Jeremi 26:9 - 1998 Haïtienne

⁹ Poukisa ou pran non Senyè a pou ou di li pral kraze Tanp sa a menm jan li te detwi kote yo te mete apa pou li lavil Silo a, li pral fè lavil la tounen mazi, san pèsonn ladan l? Tout pèp la sanble bò kote Jeremi nan Tanp Senyè a.

Bib Sen An: Kreyòl Ayisyen

⁹ Poukisa ou te pwofetize nan non SENYÈ a e te di: ‘Kay sa a va tankou Silo e vil sa a va vin dezète, san moun?’” Konsa, tout pèp la te rasanble antoure Jérémie lakay SENYÈ a.

Jeremi 26:9 交叉引用

2 Kwonik 25:16

Amasya koupe l lapawòl, li di li: — Depi kilè mwen te nonmen ou konseye wa a? Pe la, si ou pa bezwen m fè yo wonpi ou! Pwofèt la rete sou sa l t'ap di a, men li di: — Kounyeya mwen konnen Bondye pran desizyon pou l fini avè ou vre, paske ou fè sa ou fè a, epi ou pa vle koute konsèy mwen.

Ezayi 29:21

moun k'ap fè inonsan peye pou koupab, moun k'ap antrave travay jij yo nan tribinal, moun k'ap bay manti pou moun serye pa jwenn jistis.

Jeremi 32:3

Se Sedesyas, wa peyi Jida a, ki te fè fèmen pwofèt la la, paske li t'ap fè l repwòch dèske li te bay mesay sa a nan non Bondye Senyè a: M'ap lage lavil Jerizalèm nan men wa Babilòn lan. L'ap pran l.

Jeremi 33:10

Senyè a di ankò: Y'ap di peyi a tounen yon dezè, pa gen moun, pa gen bèt ladan l. Se vre wi. Lavil peyi Jida yo, tout lari lavil Jerizalèm blanch: ou pa jwenn ni moun, ni bèt ladan yo. Men nan peyi a y'a tande ankò

Jeremi 36:29

Lèfini, men sa w'a di sou Jojakim, wa Jida a. Senyè a pale, li di konsa: Ou boule woulo liv la, pa vre? Epi ou mande Jeremi poukisa li te ekri wa Babilòn lan gen pou l vini pou l kraze peyi a, pou l touye dènye moun ak dènye bèt ki ladan l.

Jeremi 9:11

M'ap fè lavil Jerizalèm tounen yon pil mazi kote chat mawon rete. M'ap fè tout lavil peyi Jida yo tounen dezè san pèsonn ladan yo.

Lamantasyon 4:13

Men, tou sa rive paske pwofèt li yo ak prèt li yo te peche. Yo te lakòz anpil moun ki mache dwat pèdi lavi yo mal.

Amòs 5:10

Nou pa vle wè moun k'ap denonse lenjistis. Nou pa vle wè moun k'ap di verite nan tribinal.

Miche 2:6

Moun yo ap plede di m: Sispann pale konsa! Ou pa fèt pou di bagay konsa. Sa w'ap di a p'ap janm rive.

Matye 21:23

Jezi antre nan tanp lan, li t'ap moutre moun yo anpil bagay. Chèf prèt yo avèk chèf fanmi ki t'ap dirije pèp jwif la vin di li: — Ki dwa ou genyen pou w'ap fè tout bagay sa yo? Kilès ki ba ou otorite sa a?

Matye 27:20

Chèf prèt yo ak chèf fanmi yo pran tèt pèp la pou yo mande Pilat pou l lage Barabas ba yo, pou l fè touye Jezi.

Mak 15:11

Men, chèf prèt yo pran tèt pèp la pou yo mande Pilat pou l lage Barabas pito.

Jan 8:20

Jezi te nan tanp lan, kote yo mete bwat pou fè ofrann yo. Se la li t'ap di yo tout pawòl sa yo, li t'ap moutre moun yo anpil lòt bagay ankò. Men, pèsonn pat mete men sou li, paske lè l pat ankò rive.

Jan 8:59

Lè sa a, yo ranmase wòch pou kalonnen li. Men, Jezi kache kò l yon kote epi li sòti nan tanp lan.

Travay 13:50

Men, jwif yo moute tèt medam lasosyete ki te konvèti nan relijyon jwif yo, ansanm ak grannèg lavil yo. Yo tout yo pran pèsekite Pòl ak Banabas: yo mete yo deyò nan peyi a.

Travay 21:30

Tout lavil la te tèt anba, moun kouri sòti toupatou. Yo mete men sou Pòl. Yo trennen l deyò, epi lamenm yo fèmen tout pòt tanp lan.

Travay 22:22

Foul moun yo t'ap koute Pòl byen pwòp. Men, lè yo tande pawòl sa a, yo tout pran rele: — Wete nonm sa a sou latè! Touye li! Li pa merite viv ankò!

Travay 3:11

Nonm lan pat kite Pyè ak Jan yon pa. Tout moun te sezi, yo kouri vin jwenn apòt yo sou Galeri Salomon an.

Travay 5:12

Apòt yo t'ap fè anpil mirak ak anpil bèl bagay nan mitan pèp la. Yo tout te reyini ansanm anba Galeri Salomon an.

Travay 5:28

Li di yo: — Eske nou pat defann nou pale ak pèp la nan non nonm sa a? Gade sàn fè. Nou gaye pawòl nou yo nan tout Jerizalèm. Nou vle rann nou reskonsab lanmò nonm lan.

Travay 6:14

Nou tande l di konsa: Jezi, moun Nazarèt la, gen pou kraze tanp lan, l'ap chanje tout koutim Moyiz te kite pou nou yo.

Jozye 18:1

Lè yo fin soumèt tout peyi a, tout moun pèp Izrayèl yo reyini lavil Silo kote yo te kanpe Tant Randevou a. Tout peyi a te pou yo.