Mak 2:13 - 1998 Haïtienne

¹³ Jezi tounen ankò bò lanmè Galile a. Yon foul moun te vin jwenn li, epi li t'ap moutre yo anpil bagay.

Nouvo Testaman: Vèsyon Kreyòl Fasil

¹³ Jezi sòti ale bò lak la ankò, tout foul la te vin jwenn li epi li t ap anseye yo.

Bib Sen An: Kreyòl Ayisyen

¹³ Li te ale deyò ankò bò kote lanmè a. Tout foul la te vin kote Li, e Li t ap enstwi yo.

Mak 2:13 交叉引用

Matye 13:1

Menm jou sa a, Jezi sòti nan kay la, l'al chita bò lanmè a.

Matye 9:9

Jezi kite kote l te ye a. Antan li t'ap pase konsa, li wè yon nonm yo te rele Matye ki te chita nan biwo kontribisyon an. Jezi di l konsa: — Swiv mwen. Matye annik leve, li swiv Jezi.

Mak 1:45

Men nonm lan pati, li pran mache fè konnen bagay la toupatou. Li sitèlman gaye nouvèl la, Jezi pa te ka antre nan okenn lòt vil san moun pa wè li. Li te pito rete apa poukont li kote ki pa gen moun. Men moun te soti toupatou vin jwenn li.

Mak 10:1

Jezi kite kote l te ye a. Lale nan rejyon Jide ki lòt bò larivyè Jouden an. La ankò, foul moun yo te sanble bò kote l. Li t'ap moutre yo anpil bagay, jan l te toujou konn fè a.

Mak 2:2

Moun te sitèlman rasanble, pa te gen kote pou pike zepeng, menm devan pòt la. Jezi menm t'ap ba yo pawòl la.

Mak 4:1

Jezi rekòmanse preche bò lanmè Galile ankò. Foul moun ki te rasanble bò kote li te sitèlman anpil, li te blije moute chita sou yon kannòt nan lanmè a. Foul la menm te rete atè sou rivaj la.

Lik 19:48

Men, yo pat kapab jwenn yon jan pou yo te fè sa, paske tout pèp la t'ap koute sa l t'ap di san yo pa pèdi yon mo.

Lik 21:38

Chak maten, byen bonè, tout pèp la te konn al jwenn li nan tanp lan pou tande sa l t'ap di.