26 Ki kitsi̱naoʼksawaakomaiʼtakihpoaawa, takaa kima̱a̱tamihpoaawa to̱mahkihkinaamiksi.
Aʼpistotookiwa otsitapi̱i̱mataiksi ota̱yoohtookaiski ota̱a̱niihpistsi. Kiisto̱waawa ko̱mohtsawayoohtoawaawa A̱ʼpistotookiwa ki̱tsaitapiima̱yissoaayi.”
Nito̱mahkihkimaamiksi nita̱yisstsiwokiaawa iʼpo̱yiiniki. Ki ni̱tssksinoayaawa. Ki a̱nnikskaoʼkiaawa iihta̱i̱sapooyaawa niisto̱i.
Kii, aiʼsa̱i̱piasaiksi a̱kitsissa̱atsiiwaiksi. Ki a̱kohtohpoʼkiisapooyaaiksi otohsotooʼkini̱yissaiksi.
Kii Jesus ma̱ttanistsiiwa omi̱i̱ksi mata̱piiksi, “Ki a̱nnihkayii ka̱mohtanistohpoaawa, ikka̱msawanistaiksimsstattsootsiinoainiki anna̱a̱hka ni̱nnahka kima̱takohkottomaiʼtookihpoaawa.”
Ni̱nna nita̱kohkokka to̱kskammiksi mata̱piiksi kii akohkanaomatapomaiʼtakiiyaawa. Ki oma̱a mata̱piiwa ikkamo̱matapomaiʼtakisi nima̱taksstsimimma̱waatsiksi.
