Jeremi 2:8 - 1998 Haïtienne

⁸ Prèt yo pa janm mande kote Senyè a? Yo menm mwen te fè konnen lòd mwen yo, yo pa konnen m ankò. Chèf yo trayi m. Pwofèt yo pale nan non Baal. Y'ap kouri dèyè zidòl ki pa ka fè anyen pou yo.

Bib Sen An: Kreyòl Ayisyen

⁸ Prèt yo pa t di: ‘Kote SENYÈ a ye?’ Epi sila yo ki te responsab lalwa a pa t rekonèt Mwen. Chèf yo tou te fè transgresyon kont Mwen; pwofèt yo te pwofetize pou Baal, e te mache dèyè bagay ki pa t gen benefis.

Jeremi 2:8 交叉引用

1 Wa 18:22

Eli di yo: — Nan tout pwofèt Senyè a, se mwen menm ase ki rete. Men gen katsansenkant (450) pwofèt Baal.

1 Wa 18:29

Lè midi fin pase, yo pran rele Baal pi rèd toujou jouk lè pou yo fè ofrann apremidi a rive. Men, okenn vwa pa reponn! Anyen pa pati.

1 Wa 18:40

Lè sa a, Eli di yo: — Mete men sou pwofèt Baal yo! Pa kite yonn chape. Pèp la mete men sou tout pwofèt yo. Eli mennen yo desann nan ravin Kison an, li touye yo.

Jòb 35:10

Men, yo pa vire kote Bondye ki kreye yo a. Yo te mèt nan nenpòt gwo lapenn, se li menm k'ap ba yo kouray.

Ezayi 28:7

Ata pwofèt yo ak prèt yo, yo sitèlman sou, y'ap titibe. Yo sitèlman bwè diven ak gwo gwòg fò, y'ap di betiz, y'ap depale. Pwofèt yo twò sou pou yo konprann anyen nan vizyon Bondye ap fè yo wè. Prèt yo ap depale, yo pa konn sa pou yo di lè moun vin mete yon ka devan yo.

Ezayi 29:10

Paske Senyè a fè nou anvi dòmi. Li fè je nou vin lou. Pwofèt yo, se je pèp la yo ye! Li kouvri tèt nou. Divinò yo, se tèt pèp la yo ye.

Ezayi 30:5

pèp Jida a pral regrèt yo te met konfyans yo nan yon pèp ki pa ka fè anyen pou yo, yon nasyon ki pa ka ni ede yo ni pote yo sekou, yon nasyon k'ap fè yo wont, yon nasyon k'ap ba yo desepsyon.

Jeremi 10:21

Mwen reponn: — Chèf nou yo fin pèdi tèt yo. Yo pa mande Bondye konsèy. Se poutèt sa yo pat kapab fè anyen. Yo kite pèp la andebandad.

Jeremi 12:10

Yon bann chèf lòt nasyon ap sakaje jaden rezen mwen an. Yo kraze jaden m lan anba pye yo. Yo fè bèl peyi mwen an tounen yon dezè kote moun pa rete.

Jeremi 16:19

Senyè, ou menm ki tout pwoteksyon mwen, ou menm ki ban m tout fòs mwen, se bò kote ou mwen kouri lè mwen nan pwoblèm. Moun lòt nasyon yo va sòti byen lwen, nan dènye bout latè pou yo vin nan pye ou. Y'a di: — Sa zansèt nou yo te mouri kite pou nou yo pa bondye tout bon. Se yon bann zidòl ki pa vo anyen.

Jeremi 18:18

Lè sa a, pèp la va di: — Annou moute yon konplo sou do Jeremi. N'a toujou jwenn prèt pou di nou sa Bondye vle. Va toujou gen moun ki gen bon konprann pou ban nou konsèy. Va toujou gen pwofèt pou fè nou konnen mesay Bondye yo. Annou wè! Ann touye l anba kout lang. Nou pa bezwen tande sa l'ap di nou la a.

Jeremi 2:11

Lòt nasyon yo pa janm chanje bondye yo, malgre yo pa bondye tout bon vre. Men, pèp mwen an pito zidòl ki pa ka fè anyen pou yo pase mwen menm, Bondye ki te fè bèl bagay pou yo a.

Jeremi 2:6

Yo pa chonje reve mande kote Senyè a, li menm ki te fè nou moute sòti nan peyi Lejip la, li menm ki te louvri chemen pou nou nan dezè a, nan yon peyi tè sèk, plen twou, yon peyi san dlo, plen danje, kote moun pa rete, kote moun pa menm pase.

Jeremi 4:22

Senyè a di konsa: Pèp mwen an sòt! Yo pa konnen m! Se yon bann timoun, lespri yo bouche! Yo pa konprann anyen! Yo fò nan fè sa ki mal ase. Yo pa konn fè sa ki byen.

Jeremi 5:31

Annik manti ase pwofèt yo ap bay. Prèt yo menm, se pòch yo ase yo konnen. Pèp la menm renmen l konsa. Men, kisa y'a fè lè tou sa va fini?

Jeremi 7:8

Men, nou chita ap kwè yon bann pawòl manti ki p'ap sèvi nou anyen.

Jeremi 9:14

Yo fè tèt di pi rèd, yo rete ap sèvi zidòl Baal zansèt yo te fè yo konnen an.

Ezekyèl 22:26

Prèt yo menm pa kenbe lwa mwen an, yo pa gen respè pou kay ki apa pou mwen an. Yo pa fè diferans ant bagay ki apa pou mwen ak bagay ki pa apa pou mwen. Yo pa moutre moun sa ki bon ak sa ki pa bon pou sèvis mwen. Yo pa konn sa ki rele jou repo mwen yo. Se konsa pèp Izrayèl la pa respekte m menm.

Ezekyèl 34:2

— Ras Adan! Bay mesaj sa a sou tout chèf reskonsab pèp Izrayèl la. Di yo men mesaj Senyè sèl Mèt la voye ba yo: Madichon pou gadò pèp Izrayèl yo! Yo te mete yo la pou yo swen pèp la, men se pwòp tèt yo ase yo konnen.

Oze 4:6

Pèp mwen an ap peri paske li pa konnen mwen. Prèt yo voyetou sa mwen te moutre yo jete. Se konsa, mwen menm tou, mwen p'ap rekonèt yo pou prèt mwen ankò. Yo voye tou sa mwen menm, Bondye yo a, mwen te moutre yo a, jete. Mwen menm tou, m'ap voye pitit yo jete.

Abakik 2:18

Kisa yon estati bwa ka fè pou nou jouktan nou fè moun travay fè li pou nou an? Kisa estati metal yo fonn yo ka fè pou nou? Se manti ase l'ap ban nou. Sa sa ap rapòte nou lè nou fè zidòl lè nou fè zidòl ki pa ka pale pou nou mete konfyans nou nan yo?

Matye 16:26

Kisa sa ta sèvi yon moun pou l ta genyen lemonn antye si l pèdi lavi li? Kisa yon moun kapab bay pou l gen lavi?

Lik 11:52

— Malè pou nou, nou menm dirèktè lalwa yo! Nou pran kle ki pou louvri pòt kay konesans la: nou menm nou pa antre ladan, epi moun ki ta vle antre, nou anpeche yo antre.

Jan 16:3

Y'ap fè tou sa paske yo pa konnen ni Papa a ni mwen menm.

Jan 8:55

Nou pa konnen li. Men mwen menm, mwen konnen li. Si pou m ta di mwen pa konnen li, mwen ta bay manti tankou nou. Men, mwen konnen l epi m'ap fè tou sa li di m fè.

2 Korent 4:2

Mwen voye tout bagay lèd lèzòm ap fè an kachèt yo jete. Mwen pa fè okenn riz. Mwen pa chanje anyen nan pawòl Bondye a. Okontrè, mwen fè tout moun konnen verite a jan l ye a. Se konsa bagay sa yo rekòmande mwen devan Bondye bay tout moun ki gen konsyans.

Detewonòm 33:10

Y'a moutre pitit Jakòb yo regleman ou yo. Y'a moutre pitit Izrayèl yo lalwa ou la. Y'a boule lansan devan ou, y'a ofri sou lotèl bèt yo touye pou boule nèt pou ou.

1 Samyèl 12:21

Pa vire do ba li pou n'al sèvi sa ki pa Bondye. Yo pa ka ede nou, yo pa ka sove nou, paske yo menm yo pa anyen.

1 Samyèl 2:12

Pitit gason Eli yo te yon bann jenn pèvèti. Yo pa te nan koze Bondye ak moun,