Aje 1:2 - 1998 Haïtienne

² — Senyè ki gen tout pouvwa a pale. Men sa li di: Moun yo ap plede di se poko lè pou yo bati kay Senyè a!

Bib Sen An: Kreyòl Ayisyen

² “Konsa pale SENYÈ dèzame yo: ‘Pèp sa a di: “Lè a poko rive; lè pou rebati kay SENYÈ a.”’”

Aje 1:2 交叉引用

2 Wa 12:7

Wa Joas rele Jeojada, prèt la, ansanm ak tout lòt prèt yo, li di yo: — Poukisa nou pa fè reparasyon nan Tanp lan? Depi jòdi a, nou p'ap resevwa lajan ankò nan men moun nou konnen yo. Se pou nou renmèt lajan an pou yo ka fè reparasyon nan Tanp lan.

Esdras 4:23

Fini yo fini li lèt wa Atagzèsès la bay Reyoum, gouvènè a, Chimchayi, sekretè pwovens la, ak lòt kòlèg yo nan gouvènman an, mesye yo leve, yo kouri lavil Jerizalèm al jwenn jwif yo, avèk zam nan men yo, yo fòse yo sispann travay la.

Neyemi 4:10

Men, moun peyi Jida yo t'ap plede di: — Nou fin fèb nan pote chay! Gen twòp vye ranble pou n netwaye! Nou p'ap janm fin rebati miray sa a!

Pwovèb 22:13

Parese rete chita lakay li, li di si li sòti bèt nan bwa va manje l nan lari a.

Pwovèb 29:25

Si ou pè sa moun ap di, ou antrave. Men, si ou mete konfyans ou nan Senyè a, ou pa bezwen pè anyen.

Eklezyas 11:4

Si w'ap gade sou van, ou p'ap janm plante. Si w'ap gade sou nyaj, ou p'ap janm ranmase rekòt.

Eklezyas 3:3

lè pou ou touye, lè pou ou geri, lè pou ou kraze, lè pou ou bati.

Eklezyas 9:10

Tou sa ou jwenn pou ou fè, fè l ak tout fòs ou. Paske, kote ou prale a, nan peyi kote mò yo ye a, nanpwen travay pou ou fè, pa gen lide ki pou mache nan tèt ou, pa gen konesans, pa gen bon konprann.

Aje 1:1

Nan dezyèm lanne reny wa Dariyis nan peyi Pès, premye jou nan sizyèm mwa a, Senyè a bay pwofèt Aje yon mesaj pou Zowobabèl, pitit gason Cheyatyèl, ki te gouvènè peyi Jida ak pou Jozye, pitit gason Jozadak, ki te granprèt lè sa a. Men mesaj la:

Aje 1:3

Se poutèt sa, men mesay Senyè a te bay pwofèt Aje pou pèp la.

Nonb 13:31

Men mesye ki te moute ansanm ak Kalèb yo di konsa: — Non. Nou pa ka al atake moun sa yo. Yo pi fò pase nou.