Jeremi 7:18 - 1998 Haïtienne

¹⁸ Timoun yo ap ranmase bwa. Mesye yo ap limen dife. Medam yo ap bat farin fè gato pou Larenn syèl la. Y'ap jete diven pou lòt bondye. Y'ap fè tou sa pou fawouche mwen.

Bib Sen An: Kreyòl Ayisyen

¹⁸ Timoun yo ranmase bwa, papa yo mete dife ladann e fanm yo bat pat farin nan pou fè gato pou rèn syèl la. Yo vide ofrann bwason bay lòt dye yo pou yo ka vekse M.

Jeremi 7:18 交叉引用

1 Wa 14:9

Ou fè pi mal pase sa ki te chèf anvan ou yo. Ou sèvi lòt bondye, ou fè estati kwiv pou yo. Ou voye mwen jete, ou fè mwen fache.

1 Wa 16:2

— Bacha pat anyen menm. Men, mwen mete l chèf sou pèp mwen an, pèp Izrayèl la. Kounyeya menm, li fè tankou Jewoboram, lèfini li lakòz pèp la fè sa ki mal tou. Yo fè m fache ak peche yo fè yo.

Sòm 16:4

Moun k'ap kouri dèyè tout lòt bondye yo, se traka y'ap chache bay tèt yo. Mwen p'ap mele nan ofrann bèt y'ap fè. Mwen p'ap janm nonmen non bondye sa yo.

Ezayi 3:8

Wi, lavil Jerizalèm bannann! Peyi Jida a nan tou sa ki pa bon! Paske tou sa yo di, tou sa yo fè pa dakò ak sa Senyè a vle. Devan tout moun y'ap kenbe tèt ak Bondye ki gen tout pouvwa a.

Ezayi 57:6

Nou pran kèk gwo wòch galèt nan ravin yo sèvi nou Bondye. Se yo ki tout nou. Nou fè ofrann grenn jaden ak ofrann diven pou yo vide sou yo. Nou konprann bagay konsa ka fè m plezi!

Ezayi 65:11

Men pou nou menm ki vire do bay Senyè a, nou menm ki bliye mòn ki apa pou mwen an, epi ki al fè sèvis manje pou Gad, ki al fè ofrann bwason pou Mini,

Ezayi 65:3

Nan figi m konsa, yo t'ap plede fè bagay pou fè m fache. Yo ofri bèt pou touye pou zidòl nan jaden yo, yo boule lansan sou lotèl zidòl yo.

Jeremi 1:16

M'a pini moun nan peyi a jan m te di l la, paske yo te fè sa ki mal. Yo vire do ban mwen, y'al boule lansan pou lòt bondye. Yo fè zidòl, lèfini yo fè sèvis pou yo.

Jeremi 11:17

Se mwen menm Senyè ki gen tout pouvwa a ki te plante pèp Izrayèl la ansanm ak pèp Jida a. Men kounyeya, mwen pran desizyon pou m voye malè sou yo. Se yo menm ki chache l avèk tou sa yo fè ki mal: Se yo ki fè m fache paske y'al boule ofrann pou Baal!

Jeremi 17:2

pou pitit yo ka chonje tout lotèl yo ak tout poto repozwa yo plante bò pyebwa plen fèy sou tèt mòn yo.

Jeremi 19:13

Wi, kay lavil Jerizalèm yo ansanm ak kay wa peyi Jida yo ap tankou Tofèt. Yo p'ap ka sèvi pou moun k'ap sèvi Bondye. Wi, tout kay sa yo se kote yo te moute anwo sou teras pou boule lansan pou zetwal, pou ofri diven bay lòt bondye.

Jeremi 25:7

Men, se Senyè a menm ki di sa, nou derefize koute l. Nou fè l fache ak zidòl nou fè ak men nou. Se konsa nou rale malè sou tèt nou.

Jeremi 32:29

Moun Babilòn k'ap atake lavil la pral antre ladan l. Y'ap mete dife, y'ap boule l. Y'ap mete dife nan kay kote moun yo te fè m fache anpil la, lè yo te moute anwo twati a pou boule lansan pou Baal, pou fè ofrann diven pou lòt bondye.

Jeremi 44:25

Men sa Senyè ki gen tout pouvwa a, Bondye pèp Izrayèl la, di nou. Se nou menm ak tout madanm nou yo ki di ak pwòp bouch nou n'ap kenbe angajman nou te pran ak larenn syèl la, n'ap toujou ofri lansan ak diven ba li. Lèfini, se sa nou fè vre. Enben, kenbe angajman nou yo, fè sa nou te pwomèt la.

Jeremi 44:4

Mwen pat janm sispann voye sèvitè m yo, pwofèt yo, pou di yo manyè sispann fè vye bagay derespektan yo t'ap plede fè a, bagay mwen pa ka wè devan je m.

Jeremi 7:17

Ou pa wè sa y'ap fè nan lavil peyi Jida yo, ak nan lari lavil Jerizalèm?

Lamantasyon 5:13

Yo fòse jenn gason nou yo rale moulen. Ti gason nou yo ap titibe anba gwo chay bwa.

Ezekyèl 16:26

W'al kouche ak moun peyi Lejip yo, vwazen ou yo ki grannèg anpil. Ou fè, ou fè jouk ou fè m fache.

Ezekyèl 20:28

Mwen mennen yo nan peyi mwen te pwomèt m'ap ba yo a. Lè yo wè gwo mòn yo ak bèl pyebwa tou vèt yo, se la yo touye bèt yo ofri pou zidòl yo. Yo fè ofrann grenn jaden ki fè m fache sou yo. Yo boule ofrann pou fè zidòl yo plezi ak bon sant yo, yo vide diven atè pou yo.

Ezekyèl 8:16

Li mennen m nan lakou anndan Tanp lan. Mwen wè vennsenk nèg konsa kanpe bò pòt pou antre nan kote ki apa nèt pou Senyè a, nan mitan lotèl la ak galeri a. Yo te bay Tanp lan do. Fas yo vire bò solèy leve. Yo bese tèt yo byen ba, y'ap fè sèvis pou solèy la k'ap leve.

Ezekyèl 8:17

Senyè a di m konsa: — Nonm o! Eske ou wè sa? Moun peyi Jida sa yo ap fè tout vye bagay derespektan y'ap plede fè yo. Y'ap mache fè mechanste nan tout peyi a. Men sa pa kont yo toujou, se pou yo vini jouk isit la nan Tanp lan pou fè yo, pou yo fè m pi move toujou. Men y'ap fè move jès pou derespekte m, yo mete yon ti branch bwa anba nen yo.

1 Korent 10:22

Osinon, èske nou vle eksite jalouzi Senyè a? Eske nou kwè nou gen plis fòs pase li?

Detewonòm 32:16

Y'al adore bondye lòt nasyon. Yo fè Senyè a fè jalouzi, y'al fè sa ki mal, yo fè l fè kòlè.

Detewonòm 32:21

Yo fè m fè jalouzi, y'al adore yon bondye ki pa bondye tout bon. Yo fè m fè kòlè, y'al fè sèvis pou zidòl ki pa vo anyen. Enben, mwen menm, mwen pral fè yo fè jalouzi pou yon pèp ki pa menm yon pèp. M'ap fè yo fè kòlè pou yon nasyon moun ki san konprann.

Detewonòm 4:19

Konsa tou, lè nou leve je nou nan syèl la, nou wè solèy la, lalin lan, zetwal yo ak tout lòt bagay ki anwo nan syèl la. Pa kite yo vire tèt nou pou nou fè sèvis pou yo. Pa al mete ajenou devan yo. Bondye mete yo la pou sèvis tout moun ki sou latè.