Jeremi 21:7 - 1998 Haïtienne

⁷ Apre sa, - se mwen menm Senyè a ki di sa - m'ap pran nou tout, ni Sedesyas, wa peyi Jida a, ni chèf li yo, ni rès moun ki pa mouri nan lagè, nan grangou ak anba maladi yo, m'ap lage nou nan men Nebikadneza, wa Babilòn lan, nan men lènmi ki sòti pou touye nou yo. Y'ap touye nou anba kout nepe. Yo p'ap kite yonn nan nou chape. Yo p'ap gen pitye pou pèsonn, yo p'ap pran priyè.

Bib Sen An: Kreyòl Ayisyen

⁷ Lè l fini”, deklare SENYÈ a: “Mwen va livre Sédécias, wa Juda a ak sèvitè li yo ak pèp la, sila yo ki chape nan vil sa a de epidemi, nepe, ak gwo grangou, pou fè yo antre nan men a wa Nebucadnetsar, wa Babylone nan, nan men a lènmi pa yo ak nan men a sila k ap chache lavi yo. Epi li va frape yo ak kout nepe. Li p ap lese yo, ni gen okenn pitye, ni konpasyon pou yo.”’

Jeremi 21:7 交叉引用

Ezayi 27:11

Branch bwa yo cheche, yo kase. Medam yo ranmase yo pou fè dife. Paske pèp la pat konprann anyen, Bondye ki te kreye l la p'ap gen pitye pou li. Bondye ki te fè l la p'ap fè l gras.

Ezayi 47:6

Wi, mwen te move sou pèp mwen an. Mwen pat aji ak yo tankou moun pa m. Mwen te lage yo nan men ou. Men, ou te san pitye pou yo. Ou te aji mal anpil, ata ak vye granmoun yo.

Jeremi 13:14

Apre sa, m'ap frape yo yonn ak lòt pou yo kraze, granmoun kou timoun, tout ansanm. M'ap san pitye, mwen p'ap kite yonn chape. Mwen p'ap pran priyè, m'ap touye yo tout.

Jeremi 14:12

Yo te mèt boule bèt pou mwen ak rekòt jaden yo, sa p'ap ka fè mwen kontan ak yo. Okontrè mwen pral fè yo mouri nan lagè, nan grangou ak anba maladi.

Jeremi 15:5

Senyè a di: — Ki moun ki va gen pitye pou nou, nou menm moun lavil Jerizalèm? Ki moun ki va pran lapenn pou nou? Ki moun ki va kite sa y'ap fè pou vin pran nouvèl nou?

Jeremi 15:9

Manman ki pèdi sèt pitit la tonbe san konesans. Souf li kout. Gwo midi, solèy kouche pou li. Li wont, li pa konn sa pou l fè ankò. M'ap lage sa ki vivan toujou nan nou yo nan men lènmi k'ap touye yo. Se mwen menm Senyè a ki di sa.

Jeremi 19:7

Se isit la mwen pral kraze tout plan moun peyi Jida ak moun lavil Jerizalèm yo t'ap fè yo. M'ap fè lènmi yo touye yo nan lagè. M'ap fè yo mouri anba men moun ki sòti pou touye yo. Lèfini, m'ap kite kadav yo sèvi manje pou zwazo nan syèl la ak bèt nan bwa.

Jeremi 20:4

Se Senyè a menm ki di sa: Mwen pral fè ou tounen yon malè pou ou menm ak pou tout zanmi ou yo. Ou pral wè yo mouri anba nepe lènmi yo. Mwen pral lage tout moun peyi Jida yo nan men wa lavil Babilòn lan. L'ap pran yon pati ladan yo, l'ap fè yo prizonye, l'ap depòte yo lavil Babilòn, l'ap touye lòt yo.

Jeremi 22:25

M'ap lage ou nan men moun ki sòti pou touye ou yo, nan men moun ou pè yo. M'ap lage ou nan men Nebikadneza, wa Babilòn lan, nan men moun Kalde yo.

Jeremi 27:6

Se konsa, mwen lage tout peyi nou yo nan men Nebikadneza, wa Babilòn, sèvitè m lan. Mwen ba li ata bèt nan bwa yo pou yo soumèt devan l.

Jeremi 32:4

Wa Sedesyas p'ap chape anba men moun Kalde yo. M'ap lage l nan men wa Babilòn lan. L'a konparèt devan wa a, y'a pale yonn ak lòt, je nan je.

Jeremi 34:3

Ou menm, ou p'ap chape. Y'ap arete ou, y'ap lage ou nan men l tou. W'a kontre avè l bab pou bab. W'a pale avè l. Lèfini, w'ap pati pou Babilòn.

Jeremi 36:29

Lèfini, men sa w'a di sou Jojakim, wa Jida a. Senyè a pale, li di konsa: Ou boule woulo liv la, pa vre? Epi ou mande Jeremi poukisa li te ekri wa Babilòn lan gen pou l vini pou l kraze peyi a, pou l touye dènye moun ak dènye bèt ki ladan l.

Jeremi 37:17

Apre sa, wa Sedesyas voye chache l. Lè Jeremi rive nan palè a, wa a pran l sou kote, li mande l: — Eske Senyè a ba ou yon mesay pou mwen? Jeremi reponn: — Wi, monwa. Men li: Yo pral lage ou nan men wa lavil Babilòn lan.

Jeremi 50:17

Senyè a di ankò: — Pèp Izrayèl la te tankou mouton ki pèdi bann yo. Lyon gaye yo nan tout raje. Premye moun ki mete men sou yo se te wa peyi Lasiri a. Apre sa, se te Nebikadneza, wa peyi Babilòn lan, ki te kraze tout zo yo.

Lamantasyon 2:20

Gade non Senyè! Manyè wè ki moun w'ap matirize konsa a non! Manman ap manje pitit ki sot nan vant li, pitit yo renmen anpil yo. Y'ap touye prèt yo ak pwofèt yo nan kote ki apa pou Bondye sèl Mèt la, nan tanp lan.

Lamantasyon 2:22

Ou fè moun k'ap simen latèrè soti toupatou. Yo vin danse, yo vin fete sou do mwen. Lè Senyè a ankòlè, li pa egzante pesonn. Tout moun gen pou pase. Lènmi yo touye ata timoun mwen renmen yo, timoun mwen leve yo.

Ezekyèl 23:28

Men sa Senyè sèl Mèt la di ankò: — Mwen pral lage ou nan men moun ou pa vle wè yo, moun ki te ba ou degoutans yo.

Ezekyèl 7:9

Mwen p'ap gen pitye pou nou, mwen p'ap fè pa nou. Mwen pral fè nou peye pou tou sa nou fè. Mwen pral regle nou pou tout vye bagay derespektan n'ap plede fè devan je m yo. Lè sa a, n'a konnen se mwen menm Senyè a k'ap pini nou.

Ezekyèl 8:18

Mwen menm tou mwen pral fè yo santi jan mwen move sou yo. Yo mèt rele byen fò nan zòrèy mwen. Mwen p'ap tande yo. Mwen p'ap gen pitye pou yo. Yo mèt rele jan yo vle nan zòrèy mwen, mwen p'ap pran priyè.

Ezekyèl 9:10

Enben, mwen p'ap gen pitye pou yo, mwen p'ap fè pa yo. M'ap fè yo peye pou sa yo fè.

Detewonòm 28:50

Se moun ki gen kè di. Yo p'ap respekte vye granmoun, ni yo p'ap gen pitye pou timoun.