Jeremi 7:34 - 1998 Haïtienne

³⁴ Peyi a pral tounen yon dezè. Nan lavil peyi Jida yo ak nan lari lavil Jerizalèm, ou p'ap tande yon moun ap pran plezi l, ou p'ap tande yon moun ap ri. P'ap menm gen fèt pou moun marye yo. Se mwen menm k'ap fè tou sa rive.

Bib Sen An: Kreyòl Ayisyen

³⁴ Nan moman sa a, Mwen va fè sispann soti nan vil a Juda yo ak lari a Jérusalem yo, vwa a kè kontan ak vwa a jennonm k ap marye a, ak fi maryaj la; paske peyi a va devaste nèt.”

Jeremi 7:34 交叉引用

Jòb 3:7

Se pou jou lannwit sa a fè cheve nan tèt moun kanpe, pou yo pa tande pèsonn ap ri!

Sòm 78:63

Jenn gason yo mouri nan dife. Jenn fi yo pa jwenn pèsonn pou marye ak yo.

Ezayi 1:7

Peyi nou an fini. Dife fin boule tout vil nou yo rapyetè. Moun lòt nasyon yo piye tout jaden nou yo, epi la devan je nou. Yo fini ak tout bagay nèt nan peyi a. Yo sèl lafliksyon tonbe sou nou, tankou lè lènmi pase nan peyi a.

Ezayi 3:26

Moun pral plenn nan pòtay lavil yo, y'ap nan lapenn. Lavil la ap tankou yon fanm ki chita tris atè akoz li pèdi tou sa li genyen.

Ezayi 6:11

Lè sa a, mwen di: — Senyè! Kilè sa va sispann? Li reponn mwen: — Lè y'a fin kraze lavil yo. Lè p'ap gen moun ankò ki rete ladan yo. Lè tout kay yo va vid, lè jaden yo va tounen savann.

Jeremi 16:9

Paske men sa mwen menm, Senyè a ki gen tout pouvwa a, Bondye pèp Izrayèl la, mwen di: Nou tout k'ap viv isit la, m'ap fè nou wè m'ap fè tout moun sispann fè kè yo kontan, sispann fè fèt lè y'ap marye.

Jeremi 22:6

Men sa Senyè a deklare sou Jida: — Se vre mwen twouve ou bèl kou peyi Galarad. Wi, ou tankou tèt mòn peyi Liban yo. Men mwen p'ap ezite fè ou tounen yon dezè, Yon vil kote moun pa rete.

Jeremi 25:10

M'ap fè yo p'ap tande moun ap pran plezi yo la. Yo p'ap tande vwa moun ki gen kè kontan. Yo p'ap tande y'ap fete moun marye. M'ap fè p'ap gen grenn pou moulen, p'ap gen gaz pou lanp.

Jeremi 27:17

Pa koute yo. Soumèt devan wa Babilòn lan, konsa n'a viv. Pa gen rezon pou nou fè lavil Jerizalèm lan tounen mazi.

Jeremi 33:10

Senyè a di ankò: Y'ap di peyi a tounen yon dezè, pa gen moun, pa gen bèt ladan l. Se vre wi. Lavil peyi Jida yo, tout lari lavil Jerizalèm blanch: ou pa jwenn ni moun, ni bèt ladan yo. Men nan peyi a y'a tande ankò

Jeremi 33:11

vwa moun k'ap pran plezi yo, moun ki gen kè kontan. Y'a tande mizik pou moun k'ap marye yo. Y'a tande moun k'ap chante lè y'ap pote ofrann pou di Bondye mèsi nan Tanp Senyè a. Y'a di: Lwanj pou Senyè ki gen tout pouvwa a paske li bon! Li p'ap janm sispann renmen nou! Wi, m'ap fè peyi a kanpe ankò jan l te ye anvan an. Se Senyè a ki di sa.

Jeremi 4:26

Bèl jaden yo tounen dezè. Tout vil yo boule rapyetè. Se travay Senyè a paske Senyè a move anpil.

Jeremi 4:27

Men sa Senyè a di: Se pou tout tè a tounen dezè. Men, mwen p'ap fin detwi l nèt.

Jeremi 44:6

Lè sa a, mwen move, mwen fè kòlè. Mwen lage yon dife sou lavil Jida yo ak nan tout lari lavil Jerizalèm. Se vye kay kraze san pèsonn ladan yo ki rete, jan nou ka wè sa jòdi a.

Lamantasyon 5:14

Granmoun yo pa chita nan pòtay lavil la ankò. Jennmoun nou yo pa chante ankò.

Ezekyèl 26:13

M'ap fè nou sispann chante. Yo p'ap tande mizik gita nou yo ankò.

Ezekyèl 7:11

Mechan yo ap pran baton pou kraze brize. Anyen p'ap rete nan richès nou yo, nan bèl bagay nou yo ak nan gwo pouvwa nou yo.

Oze 2:11

Mwen pral fè l sispann gen kè kontan. Mwen pral sispann tout fèt li yo, fèt lalin nouvèl li yo, fèt repo l yo ak gwo fèt li fete chak lanne yo.

Oze 2:13

Mwen pral pini li pou tout tan li te bliye m' lan, lè li t'ap boule lansan devan Baal yo, lè li t'ap mete bèl zanno ak bèl kolye pou plede mache dèyè bann nonm li yo. Se Senyè a menm ki di sa.

Levitik 26:33

M'ap mennen lènmi nou yo vin fè nou lagè. M'ap leve moun dèyè nou pou vin fè nou lagè. M'ap gaye nou nan mitan lòt peyi etranje yo. Peyi a va tounen yon dezè. Lavil nou p'ap gen pèsonn rete ladan yo.

Miche 7:13

Men, tè a ap tounen dezè akòz mechanste moun k'ap viv sou li yo.

Revelasyon 18:23

Okenn lanp p'ap janm klere lakay ou ankò. Yo p'ap janm tande vwa marye ak lamarye ankò. Kòmèsan ou yo, se yo ki te pi grannèg sou latè. Avèk maji ou yo, ou te twonpe tout nasyon yo.