Jeremi 10:12 - 1998 Haïtienne

¹² Senyè a te fè latè ak fòs pouvwa li. Li kreye dènye bagay ak bon konprann li. Avèk entelijans li, li louvri syèl la anwo latè.

Bib Sen An: Kreyòl Ayisyen

¹² Bondye te fè tè a pa pouvwa Li. Li te etabli lemonn ak sajès Li; ak konprann Li, Li te etann syèl yo.

Jeremi 10:12 交叉引用

Jenèz 1:1

Nan konmansman, Bondye kreye syèl la ak latè a.

Jenèz 2:5

pa te gen yon ti pyebwa menm sou latè. Okenn zèb pa t' ankò pouse paske Bondye pa t'ankò voye lapli sou latè. Lèfini pa t'ankò gen moun pou travay latè.

1 Kwonik 16:26

Bondye lòt nasyon yo pa anyen, se pòtre yo ye. Men, se Senyè a ki fè syèl la.

Jòb 26:7

Se li menm ki louvri syèl ki sou bò nò a anlè, san anyen pou soutni l. Li pandye tè a ankò san anyen pou kenbe l.

Jòb 37:18

Eske ou ka ede Bondye louvri nyaj yo nan syèl la, pou fè yo di tankou bout fè?

Jòb 9:8

Li te pou kont li lè li t'ap louvri syèl la anwo tè a. Li mache sou lanmè a jan li vle.

Sòm 104:2

Ou vlope kò ou nan yon gwo limyè. Ou louvri syèl la tankou yon tant pou ou rete.

Sòm 104:24

Senyè, ou fè anpil bagay! Ou fè yo avèk bon konprann. Latè plen ak bagay ou fè.

Sòm 119:90

Tout tan tout tan, w'ap toujou kenbe pawòl ou. Ou mete latè nan plas li, l'ap rete fèm.

Sòm 24:2

Li mete fondasyon tè a nan fon lanmè, li fè l chita sou gwo larivyè yo.

Sòm 33:6

Senyè a pale, epi syèl la fèt. Li soufle ak bouch li, tou sa ki nan syèl la fèt.

Sòm 65:7

(8) Ou kase lanmè a lè l move. Ou fè lanm lanmè yo sispann fè bri. Ou fè pèp yo rete trankil lè yo move.

Sòm 78:69

Se la li bati Tanp li a ki pòtre ak kay li nan syèl la. Li fè l solid tankou latè, pou tout tan.

Sòm 93:1

Senyè a ap gouvènen. Gade jan li gen pouvwa! Gade jan li gen fòs! Latè kanpe fèm nan plas li, anyen pa ka brannen l.

Pwovèb 3:19

Avèk bon konprann li, Bondye kreye latè. Avèk entelijans li, li mete syèl la nan plas li.

Pwovèb 30:4

Ki moun ki janm moute nan syèl, apre sa ki redesann sou latè? Ki moun ki janm ranmase van yo nan men l? Ki moun ki janm mare dlo yo nan rad li? Ki moun ki fikse limit tè a? Ki jan li rele? Ki jan pitit li rele? Di m non, si ou konnen?

Ezayi 37:16

— Senyè ki gen tout pouvwa a, Bondye pèp Izrayèl la, ou menm ki chita sou fòtèy zanj cheriben yo ap pote sou zepòl yo a, se ou menm sèl Bondye k'ap gouvènen tout peyi sou latè. Se ou menm ki fè syèl la ak latè a.

Ezayi 40:22

Moun ki fè l la chita anwo nèt, anlè tè a, depase syèl la. Moun ki sou latè, se tankou fwomi yo ye devan l. Li deploye syèl la tankou yon rido. Li louvri syèl la tankou yon tant kote pou moun rete.

Ezayi 42:5

Bondye sèl Mèt ki kreye syèl la epi ki louvri l anwo tèt nou, li menm ki fòme tè a avèk tou sa k'ap viv sou li, li menm ki bay tout moun k'ap mache sou latè souf lavi, li pale, li di konsa:

Ezayi 44:24

Men sa Senyè a di, li menm ki delivre nou, li menm ki te fè nou depi nan vant manman nou: — Se mwen menm, Senyè a, ki fè tout bagay. Se pou kont mwen mwen te louvri syèl la anwo tèt nou. Lè m t'ap fè latè, kilès ki te ede m?

Ezayi 45:12

Se mwen menm ki te fè latè. Mwen kreye moun pou yo viv sou latè. Se mwen menm ki te louvri syèl la ak men mwen. Mwen kontwole tou sa ki nan syèl la: solèy, lalin ak tout bann zetwal yo.

Ezayi 45:18

Se Senyè a ki kreye syèl la. Se li menm sèlman ki Bondye. Se li menm ki fè latè, ki ba li fòm li. Se li menm ki fè l chita fèm. Li pat fè l pou l te tounen yon dezè, men pou l te yon kote pou moun rete. Men sa li di: Se mwen menm ki Senyè a. Nanpwen lòt.

Ezayi 48:13

Se mwen menm ak men mwen ki fè latè. Se ak fòs ponyèt mwen mwen louvri syèl la. Lè m rele yo, yo tout kouri vin nan pye m.

Ezayi 49:8

Men sa Senyè a di pèp li a: — Lè lè a va rive pou m fè ou gras, m'a reponn ou. Lè jou a va rive pou m delivre ou, m'a pote ou sekou. Se mwen ki te fè ou, se mwen ki te chwazi ou pou ou siyen yon kontra ak tout pèp yo. M'a fè peyi a kanpe ankò. N'a tounen viv nan peyi yo te ban nou an, peyi yo te devaste a.

Jeremi 10:13

Li pase lòd, epi dlo ki anwo syèl la pran gwonde. Li fè gwo nyaj yo moute sòti toupatou. Li fè zèklè yo klere pou fè lapli vini. Li fè van yo sòti kote li te sere yo.

Jeremi 10:16

Men, Bondye Jakòb la pa tankou yo. Se li menm ki fè tout bagay. Li chwazi pèp Izrayèl la pou rele l pa l. Senyè ki gen tout pouvwa a, se konsa yo rele l.

Jeremi 14:22

Zidòl moun lòt nasyon yo pa vo anyen. Pa gen yonn ladan yo ki ka voye lapli. Syèl la pou kont pa l pa ka bay lapli. Se ou menm ki Senyè a, Bondye nou an! Se ou menm ki tout espwa nou, paske se ou menm ki fè tout bagay sa yo.

Jeremi 27:5

— Se mwen menm avèk gwo kouray mwen epi ak fòs ponyèt mwen ki fè latè ansanm ak tout moun ak tout bèt k'ap viv sou latè. Mwen pran yo bay moun mwen vle.

Jeremi 32:17

— Aa, Senyè, Bondye! Se avèk fòs kouray ou, se avèk gwo pouvwa ou ou te fè syèl la ak latè a. Anyen pa twò difisil pou ou.

Zakari 12:1

Men mesay Senyè a bay pou fè konnen volonte l sou moun pèp Izrayèl yo. Men desizyon li pran, li menm Senyè a, ki louvri syèl la nan plas li, ki kreye latè a epi ki bay moun lavi.

Jan 1:3

Se ak Pawòl la Bondye fè tout bagay. Nan tou sa ki te fèt, pat gen anyen ki te fèt san Pawòl la.

Kolosyen 1:16

Se ak li Bondye te kreye tou sa ki nan syèl la ak sou latè, sa nou wè ak sa nou pa wè. Se ak li li kreye tout lespri yo ki chita ap donminen, ki gen otorite, ki chèf epi ki gen pouvwa. Se ak Kris la Bondye te kreye yo tout, epi se pou li li te kreye yo.