Jeremi 12:1 - 1998 Haïtienne

¹ Ou menm Senyè, ou pa nan patipri. Mwen pa ka nan plede avè ou. Men, mwen ta renmen mande ou yon bagay sou sa w'ap fè a. Poukisa zafè mechan yo mache byen konsa? Poukisa tout moun malonèt yo alèz konsa?

Bib Sen An: Kreyòl Ayisyen

¹ Byen dwat, se Ou menm, O SENYÈ, lè m plede ka m avèk Ou. Anverite, mwen ta diskite yon ka lajistis avèk Ou. Poukisa chemen mechan an byen reyisi konsa? Poukisa tout sa ki aji nan manti yo rete alèz konsa?

Jeremi 12:1 交叉引用

Jenèz 18:25

Aa! Pou di w'ap fè inonsan peri ak koupab? Se pa posib. Ou pa ka fè sa. Se lenjistis pou inonsan gen menm sò ak koupab. Non, sa pa ka fèt. Bondye k'ap jije tout moun sou tè a pa ka nan fè lenjistis.

Esdras 9:15

Senyè, ou menm ki Bondye pèp Izrayèl la, se paske ou bon anpil pou nou kifè gen yon ti ponyen nan nou ki rete toujou, jan sa ye jòdi a. Epi, gade kounyeya, men nou kanpe devan ou avèk tout peche nou yo! Wi, nou pa gendwa rete vivan devan ou ankò poutèt sa!

Neyemi 9:33

Nan tou sa ki rive nou an, ou te gen rezon ou nan pla men ou. Paske, ou menm ou toujou kenbe pawòl ou. Se nou menm ki toujou ap fè sa ki mal.

Jòb 12:6

Piyajè yo byen trankil lakay yo. Moun k'ap fè Bondye fache yo ap viv alèz. Bondye yo se fòs ponyèt yo.

Jòb 13:3

Men, mwen menm, se ak Bondye ki gen tout pouvou a m annafè. Se avè l mwen vle pale pou m defann kòz mwen.

Jòb 24:12

Nan lavil yo, ou tande moun k'ap mouri yo ap plenn. Ou tande moun ki blese yo ap rele anmwe. Men, Bondye fè tankou li pa tande yo.

Jòb 24:23

Bondye kite l viv alèz san pwoblèm, men, se toutan l'ap veye tou sa l'ap fè.

Jòb 8:17

Rasin yo mache nan mitan tout fant wòch yo. Se la yo jwenn sa yo bezwen pou yo viv.

Sòm 116:5

Senyè a gen kè sansib, li pa gen patipri. Bondye nou an gen bon kè.

Sòm 119:137

Senyè, ou pa nan patipri. Ou jije tout moun menm jan.

Sòm 119:75

Senyè, mwen konnen jijman ou yo san patipri. Ou te pini m paske ou toujou kenbe pawòl ou.

Sòm 145:17

Senyè a san patipri nan tou sa l'ap fè. Li gen kè sansib nan tou sa l'ap fè.

Sòm 37:1

(1b) Pa fè kòlè lè ou wè mechan yo! Pa anvye sò moun k'ap fè mal yo!

Sòm 37:35

Mwen te wè yon mechan ki te fè tout moun pè li, li te kanpe tankou yon gwo pye mapou.

Sòm 51:4

(6) Se kont ou menm menm mwen peche Se pa kont lòt moun. Mwen fè sa ou pa dakò moun fè. Se sa ki fè ou gen rezon lè ou kondannen yon moun. Moun pa ka fè ou okenn repwòch lè ou fin jije.

Sòm 51:6

(8) Men, ou vle pou yon moun sensè nan tou sa l'ap fè. Tanpri, fè m konprann tout bagay non!

Sòm 92:7

(8) Mechan yo ap grandi tankou zèb, moun k'ap fè mal yo ap wè zafè yo mache byen, men yon lè yo tout gen pou disparèt nèt.

Pwovèb 1:32

Moun ki san esperyans yo mouri paske yo refize aprann. Bann moun fou yo menm, yo pa pran anyen pou anyen, se sa k'ap pèdi yo tou.

Eklezyas 8:14

Men, tou sa, se pawòl anlè. Gade sa k'ap pase sou latè: Gen moun ki mache dwat epi se yo ki resevwa pinisyon mechan yo merite. Gen mechan ki jwenn rekonpans moun ki mache dwat yo merite. Sa a tou, se tankou lave kay tè.

Ezayi 41:21

Senyè a, wa pèp Izrayèl la, di: — Nou menm, bondye lòt nasyon yo, vin plede kòz nou! Vin di sa nou gen pou n di pou defans nou!

Ezayi 48:8

Nou pat janm konn bagay konsa, nou pat janm tande sa. Mwen pat kase bwa nan zòrèy nou sou sa, paske mwen konnen jan nou trèt. Yo pa ka fè nou konfyans. Depi nou fèt yo konnen nou pou moun tèt di.

Jeremi 11:20

Lè sa a, mwen lapriyè, mwen di: — Senyè ki gen tout pouvwa a, ou se yon jij ki pa nan patipri. Ou sonde tou sa ki nan kè ak nan lide moun. Mwen lage kòz mwen nan men ou. Fè m wè jan w'ap tire revanj ou sou yo.

Jeremi 12:6

Ata frè ou yo, pwòp fanmi ou yo, ap trayi ou. Yo mete tèt yo ansanm ak lòt moun sou do ou. Pa fè yo konfyans, menm lè ou wè yo ap pale byen avè ou.

Jeremi 3:20

Men, tankou yon fanm k'ap twonpe mari l, nou menm, moun peyi Izrayèl yo, nou twonpe m. Se mwen menm Senyè a ki di sa.

Jeremi 3:7

Mwen t'ap di nan kè m': lè l'a fin fè tout bagay sa yo, l'a tounen vin jwenn mwen. Men li pa tounen. Jida, sè li a ki pa te kenbe pawòl li avè m', wè sa.

Jeremi 32:16

Apre mwen te fin bay Bawouk, pitit gason Nerija a, papye tè yo, mwen lapriyè Senyè a, mwen di l:

Jeremi 5:11

Ni moun Izrayèl yo, ni moun Jida yo trayi m nèt. Se mwen menm Senyè a ki di sa.

Jeremi 9:2

Jan mwen ta renmen jwenn yon ti kote pou m rete nan mitan dezè a, pou m manyè kite pèp mwen an, pou m al byen lwen yo. Yo yonn pa kenbe pawòl yo ak Bondye. Se yon bann trèt yo ye.

Lamantasyon 1:18

Men, Senyè a gen rezon l nan pla men l paske mwen te refize koute l lè li t'ap pale m! Nou tout moun ki toupatou, koute m! Gade jan m'ap soufri! Yo depòte jenn gason ak jenn fi m yo.

Ezekyèl 18:25

Men, n'a di n'a kè nou: Jan Senyè a ap aji la a pa bon non. Enben, nou menm moun pèp Izrayèl yo, koute. Nou di jan m aji a pa bon. Nou pa kwè se jan nou menm n'ap aji a ki pa bon pito?

Danyèl 9:14

Wi, Senyè Bondye nou, ou te pare pou pini nou, ou pini nou vre, paske ou toujou fè sa ki dwat. Se nou ki pa koute lè ou te pale nou.

Danyèl 9:7

Ou menm, Senyè, tou sa ou fè dwat. Men, nou tout moun peyi Jida, moun lavil Jerizalèm, tout moun nan pèp Izrayèl ou te gaye nan peyi pre ak peyi lwen yo, se wont nou toujou wont sa nou fè, tankou jòdi a, paske nou pat kenbe pawòl nou avè ou.

Oze 6:7

Men, yo menm, rive yo rive Adam, yo pa kenbe kontra mwen te pase ak yo a. Lamenm, yo vire do ban mwen, yo pa kenbe pawòl yo.

Abakik 1:4

Lalwa a la, li pa sèvi anyen. Ou pa ka jwenn jistis. Mechan ap kraze moun k'ap mache dwat. Lajistis devan dèyè.

Sofoni 3:5

Men Senyè a la nan lavil la. Li pa nan patipri. Li p'ap fè lenjistis. Chak maten, li bay santans li. Depi bajou kase, li la l'ap rann jistis. Men, moun k'ap fè sa ki mal yo pa gen nen nan figi yo.

Malachi 2:17

N'ap fatige tèt Senyè a ak yon bann pawòl. Epi n'ap di kijan n'ap fatige li a? Enben se lè n'ap mache di: tout moun ki fè sa ki mal, yo bon nan je Senyè a. Li kontan ak yo. Se lè n'ap di kote Bondye k'ap rann jistis la?

Malachi 3:15

Kounyeya, nou tou wè se awogan yo k'ap viv ak kè kontan. Moun k'ap fè mal yo, se yo ki wè zafè yo ap mache. Yo sonde Bondye pou wè kote li ye ak yo epi anyen pa rive yo.

Detewonòm 32:4

Se Senyè a k'ap pwoteje nou. Tou sa li fè bon nèt. Li pa nan patipri nan anyen l'ap fè. Bondye nou an ap toujou kenbe pawòl li. Li pa nan bay manti. Li fè sa ki dwat, li pa fè okenn lenjistis.