Mak 7:13 - 1998 Haïtienne

¹³ Se konsa nou fè pawòl Bondye yo pase pou anyen ak pawòl pa nou n'ap transmèt yonn bay lòt. Nou fè anpil lòt bagay konsa ankò.

Nouvo Testaman: Vèsyon Kreyòl Fasil

¹³ Konsa tradisyon nou yo vin pi enpòtan pase pawòl Bondye. Nou fè anpil lòt bagay kon sa ankò.”

Bib Sen An: Kreyòl Ayisyen

¹³ Konsa nou fè pawòl Bondye a vin nil ak tradisyon ke nou transmèt a youn lòt. Nou fè anpil bagay konsa.”

Mak 7:13 交叉引用

Ezayi 8:20

W'a reponn yo: Koute pawòl Senyè a, koute sa li te moutre nou an! Si nou koute moun k'ap di nou fè lòt bagay, n'ap toujou rete nan fènwa.

Ezekyèl 18:14

Annou konsidere kounyeya ka dezyèm moun sa a ki ta rive fè yon pitit gason. Pitit la wè tout peche papa l te fè yo. Li wè yo, men li pa fè tankou l.

Oze 8:12

Atout m ekri pou yo anpil regleman sou lalwa mwen ba yo a, yo pran regleman yo pou bagay ki pa pou yo.

Matye 15:6

moun sa a pa bezwen fè anyen pou papa l osinon pou manman l. Se konsa, avèk koutim nou yo, nou fè pawòl Bondye a pase pou anyen menm.

Mak 7:12

nan ka sa a, li pa bezwen fè anyen pou papa l osinon manman li.

Mak 7:14

Apre sa, Jezi rele foul moun yo vin bò kote l ankò. Li di yo konsa: — Nou tout, tande byen sa m'ap di nou la a. Manyè konprann sa.

Mak 7:3

Farizyen yo ak tout lòt jwif yo pat janm manje san yo pat lave men yo byen lave. Nan sa, yo t'ap swiv koutim granmoun lontan yo.

Mak 7:5

Se sa k fè, farizyen yo ak dirèktè lalwa yo mande Jezi: — Poukisa disip ou yo pa swiv koutim granmoun lontan yo? Men y'ap manje ak men yo tou sal.

Mak 7:9

Li di yo tou: — Nou byen konnen jan pou nou vire kòmandman Bondye yo voye jete, pou nou ka kenbe pwòp pawòl pa nou yo.

Galat 1:14

Nan relijyon jwif yo mwen te pi fò pase anpil moun nan ras mwen ki te menm laj avè mwen. Mwen te pi cho pase yo pou defann koutim zansèt nou yo.

Galat 5:21

Yonn anvye sò lòt, yo tafyatè, yo saf konsa, ak yon bann lòt bagay ankò y'ap fè. Mwen deja di nou sa, epi m'ap repete l ankò pou nou: moun ki fè tout bagay sa yo p'ap antre menm nan peyi kote Bondye wa a.

Tit 1:14

pou yo pa swiv vye istwa jwif yo fè, ni kòmandman ki sòti nan moun ki vire do bay verite a.