwa anniiska o̱mohtakohkoikiihpiska? Ikkama̱a̱miiniki sota̱manikkinnaan. Nita̱yikohtsisamakohkoohspinnaan.”
Oma̱a Jesus niitapa̱waaniiwa otsi̱kaiʼnssayi Lazarus. Oma̱nikapiimiksi niitapo̱tsistapiʼtoyiiyaawayi a̱a̱hkawaniiyinayi a̱kayoʼkaawa Lazarus. A̱nniai niitsi̱pahtsootsistapiʼtoyiiyaawayi.
Ki itani̱i̱wa, “No̱mohtsiksimatsiʼtaki nitsaitapo̱o̱hsi osto̱yi otsi̱tsaomaiʼnihpi. Kiisto̱aawa a̱nniksaoʼkiaawa no̱mohtsiksimatsiʼtaki. Takaa Kita̱ksistapo̱maomaiʼtakihpoaawa. Oki̱h. A̱a̱hkonaʼpaya̱a̱kitapaaoʼpa Lazarus.”
