Jeremi 48:8 - 1998 Haïtienne

⁸ Malè pral tonbe sou tout lavil nou yo. Yo yonn p'ap chape anba l. L'ap fini ak sa ki nan fon yo. L'ap ravaje sa ki sou platon yo. Se Senyè a menm ki di sa.

Bib Sen An: Kreyòl Ayisyen

⁸ Yon destriktè va vini nan chak vil, pou pa gen vil ki chape; vale a, anplis, ap detwi, e wo plèn nan va detwi, jan SENYÈ a te pale a.

Jeremi 48:8 交叉引用

Jeremi 15:8

Mwen fè gen plis madanm ki pèdi mari yo nan peyi a pase gen grenn sab bò lanmè. Mwen touye jenn gason nou yo ki te fenk parèt nan lavi a. Mwen mete manman yo nan lapenn. M rete konsa m ba yo kè sere ak kè sote.

Jeremi 25:9

mwen pral voye chache tout moun nan nò yo ak sèvitè mwen Nebikadneza, wa Babilòn. Se mwen menm, Senyè a ki di sa. Mwen pral fè yo vin kraze peyi Jida a ak tout moun ladan li, ansanm ak tout peyi nan vwazinaj yo. Mwen pral detwi yo tout. M'ap fè yo tounen yon dezè ki va fè moun sezi, yon pil mazi pou tout tan.

Jeremi 48:18

Nou menm k'ap viv lavil Dibon, desann sou bèl fòtèy premye klas nou an. Mete dèyè nou atè nan pousyè a. Paske moun ki te fini ak Mowab la ap vin pou nou. L'ap kraze tout gwo fò nou yo.

Jeremi 51:56

Wi, lènmi ap vin detwi lavil Babilòn. Y'ap mete men sou sòlda li yo. L'ap kraze tout banza yo. Mwen menm, Senyè a, mwen se yon Bondye k'ap pini moun ki fè sa ki mal. M'ap fè yo peye pou sa yo fè.

Jeremi 6:26

Senyè a pale ak pèp li a, li di l: — Mete rad sak sou nou. Woule kò nou nan sann dife. Se pou nou gen lapenn tankou si nou te pèdi sèl pitit gason nou te genyen. Se pou nou plenn ak de ran dlo nan je nou. Paske moun k'ap vin detwi nou an ap atake nou san avèti.

Ezekyèl 25:9

Enben, mwen pral fè yo atake lavil k'ap defann fontyè peyi Mowab la. Yo pral kraze yo tout, ata pi bèl vil yo tankou Bèt-Jechimòt, Baal-Meon ak Kiriya-Tayim.

Jozye 13:17

lavil Esbon ak tout lòt lavil ki te sou platon an, ki vle di Dibon, Bamòt, Baal, Bèt-Baal-Meyon,

Jozye 13:21

tout lavil ki sou platon an, tout peyi wa Siyon ki t'ap gouvènen moun Amori yo nan lavil Esbon. Se Moyiz ki te kraze l ansanm avèk chèf peyi Madyan yo: Evi, Rekèm, Zou, Our, Reba. Tout chèf sa yo t'ap viv nan peyi a sou lòd wa Siyon.

Jozye 13:9

Peyi yo a te sòti depi lavil Awoyè ki sou bò gwo ravin Anon an ak lavil ki nan mitan ravin lan, li pran tout plenn Medeba a rive lavil Dibon.