Jeremi 42:2 - 1998 Haïtienne

² yo di l konsa: — Tanpri, fè sa n'ap mande ou la a. Lapriyè Senyè a, Bondye ou la, pou nou. Lapriyè pou ti rès moun ki chape yo. Paske, jan ou ka wè l la, nou te anpil, kounyeya se yon ti ponyen moun nou ye.

Bib Sen An: Kreyòl Ayisyen

² Yo te di a Jérémie, pwofèt la: “Souple, kite demand nou an vin parèt devan ou, e priye SENYÈ a, Bondye ou a, pou nou; pou tout retay sa a, akoz nou se sèlman kèk grenn ki rete pami anpil nan nou, jan zye ou konn wè nou an,

Jeremi 42:2 交叉引用

1 Wa 13:6

Wa Jewoboram pran lapawòl ankò, li di pwofèt Bondye a konsa: — Tanpri, lapriyè Senyè a, Bondye ou la, pou mwen. Mande l pou l geri men m. Pwofèt la lapriyè Senyè a vre, epi men wa a geri, li vin jan li te ye anvan an.

Sòm 119:170

Se pou lapriyè m rive nan zòrèy ou. Jan ou te pwomèt la, delivre m.

Egzòd 8:28

Farawon an di li: — Bon! M'ap kite nou al touye bèt n'ap ofri bay Senyè a, Bondye nou an, nan dezè a, men se pa pou nou al twò lwen. Lèfini, lapriyè pou mwen tou.

Egzòd 9:28

Lapriyè Senyè a pou l fè loray la sispann, pou l fè lagrèl la rete. Mwen pwomèt pou m kite nou ale. Nou pa bèzwen rete ankò.

Ezayi 1:15

Lè n'ap leve bra anlè pou lapriyè nan pye mwen, m'ap bouche je mwen pou mwen pa wè nou. Nou mèt lapriyè sou lapriyè, mwen p'ap tande nou kras. Paske tout men nou se san.

Ezayi 1:9

Si Senyè ki gen tout pouvwa a pa te kite kèk nan nou chape, lavil la ta disparèt nèt Nou ta tankou Sodòm ak Gomò.

Ezayi 37:4

Wa peyi Lasiri a te voye chèf gad palè li a manke Bondye vivan an dega. Se pou Senyè a, Bondye ou la, tande tout jouman sa yo. Se pou l pini moun ki di pawòl sa yo. Ou menm, se pou ou lapriyè pou rès moun pèp nou an ki vivan toujou.

Ezayi 42:20

Nou menm moun Izrayèl, nou te wè anpil bagay. Men, sa pat di nou anyen! Nou gen zòrèy pou nou tande, men nou pat tande anyen.

Jeremi 15:11

Senyè, se pou tout madichon yo rive m vre si mwen pa sèvi ou byen, si mwen pat plede avè ou pou tout lènmi m yo, lè yo te nan malè, lè yo te nan tou sa k pa bon.

Jeremi 2:27

Yo rele pyebwa yo papa! Yo rele wòch yo manman m' ki fè m'! Wi, yo pito vire ban m' do, pase pou yo tounen vin jwenn mwen. Men depi yo nan traka, y'ap rele: — Senyè, leve non! Vin delivre nou!

Jeremi 21:2

Yo di l: — Tanpri, pale ak Senyè a pou nou, paske Nebikadneza, wa Babilòn lan, ap fè nou lagè. Ou pa janm konnen! Senyè a ka fè ankò pou nou yonn nan mirak li yo pou fòse Nebikadneza vire do l al fè wout li.

Jeremi 36:7

Ou pa janm konnen, yo ka pran lapriyè nan pye Bondye, y'a manyè kite move pant yo t'ap swiv la. Paske Senyè a fè yo konnen li move anpil, li fache anpil sou pèp la.

Jeremi 37:20

Kounyeya, monwa, mèt mwen, tanpri, koute sa m'ap mande ou. Tanpri souple, pa voye m tounen nan prizon kay Jonatan, sekretè a. Si ou fè sa, nanpwen rechap pou mwen.

Jeremi 37:3

Men, wa Sedesyas te voye Jewoukal, pitit Chelemya, ak Sefanya, prèt la, pitit Maseja, bò kote pwofèt Jeremi pou mande l lapriyè Senyè a, Bondye yo a, pou yo tout.

Jeremi 38:14

Yon lòt fwa ankò, wa Sedesyas voye chache pwofèt Jeremi, li fè yo mennen l ba li bò twazyèm pòt pou antre nan kay Senyè a. Wa a di l konsa: — Mwen gen yon bagay m bezwen mande ou. Reponn mwen kare, pa kache m anyen.

Jeremi 40:15

Lè sa a, Jokanan al jwenn Gedalya an kachèt lavil Mispa, li di l konsa: — Eske ou vle mal touye Ismayèl pou ou? Pèsonn p'ap konn anyen. Poukisa pou ou kite l ansasinen ou? Si li touye ou, sa pral lakòz tout jwif ki te sanble bò kote ou yo pral gaye ankò. Sa pral lakòz ti ponyen moun ki rete nan peyi Jida a rive disparèt.

Jeremi 42:20

Se pi gwo erè nou te fè. Lè nou te mande m al lapriyè Senyè a, Bondye nou an, pou nou, nou te di m: Lapriyè li pou nou. W'a fè nou konnen tou sa la di ou, epi n'a fè l.

Lamantasyon 1:1

Jan lavil Jerizalèm te plen moun yon lè! Gade, jounen jòdi a li chita pou kont li! Li tankou yon fanm ki pèdi mari l. Tout nasyon sou latè te respekte pouvwa li. Li te devan tout lòt lavil yo. Kounyeya, men li tounen esklav!

Ezekyèl 12:16

Men, m'ap kite de twa ladan yo chape, yo p'ap touye yo nan lagè, yo p'ap mouri nan grangou, ni anba move maladi. Konsa, lè y'a nan mitan lòt nasyon yo, y'a rakonte jan yo te fè bagay ki derespektan, y'a konnen se mwen menm ki Senyè a.

Oze 8:10

Atout yo bay lòt nasyon yo kado, kounyeya mwen pral mete yo tout nan menm sak pou m pini yo. Talè konsa, yo pral nan lapenn lè wa Lasiri a va pran peze yo tout.

Levitik 26:22

M'a lage bèt nan bwa dèyè nou, y'a touye pitit nou yo, y'a fini ak tout zannimo nou yo. Anpil nan nou va mouri tou. P'ap gen pèsonn ap mache sou chemen nan peyi a.

Amòs 7:2

Lè krikèt vèt yo te fin manje plant ki te nan peyi a, mwen di: — Tanpri, Senyè, Bondye, padonnen pèp ou a. Ki jan pou pitit pitit Jakòb yo fè kanpe ankò? Yo tou fèb.

Matye 24:22

Si yo pat wete kèk jou sou jou sa yo, pèsonn pa ta sove. Men, y'a wete sou jou sa yo poutèt moun Bondye chwazi yo.

Travay 8:24

Lè sa a, Simon di Pyè ak Jan konsa: — Tanpri souple, lapriyè Bondye pou mwen, pou anyen nan sa nou di a pa rive mwen.

Detewonòm 28:62

Epi nou menm, moun pèp Izrayèl yo, ki te anpil tankou zetwal ki nan syèl la, n'a tounen yon ti ponyen moun, paske nou pat koute sa Senyè a, Bondye nou an, te di nou.

Detewonòm 28:63

Menm jan Senyè a, Bondye nou an, te pran plezi pou l te fè nou byen, pou l te fè nou vin anpil la, se konsa tou l'a pran plezi pou l fè nou pèdi tout bagay, pou l fini nèt ak nou. L'a rache nou met deyò nan peyi kote nou pral antre a, peyi nou pral pran pou nou rete a.

Detewonòm 4:27

Senyè a pral gaye nou toupatou nan mitan lòt nasyon yo. Se yon ti ponyen moun ase nan nou ki p'ap mouri nan peyi kote Senyè a pral mennen nou an.

Jak 5:16

Se pou nou konfese peche nou yo yonn bay lòt. Se pou yonn lapriyè pou lòt, pou nou kapab geri. Lè yon moun ap viv dwat devan Bondye, lapriyè moun sa a gen anpil pouvwa.

1 Samyèl 12:19

Yo tout di Samyèl konsa: — Tanpri, mèt, lapriyè Senyè a, Bondye ou la, pou nou pa mouri. Paske nou mete sou peche nou te fè deja yo, lè nou te mande yon wa pou gouvènen nou.

1 Samyèl 12:23

Mwen menm, mande Bondye padon! mwen p'ap sispann lapriyè pou nou. Se ta yon gwo peche mwen ta fè devan Senyè a si m ta fè sa. M'a moutre nou jan pou nou viv byen, jan pou nou mache dwat devan Senyè a.

1 Samyèl 7:8

Epi yo di Samyèl: — Pa sispann lapriyè Senyè a pou nou, pou l ka sove nou anba men moun Filisti yo.