Jeremi 48:2 - 1998 Haïtienne

² Peyi Mowab la pèdi pouvwa li. Nan lavil Esbon yo fè plan pou yo detwi Mowab. Yo di: Ann ale, ann disparèt peyi a sou latè! Yo fè lavil Madmèn pe bouch li. Yon gwo lame ap mache pran l!

Bib Sen An: Kreyòl Ayisyen

² Pa genyen lwanj pou Moab ankò. Nan Hesbon, yo te fè plan pou malè li: ‘Vini, annou koupe retire l nèt pou l pa menm yon nasyon ankò!’ Nou menm tou, Madmen, va vin an silans. Nepe a va swiv nou.

Jeremi 48:2 交叉引用

Ezayi 15:1

Men sa Bondye di k'ap rive peyi Mowab: — Y'ap detwi lavil Ar-Mowab nan yon grenn nwit. Tout peyi Mowab la frèt! Y'ap pran yon sèl nwit pou yo detwi lavil Ki-Mowab la! Apre sa, tout peyi a frèt!

Ezayi 15:5

Kè m ap fann pou peyi Mowab! Moun li yo ap kouri al kache jouk lavil Zoa ak lavil Eglat-Chelichiya. Moun ap kriye antan y'ap rale moute ti pant pou rive lavil Loukit la. Moun ap rele antan y'ap kouri met deyò sou wout ki mennen lavil Owonayim lan.

Ezayi 16:14

Kounyeya, Senyè a pale ankò. Li di konsa: Nan twazan, jou pou jou, tankou moun k'ap travay pou lajan kalkile lè travay yo, yo pral pase sa ki fè pouvwa peyi Mowab la nan tenten. Atout li gen anpil moun kounyeya, se de twa ase ki pral rete, yon ti ponyen tou fèb ki p'ap vo anyen!

Ezayi 25:10

Senyè a ap pwoteje mòn Siyon an. Men, l'ap pilonnen moun peyi Mowab yo anba pye l, menm jan yo pilonnen pay nan labou pak bèt.

Jeremi 25:15

Men sa Senyè a, Bondye pèp Izrayèl la, di m: — Men yon gode plen diven kòlè Bondye nan men m. Pran li, pote l bay tout moun nan peyi kote m'ap voye ou yo pou yo bwè.

Jeremi 25:17

Se konsa, mwen pran gode a nan men Senyè a, mwen pote l bay tout moun nan tout peyi kote Senyè a te voye m lan, mwen fè yo bwè ladan l.

Jeremi 31:36

Toutotan prensip sa yo va kenbe, se toutotan pèp Izrayèl la va yon nasyon devan mwen. Se mwen menm Senyè a ki di sa.

Jeremi 33:24

— Ou tande jan moun yo ap di mwen voye moun Izrayèl yo ak moun Jida yo jete, de fanmi mwen menm mwen te chwazi pou mwen yo! Se konsa y'ap meprize pèp mwen an. Yo pa konsidere l tankou yon nasyon ankò.

Jeremi 46:28

Nou menm pitit Jakòb, sèvitè mwen an, nou pa bezwen pè. M'ap vin jwenn nou, m'ap sove nou. Se Senyè a menm ki di sa. M'ap disparèt tout nasyon kote mwen te gaye nou yo. Nou menm, mwen p'ap detwi nou. Men, pou pini se pou m pini nou, jan sa dwe fèt. Mwen p'ap kite anyen pou nou.

Jeremi 48:17

Nou menm, vwazen l yo, plenn sò li! Nou tout ki te konnen jan l te ye a, nou mèt di: Gade jan yo kraze gwo pouvwa li a! Bèl baton kòmandman ki te nan men l lan disparèt.

Jeremi 48:42

Y'ap fini ak peyi Mowab la, y'ap touye dènye moun ladan l, paske li te kenbe tèt ak Senyè a.

Jeremi 48:45

Moun k'ap kouri met deyò yo rive Esbon tou bouke. Y'ap chache pwoteksyon lavil Esbon, lavil kote wa Siyon t'ap gouvènen an: men yo jwenn li ap boule. Dife a gaye, li rive jouk sou fontyè a, li moute rive jouk sou tèt mòn lwijanboje yo.

Jeremi 49:3

Nou menm moun lavil Esbon, plenn sò nou! Lavil Ayi fini! Medam lavil Raba yo, mare ren nou! Mete rad sak sou nou! Rele! Pran lari pou nou! Y'ap depòte Milkòm, bondye nou an, ansanm ak tout pè li yo ak tout chèf li yo!

Jeremi 49:37

M'ap fè moun Elam yo tranble devan lènmi yo, devan moun ki sòti pou touye yo. M'ap fè gwo kòlè, m'ap voye gwo malè sou yo, m'ap lage yon gwo lame dèyè yo jouk m'a fini nèt ak yo.

Nonb 32:37

Moun fanmi Riben yo menm rebati lavil sa yo: Esbon, Elealè, Kiryatayim,