Jeremi 32:5 - 1998 Haïtienne

⁵ Apre sa, y'a mennen Sedesyas lavil Babilòn, li va rete la jouk m'a regle avè l. Menm si nou goumen ak moun Babilòn yo, nou p'ap janm genyen lagè a. Se Senyè a menm ki di sa.

Bib Sen An: Kreyòl Ayisyen

⁵ Epi konsa, li va pran Sédécias fè l rive Babylone e li va la jiskaske Mwen vizite li,” deklare SENYÈ a. “Malgre nou goumen kont Kaldeyen yo, nou p ap reyisi.”’”

Jeremi 32:5 交叉引用

2 Kwonik 13:12

Se Bondye menm ki alatèt nou avèk prèt li yo. Yo tou pare pou kònen twonpèt yo pou bay siyal mache pran nou. Se poutèt sa, nou menm moun peyi Izrayèl yo, pa fè lagè ak Senyè a, Bondye zansèt nou yo. Paske se nou k'ap anba.

2 Kwonik 24:20

Lè sa a, lespri Bondye desann sou Zakari, pitit gason Jeojada, prèt la. L'al kanpe yon kote pou tout pèp la wè l, li di yo konsa: — Senyè a, Bondye a mande poukisa nou pa vle swiv kòmandman li yo kifè n'ap rale malè sou nou konsa? Nou vire do ba li, l'ap vire do ban nou tou!

Pwovèb 21:30

Devan Senyè a pa gen ni moun konnen, ni moun lespri, ni moun ki gen bon konprann.

Jeremi 2:37

W'a vire do ou kite peyi Lejip. Avèk men ou, w'a bouche figi ou tèlman w'a wont. Mwen menm, Senyè a, mwen voye moun ou fè konfyans yo jete. Yo p'ap ka fè anyen pou ou.

Jeremi 27:22

Y'ap pote yo ale lavil Babilòn. Y'ap rete la jouk lè m'a vin pran yo pou m fè yo tounen nan plas yo. Se mwen menm Senyè a ki di sa.

Jeremi 32:24

Moun Babilòn yo sènen lavil la, y'ap anpile tè nan pye miray yo, y'ap pwoche pou yo pran lavil la. Nou ta mèt di lavil la nan men yo deja. Lagè, grangou ak move maladi fin kraze kouray moun yo. Ou wè sa ou te di a rive vre.

Jeremi 32:6

Lè sa a, Jeremi rakonte ki jan Senyè a te pale avè l. Senyè a te di l konsa:

Jeremi 33:5

Gen moun ki sòti pou kenbe tèt ak moun Babilòn yo. Moun sa yo lakòz kay yo pral plen kadav moun mwen pral touye tèlman mwen fache, tèlman mwen move. Mwen p'ap okipe lavil Jerizalèm ankò paske moun li yo fè twòp mechanste.

Jeremi 37:10

Menm si nou ta rive kraze tout lame moun Babilòn k'ap fè nou lagè a epi se sa ki blese yo ase nou kite kouche anba tant yo, yo tout y'ap leve, y'ap vin boule lavil la ratè.

Jeremi 39:4

Lè wa Sedesyas ak tout sòlda li yo wè sa, yo tann lannwit rive, yo mete deyò. Yo pase nan jaden wa a, yo sòti nan pòtay kote de miray yo kontre a, yo kite lavil la. Yo pran chemen ki mennen nan Fon Jouden an.

Jeremi 39:5

Men, sòlda lame Babilòn yo rapousib yo. Yo mete men sou Sedesyas nan plenn toupre lavil Jeriko a. Yo pran l, yo mennen l bay Nebikadneza, wa Babilòn lan, ki te lavil Ribla, nan peyi Amat. Rive la, wa Babilòn lan bay lòd sa pou yo fè Sedesyas.

Jeremi 39:7

Apre sa, li fe yo pete de je Sedesyas. Lèfini, li fè yo mare l ak de chenn kwiv pou yo mennen l Babilòn.

Lamantasyon 1:14

Li make tout peche m yo. Li fè yon pakèt ak yo. Li pandye yo nan kou m. Yo sitèlman lou, m pa kapab ankò! Bondye sèl Mèt la lage m nan men lènmi m yo. M pa ka kenbe tèt ak yo.

Ezekyèl 12:12

Chèf k'ap gouvènen yo a pral mete pakèt li sou zepòl li nan fènwa, l'ap chape kò l nan yon twou y'a fè nan miray la pou li. L'ap bouche figi l pou yo pa rekonèt li, li pa menm wè kote l'ap mete pye l.

Ezekyèl 12:13

M'ap voye privye mwen dèyè li, m'ap pran l ladan l. Lèfini, m'ap mennen l lavil Babilòn nan peyi moun Kalde yo. Men, l'ap mouri nan peyi sa a san li p'ap janm wè l ak je l.

Ezekyèl 17:15

Men, wa peyi Jida a revòlte. Li voye mesaje nan peyi Lejip al chache chwal ak anpil sòlda. Eske l'ap rive fè sa li vle fè a? Eske li ka sòti nan sitirasyon kote l ye a? Depi li kase kontra a, fòk li peye l.

Nonb 14:41

Men Moyiz di yo: — Poukisa pou n'ap dezobeyi lòd Senyè a ankò? Sa p'ap mache pou nou non, fwa sa a!