Jeremi 42:1 - 1998 Haïtienne

¹ Lè sa a, tout chèf lame yo ansanm ak Jokanan, pitit Kareja a, ak Jezanya, pitit Ochaya a ak tout moun yo, gran kou piti, y'al bò kote pwofèt Jeremi,

Bib Sen An: Kreyòl Ayisyen

¹ Epi tout gran chèf lame yo, Jochanan, fis a Karéach la, Jezania, fis Hosée a, ak tout pèp la, ni piti, ni gran, te pwoche.

Jeremi 42:1 交叉引用

2 Wa 25:23

Rès chèf lame yo ansanm ak sòlda yo vin konnen wa Babilòn lan te mete Gedalya chèf sou tout peyi a. Se konsa Ismayèl, pitit Netanya, Joanan, pitit Karèd, Seraja, pitit Tannoumèt, moun lavil Netofa, ansanm ak Zezanya, pitit Makan, yo moute lavil Mispa, y'al jwenn Gedalya ansanm ak tout sòlda yo.

Ezayi 29:13

Senyè a di: — Lè moun sa yo ap fè sèvis pou mwen, se pawòl nan bouch! Y'ap louvri bouch yo pou fè lwanj mwen, men lespri yo byen lwen. Si y'ap mache di yo gen krentif pou mwen, se pawòl granmoun lontan moutre yo y'ap repete lè konsa.

Ezayi 48:1

Koute pawòl sa yo byen, nou menm fanmi Jakòb yo. Nou menm ki pote non Izrayèl, zansèt nou an, nou menm ki sòti nan ras Jida a, nou pran non Senyè a pou fè sèman. N'ap fè sèvis pou Bondye pèp Izrayèl la. Men, se pawòl nan bouch. Nou pa viv jan Bondye vle l la.

Jeremi 37:3

Men, wa Sedesyas te voye Jewoukal, pitit Chelemya, ak Sefanya, prèt la, pitit Maseja, bò kote pwofèt Jeremi pou mande l lapriyè Senyè a, Bondye yo a, pou yo tout.

Jeremi 40:13

Yon jou, Jokanan, pitit Karejak, ansanm ak tout lòt chèf lame ki te andeyò yo vin jwenn Gedalya lavil Mispa.

Jeremi 40:8

Se konsa, Ismayèl, pitit Netanya, Jokanan ak Jonatan, pitit Karejak, Seraya, pitit Tannoumèt, pitit Efayi yo, moun lavil Netofa, ansanm ak Jezanya, pitit Makat, yo moute lavil Mispa, y'al jwenn Gedalya ansanm ak tout sòlda yo.

Jeremi 41:11

Jokanan, pitit Karejak la, ansanm ak lòt chèf lame ki te avè l yo vin konnen tout mechanste Ismayèl, pitit Netanya a, te fè.

Jeremi 41:16

Apre sa, Jokanan ak chèf lame ki te avè l yo pran sou kont yo tout moun Ismayèl te fè prizonye lavil Mispa apre li menm Ismayèl te fin touye Gedalya a. Jokanan pran avè l gason yo, ki vle di sòlda yo, fanm yo, timoun yo, moun konfyans yo, tout moun li te jwenn lavil Gabawon.

Jeremi 41:18

paske yo te pè moun Babilòn yo, depi Ismayèl te fin touye Gedalya, moun wa Babilòn lan te mete pou gouvènen peyi a.

Jeremi 42:20

Se pi gwo erè nou te fè. Lè nou te mande m al lapriyè Senyè a, Bondye nou an, pou nou, nou te di m: Lapriyè li pou nou. W'a fè nou konnen tou sa la di ou, epi n'a fè l.

Jeremi 42:8

Jeremi rele Jokanan, pitit Karejak la, ak tout lòt chèf lame ki te avè l yo ansanm ak tout pèp la, gran kou piti.

Jeremi 43:2

Azarya, pitit Ochaya a, Jokanan, pitit Kareyak la, ansanm ak tout lòt mesye awogan yo di Jeremi konsa: — Manti! Senyè a, Bondye nou an, pa kras voye ou di nou pa desann al rete nan peyi Lejip.

Jeremi 44:12

M'ap pran rès moun Jida yo, sa ki te pran desizyon desann al viv nan peyi Lejip la, yo tout pral mouri. Yo tout, gran kou piti, y'ap mouri nan peyi Lejip. Genyen k'ap mouri nan lagè, genyen k'ap mouri grangou. Moun va sezi wè yo, y'a vire tèt yo pou yo pa gade yo, y'a sèvi ak non yo pou bay madichon, y'a pase yo nan betiz.

Jeremi 6:13

Yo tout, gran kou piti, ap fè akrèk dèyè lajan. Ni prèt yo ni pwofèt yo, yo tout ap twonpe pèp la pou fè lajan.

Jeremi 8:10

Se poutèt sa m'ap pran madanm yo bay lòt moun. M'ap pran jaden yo bay moun k'ap anvayi peyi yo a. Paske yo tout, gran kou piti, ap fè akrèk dèyè lajan. Ni pwofèt yo, ni prèt yo, yo tout ap twonpe pèp la pou fè lajan.

Ezekyèl 11:1

Apre sa, Lespri a pran m', li leve m' anlè, li mennen mwen bò gwo pòtay Tanp lan ki bay sou solèy leve. Toupre pòtay la, mwen wè vennsenk mesye. Pami yo, te gen de chèf peyi a: Jazanya, pitit Azou, epi Pelatya, pitit Benaja.

Ezekyèl 33:31

Se konsa, tankou si yo te gen dizon, tout pèp la ap sanble bò kote ou, y'ap vin chita devan ou pou yo ka koute sa w'ap di. Men, yo p'ap fè sa w'ap di yo fè. Yo pran pawòl ou yo pou fè bèl fraz. Se enterè yo ase yo konnen.

Ezekyèl 8:11

Swasanndis nan chèf fanmi pèp Izrayèl yo te kanpe la devan zidòl yo. Yonn ladan yo te Jazanya, pitit Chafan an. Yo chak te kenbe yon lansanswa nan men yo. Gwo lafimen lansan t'ap moute.

Matye 15:8

Se nan bouch pèp sa a respekte mwen. Men, kè yo byen lwen mwen.

Travay 8:10

Tout moun, ni gran ni piti, yo tout te kwè nan sa l'ap fè. Yo t'ap di: — Nonm sa a gen yon pisans Bondye sou li, se gwo pisans lan nèt!