Mak 16:1 - 1998 Haïtienne

¹ Fini jou saba a fini, Mari, moun Magdala, Mari, manman Jak ak Salome, achte lwil santi bon pou al anbonmen kò Jezi.

Nouvo Testaman: Vèsyon Kreyòl Fasil

¹ Nan dimanch maten, Mari, moun Magdala a, avèk Mari, manman Jak epi Salome, yo te achte luil santi bon pou t al anbome kò Jezi.

Bib Sen An: Kreyòl Ayisyen

¹ Lè Saba a te fini, Marie Magdala, avèk Marie, manman a Jacques, ak Salomé, te pote epis pou yo ta kab fè onksyon kò Li.

Mak 16:1 交叉引用

Jenèz 50:2

Apre sa, Jozèf rele doktè ki t'ap sèvi li yo. Li fè yo anbonmen kadav la. Se sa menm doktè yo fè.

2 Kwonik 16:14

Yo antere l nan kavo li te fè fouye pou tèt pa li nan lavil David la. Yo mete kadav la kouche sou yon payas fèt ak fèy santi bon ak tout kalite bon odè yo te pare jan yo konn fè l la. Apre sa, yo limen yon gwo boukan pou li.

Mak 14:3

Jezi te Betani, lakay Simon, nèg ki te gen lalèp la. Pandan li te atab, yon madamn vin antre. Li te pote yon ti boutèy pòslèn plen losyon byen chè. Madamn lan dekachte boutèy la, li vide tout losyon an sou tèt Jezi.

Mak 14:8

Fanm lan fè sa l te kapab. Depi davans li tou benyen kò m pou lantèman mwen.

Mak 15:40

Te gen kèk fanm la tou. Men yo te rete lwen ap gade. Pami yo te gen Mari, moun lavil Magdala a, Mari, manman Ti Jak ak Jòz, ansanm ak Salome.

Mak 15:42

Solèy te fin kouche. Se te jou preparasyon jwif yo, se te lavèy jou saba.

Mak 15:47

Mari, moun lavil Magdala a, ansanm ak Mari, manman Jòz, t'ap gade kote yo mete kò a.

Mak 16:2

Nan dimanch maten byen bonè, solèy te fenk ap leve, medam yo ale nan kavo a.

Mak 16:8

Medam yo sòti nan kavo a, yo pran kouri ale. Yo t'ap tranble kou fèy bwa, yo te pè anpil. Yo pa di pèsonn anyen tèlman yo te pè. [

Lik 23:54

Se te yon jou vandredi, saba ta pral louvri.

Lik 23:56

Apre sa, yo tounen lakay yo, y'al pare lwil santi bon ak odè pou benyen kò a. Men, jou repo a yo pat fè anyen, jan lalwa Moyiz te vle l la.

Lik 24:1

Nan dimanch maten, byen bonè, medam yo ale nan kavo a. Yo te pote lwil santi bon yo te pare pou benyen kò a.

Jan 19:25

Bò kwa Jezi a te gen manman l ak sè manman l, Mari, madanm Kleopas la, ansanm avèk Mari, moun lavil Magdala a.

Jan 19:31

Se te lavèy jou saba a. Jwif yo pa te vle pou kadav la rete sou kwa a jou saba a paske jou repo a te yon gwo jou fèt. Yo mande Pilat pou li fè kraze janm moun ki kloure sou kwa yo pou fin touye yo. Epi pou li fè yo wete kadav yo.