10 osto̱yi ito̱ʼtoowa anno̱o ksa̱a̱hkomma. Ki anno̱ksi istsitapi̱i̱ksi anno̱o ksa̱a̱hkomma ma̱tssksinoyiiwaiksaawayi ki̱i̱wa osto̱yi a̱nnayii o̱mohtsistapitaisstsiihpi ksa̱ahkommi.
A̱yo ni̱nna. Kiisto̱wa kitsiko̱kamoʼtaʼpssi. Ka̱taʼyaomaiʼtakiiksi kima̱tssksinookiaawa. Niisto̱wa kitsi̱naoʼkssksinoo ki amo̱ksi ki̱tssksinookiaawa kiisto a̱nnayii kito̱ʼtsskookssi.
Ma̱tonaitaisstsiihpa a̱a̱hksinoyii Kinnooni A̱ʼpistookiiyi. Ki oni̱ʼtohkoyi ki a̱nnahkaoʼka A̱ʼpistookiiyi. Ki̱nnoona ota̱i̱ssksohpokaʼpaissiimoka ohko̱yi. Ki na̱o̱ʼtooyinai. Na̱waistamatstohkatohsiinayi a̱a̱hkitohkoissksinissi o̱nni mani̱stsspiai.
Ki amohka ksistsiko̱i̱nattsiiyihka ita̱psstsiiwa ami̱i̱ksiska ita̱ʼpawaawahkaaiksi isski̱i̱ʼnattsi. Ki amohka isski̱i̱ʼnattsiyihka ma̱ta̱o̱noaoʼtsitsksskonataʼpssatoomaatsi ksistsiko̱i̱nattsi. Ki a̱nnihkayii ma̱tako̱noawa̱a̱htsaakaʼsiwa amiia ksistsiko̱i̱nattsiiyi.
Jesus itani̱stsiiwaiksi o̱mohta̱ohkottotsimaahpi i̱makssikopiiksistsikosi. Itani̱i̱wa, “Ni̱nna A̱ʼpistotookiwa, ma̱tomaikakssikaʼpoʼtakiwaatsi kii niisto̱wa nino̱o̱hkattaʼpaoʼtaki.”
Kana̱ʼpaisi iihtsi̱stapitsstsiiwa osto̱yi. Ma̱toohkitsstsiihpa a̱a̱hksaohtsistapitsstsii osto̱yi, imaki̱ʼtokska.
Itsito̱ʼtoowa otsi̱tsitapiihpi ki ota̱wattsitapiimiksi, amiiksi Jews, otsi̱tsstsimimmokaiksi.
