John 10:27 - Annaahk John Manistsitsinikatahpi Jesus Manistsipaitapiihpiai 1979

²⁷ Nito̱mahkihkimaamiksi nita̱yisstsiwokiaawa iʼpo̱yiiniki. Ki ni̱tssksinoayaawa. Ki a̱nnikskaoʼkiaawa iihta̱i̱sapooyaawa niisto̱i.

John 10:27 交叉引用

John 10:16

Itsstsi̱i̱ ni̱i̱kskai nima̱tta̱komahkihkinaamiaawa. Anno̱o ma̱tsitsinssiwaiksa kiisto̱aawa anno̱o Jews. Nita̱ksstsinaʼohkanaomo̱ipiaayaawa. Ki a̱nnihkayi a̱kitohkanaiʼtssiiyaawa. Ki nini̱ʼtsitapiiyi nita̱kotoitsikatayaawa.

John 10:14

O̱ki. Ki niisto̱ahkaoʼka annaahka A̱a̱hsaʼpssi A̱o̱toitsikatsimaawahka. Kii ni̱nna tani̱stssksinootsiimahpi, a̱nni niʼto̱i niitsiiwa, nani̱stssksinootsiimayi nitsitapi̱i̱mataiksi. Ki ta̱kohtomatskaohsi na̱a̱hksiʼnikkoohsi na̱a̱hkohtsikamotsi̱i̱piaahsaawa.

John 5:25

Kita̱kanistohpoaawa niitsi̱i̱yi. A̱kanistsiwa i̱ssoohtsika ki a̱kaomatapanistsiwa mata̱piiksi amokska nita̱yisstsiwokikska ki a̱nnikskai a̱koʼtsimiaawa anniihka manipa̱i̱tapiʼssinihka. Ki mi̱i̱ksi mata̱piiksi ka̱taʼyayisstsiiksi ma̱takoʼtsi̱maiksaa a̱a̱mohka manipa̱i̱tapiʼssinihka. I̱i̱kanistssiiyaawa a̱nni a̱kaiʼniiyaawa. Ikkama̱yisstsiiyisaawa a̱koʼtsimiaawa anniihka manipa̱i̱tapiʼssinihka.

John 8:12

O̱ki. Ki a̱nnika oma̱a Jesus, ki ma̱tta̱isitsipssatsiiwa omi̱i o̱tapiiʼsini. A̱a̱niiwa, “Niisto̱wa a̱nnahkaoʼka iihkotsi̱i̱wa mata̱piiyi ma̱a̱hkitaʼpawaawahkaaniaiks ksistsiko̱i̱nattsi. Oma̱a mata̱piwa ikka̱mohtaisapoosi niisto̱yi a̱kitsaitaʼpawaawahkaawa isski̱inattsi. A̱kaissksitsipaitapiiwa ksisstiko̱inattsi. A̱nni iihto̱ʼtsstsiiwa niipa̱i̱tapiʼssini.”

John 10:8

Aka̱i̱tapiiyi i̱i̱kayissoʼtooyiiksi a̱a̱niiksi ‘niisto̱nnaana taoʼtoitsikatannaana amo̱ksi’ ki niisto̱wa nima̱noʼtoowa. Osto̱aawa a̱nnikskayi saa̱o̱miitsitapiiyaawa, ki mi̱i̱ksistaisimiikamoʼsiiyaawa i̱i̱mahkihkinaai. Ki oma̱tsisstsiwakakkoaawaiksi omi̱i̱kska nito̱mahkihkinaamiksi.

John 12:26

Kii oma̱a mata̱piiwa, ikka̱mstattsiiniki na̱a̱hkaʼpaoʼtomo̱yissi, a̱kstsinaʼohtsapo̱owa niisto̱yi. Ki a̱nniai nita̱kitohpokaʼpaissiimoka omii nitsi̱takaʼpaisspi. Ki ikkama̱ʼpoʼtomootsiiniki ota̱kainaimnoka anniiska ni̱nniska A̱ʼpistotooki iyiska.

John 8:43

Kita̱kanistohpoaawa ko̱mohtsaotsistapiʼtsiihpoaayi nita̱a̱niihpistsi. Ko̱mohtsaotsistapiʼtsiihpoaayaawa ki̱tsaohkottonissoayi tanista̱pawaaniihpi.

John 21:22

Jesus itani̱i̱wa, “I̱i̱makstatainiki ma̱a̱hkitsakiaipaitapiiʼssi niisto̱wa aiʼssko̱ʼtooiniki, kiisto̱wa kima̱tsitoʼtohkoyikiihpa manista̱kohkoyiʼpi. Ka̱kohtsapo̱o̱t niisto̱wa.”