Jeremi 10:16 - 1998 Haïtienne

¹⁶ Men, Bondye Jakòb la pa tankou yo. Se li menm ki fè tout bagay. Li chwazi pèp Izrayèl la pou rele l pa l. Senyè ki gen tout pouvwa a, se konsa yo rele l.

Bib Sen An: Kreyòl Ayisyen

¹⁶ Pòsyon ki pou Jacob la pa konsa; paske Kreyatè a tout bagay se Li menm; e Israël se tribi eritaj Li. SENYÈ dèzame yo se non Li.

Jeremi 10:16 交叉引用

Sòm 119:57

Senyè, mwen deja di ou sa: pou mwen menm, se kenbe m'ap kenbe pawòl ou yo.

Sòm 135:4

Se li menm ki te chwazi Jakòb pou moun pa l, se li menm ki te chwazi pèp Izrayèl la pou pèp li.

Sòm 142:5

(6) Mwen kriye nan pye ou, Senyè! Mwen di: Se ou menm ki tout pwoteksyon mwen. Se ou menm ki tout mwen nan lavi sa a.

Sòm 33:6

Senyè a pale, epi syèl la fèt. Li soufle ak bouch li, tou sa ki nan syèl la fèt.

Sòm 73:26

Kò m te mèt ap deperi, lespri m te mèt ap gaga, se ou menm menm, Bondye, ki tout fòs mwen, se ou menm ki tout mwen.

Sòm 74:2

Pa bliye pèp ou te chwazi depi nan tan lontan an, pèp ou te achte pou ou te fè yo tounen moun pa ou! Pa bliye mòn Siyon kote ou te chwazi pou rete a!

Egzòd 19:5

Kounyeya menm, si nou koute sa mwen di nou, si nou kenbe kontra mwen an, se nou menm m'ap chwazi pou moun pa m nan mitan tout pèp ki sou latè. Tout latè se pou mwen, se vre.

Egzòd 34:9

Li di: — Senyè! Si ou kontan m vre, tanpri, mache avè nou non! Pèp sa a, se yon bann moun ki gen tèt di, se vre. Men, padonnen fòt nou yo ak peche nou yo. Asepte nou pou moun ki rele ou pa ou.

Pwovèb 16:4

Tou sa Senyè a fè, li gen yon rezon ki fè l fè li. Menm mechan an, li kreye l pou l ka pini l.

Ezayi 19:25

Senyè a va beni yo, la di konsa: — Benediksyon pou Lejip, pèp mwen an, pou Lasiri mwen te fè ak men mwen an, ak pou Izrayèl ki rele m pa m lan.

Ezayi 45:7

Mwen mete limyè, mwen mete fènwa! Mwen bay kè poze, mwen bay kè sote. Se mwen menm Senyè a ki fè tou sa.

Ezayi 47:4

Moun k'ap delivre nou an rele Senyè ki gen tout pouvwa a, Bondye pèp Izrayèl la ki yon Bondye apa.

Ezayi 47:6

Wi, mwen te move sou pèp mwen an. Mwen pat aji ak yo tankou moun pa m. Mwen te lage yo nan men ou. Men, ou te san pitye pou yo. Ou te aji mal anpil, ata ak vye granmoun yo.

Ezayi 51:15

Se mwen menm, Senyè a, ki Bondye ou la. Mwen souke dlo lanmè a, mwen fè lanm lanmè yo gwonde. Senyè ki gen tout pouvwa a, se konsa yo rele m!

Ezayi 54:5

Bondye ki te kreye ou la pral tankou yon mari pou ou. Senyè ki gen tout pouvwa a, se konsa yo rele l. Se Bondye pèp Izrayèl la, Bondye ki apa a, ki pral delivre ou. Se Bondye tout latè a yo rele l.

Jeremi 10:12

Senyè a te fè latè ak fòs pouvwa li. Li kreye dènye bagay ak bon konprann li. Avèk entelijans li, li louvri syèl la anwo latè.

Jeremi 10:6

Senyè, pa gen tankou ou! Ou gen pouvwa. Yo respekte ou pou sa ou fè.

Jeremi 31:35

Senyè a mete solèy la pou l klere lajounen. Li bay lalin ak zetwal yo lòd pou yo klere lannwit. Li eksite lanmè a, li fè l move. Se li menm ki Senyè ki gen tout pouvwa a: Se konsa yo rele l.

Jeremi 32:18

Ou fè mil jenerasyon nan yon fanmi wè jan ou gen bon kè. Men tou, ou fè pitit peye pou peche papa ak manman yo te fè. Ou se yon Bondye ki gen pouvwa, ki gen fòs. Yo rele ou: Senyè ki gen tout pouvwa a.

Jeremi 33:2

— Se mwen menm ki fè latè a, ki ba li fòm, ki kenbe l nan plas li. Se mwen menm yo rele Senyè a. Men sa mwen di:

Jeremi 46:18

Mwen menm Senyè ki gen tout pouvwa a, se mwen ki wa. Men sa m di: Se mwen ki Bondye vivan an. Moun k'ap vini pou atake nou an ap tankou mòn Tabò ki nan mitan lòt mòn yo, tankou mòn Kamèl ki kanpe byen wo nan lanmè a.

Jeremi 50:34

Men, moun k'ap vin delivre yo a fò tou! Se Senyè ki gen tout pouvwa a. Se konsa li rele. L'ap pran defans yo, l'ap fè tout lòt nasyon yo viv ak kè poze, men l'ap bay moun lavil Babilòn yo kè sote.

Jeremi 51:19

Men, Bondye Jakòb la pa tankou yo. Se li menm ki fè tout bagay. Li chwazi pèp Izrayèl la pou rele l pa l. Senyè ki gen tout pouvwa a, se konsa yo rele l.

Lamantasyon 3:24

Mwen di: Se Senyè a ki tout mwen. Se nan li mwen mete tout espwa m.

Amòs 4:13

Se Bondye ki te fè mòn yo. Se li menm ki te kreye van yo. Li fè lèzòm konnen lide li gen nan tèt li. Li fè lajounen sòti nan lannwit. L'ap gouvènen sou tout latè. Se poutèt sa, men jan yo rele l: Sènyè a, Bondye ki gen tout pouvwa a.

Zakari 2:12

Senyè a va pran peyi Jida a pou li tankou pòsyon pa l nan tè yo mete apa pou li a. L'a chwazi lavil Jerizalèm ankò.

Detewonòm 32:9

Men, li chwazi pitit Jakòb yo pou li. Se yo ki pèp pa l la menm.