Mak 4:12 - 1998 Haïtienne

¹² Konsa Yo mèt gade byen gade, men yo p'ap wè. Yo mèt tande byen tande, men yo p'ap konprann, pou yo pa tounen vin jwenn Bondye, pou Bondye padonnen peche yo.

Nouvo Testaman: Vèsyon Kreyòl Fasil

¹² Mwen fè sa poutèt, Menm lè yo wè, yo pa vrèman wè. Menm lè yo tande, yo pa vrèman ni tande ni konprann. Si yo ta wè epi yo ta konprann, yo ta repanti epi Bondye ta padone yo.”

Bib Sen An: Kreyòl Ayisyen

¹² Pou l rive ke Malgre yo wè, yo kapab wè san apèsi; e pandan y ap tande, yo kapab tande e pa konprann. Otreman, yo ta kab retounen pou twouve padon.”

Mak 4:12 交叉引用

Ezayi 43:8

Senyè a di ankò: — Fè pèp la konparèt devan m. Se yon bann moun ki gen je men ki pa wè. Yo gen zòrèy men yo pa tande.

Ezayi 44:18

Moun sa yo pa konn anyen, yo pa konprann anyen, paske je yo bouche, yo pa ka wè. Lespri yo bouche, yo pa konprann anyen.

Jeremi 36:3

Ou pa janm konnen, lè moun peyi Jida yo va tande tout malè mwen fè lide voye sou yo, y'a konprann, y'a manyè kite move pant y'ap swiv la. Lè sa a, m'a padonnen tout mechanste ak peche yo te fè yo.

Jeremi 5:21

Louvri zòrèy nou byen pou nou tande, bann egare san konprann! Nou gen je, men nou pa ka wè. Nou gen zòrèy, men nou pa ka tande.

Ezekyèl 12:2

— Ras Adan! Se nan mitan yon ras moun tèt rèd ou rete. Yo gen je, men yo pa wè. Yo gen zòrèy, men yon pa tande. Paske yo se yon bann ras moun wòklò.

Mak 8:18

Gen lè nou pa wè nan je nou? Nou pa tande nan zòrèy nou? Se bliye nou gentan bliye?

Lik 8:10

Li reponn yo: — Pou nou, yo fè nou konnen tout sekrè peyi kote Bondye Wa a. Men, pou lòt moun yo, yo ba yo l an parabòl. Konsa yo mèt gade, yo p'ap wè, yo mèt tande, yo p'ap konprann.

Travay 3:19

Chanje lavi nou, tounen vin jwenn Bondye pou l ka efase peche nou yo.

Detewonòm 29:4

Men, jouk koulyeya, Senyè a poko louvri lespri nou ase pou nou byen konprann tout sa nou wè ak tout sa nou tande.

2 Timote 2:25

Se pou l korije moun ki pa dakò avè l avèk dousè. Ou pa janm konnen: Bondye ka ba yo yon chans pou yo chanje jan y'ap viv la, pou yo vin konn verite a.

Ebre 6:6

Apre sa, si yo voye konfyans yo nan Bondye jete, pa gen mwayen pou yo tounen vin jwenn Bondye ankò. Paske, yo kloure Pitit Bondye a yon dezyèm fwa sou kwa a. Yo fè l wont devan tout moun ankò.