Jeremi 1:14 - 1998 Haïtienne

¹⁴ Lè sa a Senyè a fè m konnen: — Yon gwo malè pral sòti nan nò, l'ap tonbe sou tout moun ki rete nan peyi a.

Bib Sen An: Kreyòl Ayisyen

¹⁴ Konsa, SENYÈ a te di mwen: “Depi nan nò a, mal la va pete vin parèt sou tout sila ki rete nan peyi a.

Jeremi 1:14 交叉引用

Ezayi 14:31

Nou menm k'ap veye pòtay lavil moun Filisti yo, nou mèt plenn kont kò nou! Nou menm ki rete anndan lavil yo, nou mèt pouse kont rèl nou. Nou tout moun peyi Filisti yo, nou mèt tranble nan tout kò nou. Yon nyaj nwa ap vini sòti nan nò. Se yon gwo lame. Pa gen yonn nan sòlda li yo k'ap fè kazwèl!

Ezayi 41:25

Se mwen menm ki chwazi yon nonm sòti bò solèy leve. Se mwen menm ki fè l desann sòti nan nò vin atake. Li kraze tout chèf yo tankou labou anba pye l, menm jan moun k'ap fè krich kraze tè pou l travay.

Jeremi 10:22

Koute non! Nouvèl la ap kouri vini! Gen yon gwo mouvman nan peyi bò nò a. Lame l yo pral fè lavil peyi Jida yo tounen mazi, kote bèt nan bwa rete.

Jeremi 11:17

Se mwen menm Senyè ki gen tout pouvwa a ki te plante pèp Izrayèl la ansanm ak pèp Jida a. Men kounyeya, mwen pran desizyon pou m voye malè sou yo. Se yo menm ki chache l avèk tou sa yo fè ki mal: Se yo ki fè m fache paske y'al boule ofrann pou Baal!

Jeremi 25:9

mwen pral voye chache tout moun nan nò yo ak sèvitè mwen Nebikadneza, wa Babilòn. Se mwen menm, Senyè a ki di sa. Mwen pral fè yo vin kraze peyi Jida a ak tout moun ladan li, ansanm ak tout peyi nan vwazinaj yo. Mwen pral detwi yo tout. M'ap fè yo tounen yon dezè ki va fè moun sezi, yon pil mazi pou tout tan.

Jeremi 31:8

Wi, se mwen menm, Senyè a, k'ap mennen yo sot nan nò. M'ap ranmase yo nan dènye bout latè. Sa ki avèg, sa k'ap bwete, fanm ki ansent, fanm ki gen tranche, yo tout ap vin ansanm. Se yon foul moun k'ap tounen.

Jeremi 4:6

Ba yo direksyon mòn Siyon an! Kouri al kache! Pa mize sou wout! Mwen menm, Senyè a, m ap fè yon malè sòti nan nò. Li pral fè gwo dega.

Jeremi 46:20

Peyi Lejip te tankou yon bèl gazèl. Men, yon tanwan sòti nan nò vin atake l.

Jeremi 47:2

Senyè a di konsa: — Gade! Bò nan nò, dlo yo ap gonfle, y'ap fè yon gwo lavalas k'ap desann, y'ap anvayi peyi a, y'ap kouvri tou sa ki ladan l. Y'ap anvayi lavil yo ak tout moun ladan yo. Moun ap rele, y'ap plenn. Tout moun nan peyi a nan gwo lapenn.

Jeremi 50:41

Moun ap sòti nan yon peyi bò nan nò. Yon gwo pèp ak anpil chèf vanyan sòti byen lwen, y'ap pare pou fè lagè.

Jeremi 50:9

Mwen pral leve yon bann gwo nasyon bò nan nò, mwen pral fè yo mache pran lavil Babilòn. Yo pral pran pozisyon pou yo goumen avè l, yo pral kraze l. Sòlda yo, se moun ki gen anpil ladrès nan sèvi ak banza, yo pa janm manke sa y'ap vize a.

Jeremi 6:1

Nou menm moun branch fanmi Benjamen yo, kouri al kache! Chape kò nou sòti lavil Jerizalèm. Kònen twonpèt lavil Tekoa. Limen yon dife lavil Bèt-Achirèm pou bay siyal la. Yon gwo malè, yon malè sèk k'ap sòti nan nò pandye sou tèt nou.

Jeremi 6:22

Men sa Senyè a di ankò: — Moun ap sòti nan yon peyi bò nan nò. Yon gwo pèp byen lwen ap pare pou fè lagè.

Ezekyèl 1:4

Mwen leve je m gade, mwen wè yon gwo van tanpèt k'ap vini sòti nan nò. Zèklè t'ap fè yanyan nan yon gwo nyaj. Syèl la te klere tout arebò nyaj la. Nan mitan nyaj la menm kote zèklè yo t'ap fèt la, te gen yon limyè ki te klere tankou kristal.

Ezekyèl 24:3

Ou pral bay yon pawoli sou ras moun tèt di sa yo. W'a di yo men mesaj Bondye sèl Mèt la voye ba yo: Mete yon chòdyè sou dife, plen li dlo.

Jowèl 2:20

Mwen pral chase lame krikèt la byen lwen nou. Wi, lame krikèt ki te sòti nan nò a. M'ap voye yo ale nan dezè a, kote ki pa gen dlo, kote ki pa gen pyebwa. Tèt lame krikèt yo va pran direksyon lanmè ki sou bò solèy leve a, lanmè Mouri a. Ke lame krikèt yo va pran direksyon lanmè ki sou bò solèy kouche a, lanmè Mediterane a. Kadav yo pral pouri, y'ap bay move sant. Senyè a fè anpil bagay pou nou.

Zakari 6:6

Cha chwal nwa yo t'ap rale a pran direksyon peyi ki sou bò nò a. Cha chwal blan yo t'ap rale a pran menm direksyon an. Cha chwal takte wouj yo t'ap rale a pran direksyon peyi ki sou bò sid la.