Jeremi 11:4 - 1998 Haïtienne

⁴ Se kontra sa a mwen te pase ak zansèt nou yo lè mwen t'ap fè yo sòti kite peyi Lejip, peyi ki te tankou yon gwo dife nan dèyè yo. Mwen te di yo: Se pou nou koute m, se pou nou fè tou sa mwen ban nou lòd fè. Se konsa, n'a yon pèp ki rele m pa m. Mwen menm, m'a sèl Bondye nou.

Bib Sen An: Kreyòl Ayisyen

⁴ ke Mwen te kòmande papa zansèt nou yo pou fè nan jou ke M te mennen yo sòti nan peyi Égypte la, soti nan founo fè a, lè M te di yo: ‘Koute vwa Mwen e fè selon tout sa ke Mwen kòmande nou. Konsa, nou va pèp Mwen e Mwen va Bondye nou,’

Jeremi 11:4 交叉引用

Jenèz 17:8

Ou wè tè kote ou rete tankou moun vini kounyeya? Mwen gen pou m ba ou l ansanm ak tout pitit pitit ou yo. Tout peyi Kanaran an ap rele ou pa ou pou tout tan. Wi, se mwen menm k'ap Bondye yo tout.

1 Wa 8:51

Paske, se pèp ki rele ou pa ou la yo ye, pèp ou menm ou te fè sòti kite peyi Lejip ki te pou yo tankou yon gwo fou dife kote yo fonn fè.

2 Wa 18:6

Li te kenbe Bondye li fèm, li pat janm dezobeyi l. Li te fè tou sa Senyè a te mande dapre lòd Senyè a te bay Moyiz.

Egzòd 20:6

Men, lè yon moun renmen m, lè li fè sa m mande l fè, m'ap moutre l jan mwen renmen l tou ansanm ak tout pitit pitit li yo pandan mil generasyon.

Ezayi 30:6

Men mesaj Bondye bay sou bèt nan dezè Negèb yo: — Delege yo ap vwayaje nan yon peyi ki gen anpil danje, kote lyon ak manman lyon rete, kote ki gen sèpan azèl. Yo chaje bourik yo ak chamo yo avèk kado pou yon nasyon ki pa ka fè anyen pou yo.

Ezayi 48:10

Tankou lajan yo fonn nan fòj pou wè si li bon, mwen te fè nou pase tray pou m wè kote nou ye.

Jeremi 11:7

Paske, depi lè mwen t'ap fè zansèt nou yo sòti kite peyi Lejip jouk rive jòdi a, mwen pa manke avèti yo. Depi lè sa a m dèyè yo, m'ap mande yo pou yo koute sa m te di yo!

Jeremi 24:7

M'ap ba yo konprann pou yo sa konnen se mwen menm ki Senyè a. Lè sa a, y'a yon pèp pou mwen, mwen menm m'a Bondye yo, paske y'ap tounen vin jwenn mwen ak tout kè yo.

Jeremi 26:13

Kounyeya, se pou nou chanje jan n'ap viv la, sispann fè sa ki mal. Koute sa Senyè a, Bondye nou an, ap di nou. Lè sa a, l'a chanje lide, li p'ap voye malè li te di l'ap voye sou nou an.

Jeremi 30:22

Lè sa a, se pèp mwen y'a ye ankò, mwen menm m'a Bondye yo.

Jeremi 32:28

Se poutèt sa, mwen menm mwen di ou: m'ap lage lavil sa a nan men moun Babilòn yo, nan men Nebikadneza, wa yo a! Y'ap pran lavil la.

Jeremi 38:20

Jeremi di l konsa: — Moun Babilòn yo p'ap fè ou sa. Koute mesay Senyè a ba ou nan sa mwen di ou la a, pou tout bagay pase byen pou ou. Konsa ou p'ap mouri.

Ezekyèl 11:20

Konsa, y'a mache dapre lòd m'a ba yo. Y'a fè tou sa m'a mande yo fè. Y'a koute m lè m'a pale yo. Se pèp pa m lan menm yo pral ye, mwen menm mwen pral Bondye yo.

Ezekyèl 14:11

Konsa, moun pèp Izrayèl yo p'ap vire do ban mwen ankò. Yo pa pral avili tèt yo nan fè sa ki mal. Lè sa a, se pèp mwen y'ap ye, se mwen menm k'ap Bondye yo. Se mwen menm, Senyè sèl Mèt la, ki di sa.

Ezekyèl 36:28

Lè sa a, n'a rete nan peyi mwen te bay zansèt nou yo. Se nou menm ki pral pèp ki rele m pa mwen. Mwen menm se Bondye nou m'ap ye.

Ezekyèl 37:23

Yo pa pral avili tèt yo ankò nan fè sèvis pou zidòl, nan fè bagay derespektan devan Bondye, nan fè sa yo pat gendwa fè. M'ap delivre yo anba tout zidòl ki te fè yo vire do ban mwen an, ki te fè yo fè peche a. M'ap mete yo nan kondisyon pou yo ka sèvi m ankò. Y'ap tounen yon pèp ki rele m pa m. Mwen menm, m'ap Bondye yo.

Ezekyèl 37:27

Se la m'ap viv avèk yo. Se mwen menm k'ap Bondye yo. Yo menm, se pèp ki rele m pa m lan y'ap ye.

Danyèl 3:26

Wa Nebikadneza pwoche bò pòt gwo fou a epi li rele: — Chadrak! Mechak! Abèdnego! Sèvitè Bondye ki nan syèl la! Sòti vin jwenn mwen! Epi mesye yo mache sòti nan dife a.

Levitik 26:12

M'a toujou la nan mitan nou, se mwen menm k'ap Bondye nou, se pèp mwen n'a ye.

Levitik 26:3

Si nou mache dapre lòd mwen yo, si nou kenbe tout kòmandman m yo, si nou swiv yo,

Zakari 13:9

Mwen pral pase rès moun sa yo nan dife. Mwen pral netwaye yo menm jan yo netwaye ajan nan dife. Mwen pral wè ki kalite moun yo ye menm jan yo pase lò nan dife pou wè si li bon. Y'a lapriyè nan pye m, m'a reponn yo. M'a di yo se pèp pa m yo ye. Y'a di se mwen menm, Senyè a, ki Bondye yo.

Zakari 6:15

Moun ki rete byen lwen va vini, y'a ede nou rebati Tanp Senyè a. Lè sa a, n'a konnen se Senyè ki gen tout pouvwa a ki te voye m kote nou. Se sa menm ki va rive si nou fè tou sa Senyè a, Bondye nou an, ban nou lòd fè.

Zakari 8:8

M'ap mennen yo tounen pou yo ka rete lavil Jerizalèm ankò. Y'a pou mwen yon pèp ki rele m pa m. Mwen menm m'a Bondye yo. M'a kenbe kontra mwen te pase ak yo a. Yo menm, y'a fè sa m'a mande yo fè.

Matye 28:20

Moutre yo pou yo obsève tou sa mwen te ban nou lòd fè. Chonje sa byen: mwen la avèk nou toulejou, jouk sa kaba.

2 Korent 6:16

Kisa kay Bondye a gen pou wè ak zidòl? Nou se kay Bondye vivan an, pa vre? Se Bondye menm ki di sa: M'a vin rete, m'a viv nan mitan yo. M'a tounen Bondye yo, y'a tounen pèp mwen.

Detewonòm 11:27

Se va benediksyon pou nou si nou swiv tout kòmandman Senyè a, Bondye nou an, kòmandman mwen ban nou jòdi a.

Detewonòm 4:20

Kanta nou menm, Senyè a te pran nou, li fè nou sòti kite peyi Lejip ki te pou nou tankou yon gwo fou dife kote yo fonn fè, epi li fè nou tounen sa nou ye kounyeya: yon pèp ki rele l pa l.

Detewonòm 5:6

Se mwen menm, Senyè a, Bondye nou an, ki te fè nou sòti kite peyi Lejip kote nou te esklav la.

Ebre 5:9

Lè li fin bon nèt, li tounen yon delivrans pou tout moun ki obeyi l, yon delivrans k'ap delivre yo pou tout tan,

1 Samyèl 15:22

Lè sa a, Samyèl di li konsa: — Dapre ou, kisa Senyè a pito? Yon moun k'ap boule bèt sakrifye pou li, yon moun k'ap fè tout lòt kalite sakrifis bèt pou li, osinon yon moun k'ap fè sa li di li fè tout bon? Konn sa tande! Pito yon moun fè sa Senyè a di li fè a pase pou li fè sakrifis bèt pou Bondye. Pito yon moun soumèt devan Bondye pase pou li ofri mouton byen gra bay Senyè a.