Jeremi 1:7 - 1998 Haïtienne

⁷ Men, Senyè a di mwen: — Pa di se timoun ou ye. Ou gen pou ou ale bò kote tout moun m'ap voye ou. W'a di yo tou sa m'a ba ou lòd di yo.

Bib Sen An: Kreyòl Ayisyen

⁷ Men SENYÈ a te di mwen: “Pa di: ‘Mwen se sèlman yon jennonm’, paske tout kote Mwen voye ou, ou va ale, e tout sa ke Mwen kòmande ou, ou va pale l.

Jeremi 1:7 交叉引用

1 Wa 22:14

Men, Miche reponn li: — Mwen pran Senyè a, Bondye vivan an, sèvi m temwen. Sa Senyè a va di m di se sa m'a di.

1 Wa 3:7

Senyè, Bondye mwen, koulyè a atout mwen jenn toujou, atout mwen pankò gen esperyans pou m gouvènen, ou pran m, ou mete m wa a nan plas David, defen papa m.

2 Kwonik 18:13

Men, Miche reponn li: — Mwen pran Senyè a, Bondye vivan an, sèvi m temwen. Sa Senyè a va di m di se sa m'a di.

Egzòd 6:29

— Se mwen menm ki Senyè a! Tou sa mwen di ou la a, se pou ou rapòte l bay farawon an, wa Lejip la.

Jeremi 26:2

Men sa Senyè a di l: — Ale kanpe nan lakou Tanp lan. Ou pral di tou sa mwen te ba ou lòd di sou moun ki sòti nan tout lavil peyi Jida yo pou vin adore nan Kay Senyè a. Pa wete anyen.

Jeremi 43:1

Lè Jeremi fin di pèp la tou sa Senyè a, Bondye yo a, te voye l di yo, ki vle di tout pawòl ki ekri pi wo a,

Jeremi 7:27

Se poutèt sa, Jeremi, ou pral di yo tou sa, men yo p'ap koute ou. W'ap rele yo, men yo p'ap reponn.

Ezekyèl 2:7

Kit yo vle tande ou, kit yo pa vle koute ou, zafè! Chonje se yon ras moun tèt di yo ye.

Ezekyèl 3:27

Apre sa, lè m'a pale avè ou ankò, m'a ba ou lapawòl, epi w'a ba yo mesay mwen menm, Senyè a, Bondye ki gen tout pouvwa a, m'a ba ou. Sa ki vle koute va koute, sa ki pa vle koute, zafè yo! Se yon move ras moun tèt di yo ye.

Amòs 7:15

Men, Senyè a pran m nan pye travay mwen, dèyè bèt mwen yo, li ban m lòd pou m al fè pèp Izrayèl la konnen mesay li voye ba yo.

Jonas 3:2

li di l konsa: — Leve non! Ale lavil Niniv, gwo kapital la. Fè yo konnen mesay mwen te ba ou pou yo a.

Nonb 22:20

Jou lannwit sa a, Bondye vin jwenn Balaram, epi li di l konsa: — Si se chache mesye sa yo vin chache ou, ou mèt leve ale ak yo. Men, se sa mwen di ou fè ase pou ou fè.

Nonb 22:38

Balaram reponn: — Apa mwen vini fwa sa a! Men mwen tou pale ou, se pawòl Bondye va mete nan bouch mwen ase m'ap di.

Matye 28:20

Moutre yo pou yo obsève tou sa mwen te ban nou lòd fè. Chonje sa byen: mwen la avèk nou toulejou, jouk sa kaba.

Travay 20:27

Mwen fè nou konnen tout plan travay Bondye a san m pa kache nou anyen.