39 O̱ki. A̱nnimayii ma̱ttomatapssaaksinniiyaawa omi̱i Jesus, ki iihko̱ttsiistapa̱aatsiiwaiksi.
O̱ki. A̱nniayii a̱i̱ʼtsstsiihpa ota̱i̱ssa̱aksinnoki ma̱a̱hki̱tohtoipiyissi. Kii ina̱o̱ʼksaomiitaoʼtsstsiiwa ita̱aksiʼnitahpi. Ka̱a̱tsaitsstsiiʼpa otsiki̱i̱htooki.
O̱ki. A̱nniayi omi̱i̱ksi isto̱ʼtotamaʼpssiiksi Jews itoma̱tapoʼtakiyaawa o̱o̱hkotoki ma̱a̱hkohtsisskaiʼtatahpiaawa Jesus. Ki Jesus sota̱mikaksiistapa̱aatsiiwaiksi. Ki a̱nnimayi sta̱mitsakskihtsima omii o̱mahkitawaatsimoihkaaoʼpi.
Ki anni̱i̱ksi i̱i̱kstaayaawa ma̱ahksinnahsaawayi, ki ina̱o̱ʼksaitsstsiihpa ma̱a̱hksikiihtooki.
Ki a̱nniayii omi̱i̱ksi isto̱ʼtotamaʼpssiiksi Jews, sta̱mattssiikoʼtakiiyaawa o̱o̱hkotoki ma̱a̱kohtsisskaiʼtatahsaawa Jesusi, ma̱a̱hkohtsiʼnitahsaawayi.
