50 Jesus itani̱stsiiwayi, “Kita̱a̱nisto kitsi̱tsinoo annihka kitsi̱tsitsistaahtaopiihpihka omaam miistsi̱sa, kii a̱nnohkayi ko̱mohtomatapomaiʼtaki. Kita̱ksiniʼpa oʼtsi̱tssksipisataʼpiistsi.”
Jesus itani̱stsiiwayi, “Kika̱wanisto, ikkamo̱maiʼtakiiniki kita̱kitaistama̱atsookoo A̱ʼpistotookiwa mani̱stsspsspi.”
Jesus itani̱stsiiwayi, “Ki̱mohtomaiʼtaki takaa kitsino̱o̱kssi. Ika̱kiʼtaamssi oma̱a mata̱piiwa iima̱i̱ʼtakiwa ki̱i̱wa ni̱tsayino̱yihpi.”
Nathanael ota̱ʼyoohtoahsi sota̱mipisatsiʼtakiwa. Ka̱a̱tanistsiiwa Jesusi “A̱i̱ssksinimaatstohki. Kiisto̱wa a̱nniskaoʼkinayi A̱ʼpistotookiwa ohko̱yi. Kiisto a̱nnayii kita̱kitsinawaʼsi Israel.”
Jesus ina̱i̱ʼtanistsiiwayi, “Kita̱komiiksistsiniʼpoaawa isspo̱o̱htsi otsika̱i̱ʼsstsissi. Kii A̱ʼpistotookiwa ota̱toyiitapiimiksi a̱kohtohkoikiaawa niisto̱yi ma̱a̱hksspommoohsaawa kii ma̱a̱hkattsainnisoohsaawa. Niisto̱akaoʼka annaahka Mata̱piiwahka.”
