2 Samyèl 4:8 - 1998 Haïtienne

⁸ Yo pote tèt Ichbochèt bay David lavil Ebwon. Yo di l konsa: — Men tèt Ichbochèt, pitit Sayil la, moun ki pat vle wè ou la, moun ki t'ap chache touye ou la. Jòdi a Senyè a bay monwa chans pou li tire revanj sou Sayil ansanm ak sou rès fanmi li.

Bib Sen An: Kreyòl Ayisyen

⁸ Konsa, yo te mennen tèt a Isch-Boscheth kote David nan Hébron e yo te di a wa a: “Men gade, tèt a Isch-Boscheth, fis a Saül la, lènmi pa w la, ki te chache lavi ou a. Konsa, nan jou sa a, SENYÈ a te bay mèt mwen an, wa a, vanjans sou Saül avèk desandan li yo.”

2 Samyèl 4:8 交叉引用

2 Samyèl 18:19

Akimaz, pitit gason Zadòk la, di Joab konsa: — Kite m kouri al fè wa a konnen jan Senyè a rann li jistis, jan li delivre l anba men lènmi l yo.

2 Samyèl 18:31

Apre sa, nonm peyi Letyopi a vin rive. Li di wa a: — Monwa, mwen gen bòn nouvèl pou ou! Jòdi a, Senyè a rann ou jistis. Li wete ou anba men tout moun ki te leve dèyè ou yo.

2 Samyèl 2:8

Abnè, pitit gason Nè a, kòmandan lame Sayil la, pran Ichbochèt, pitit gason Sayil la, li mennen l lavil Manayim, lòt bò larivyè Jouden.

2 Samyèl 22:48

Se Bondye ki pran revanj mwen. Se li ki mete pèp yo anba pye mwen.

Sòm 71:24

Tout lajounen m'a fè konnen jan ou pa nan patipri, paske moun ki te vle wè malè rive m yo gen pou yo wont. Yo p'ap konn sa pou yo fè.

Matye 2:20

Zanj lan di l: — Leve non, pran ti pitit la ansanm ak manman l, tounen nan peyi Izrayèl la. Paske, moun yo ki te vle touye ti pitit la mouri.

Revelasyon 18:20

Ou menm, syèl la, ou mèt kontan pou sa ki rive lavil la! Nou menm pèp Bondye a, apòt yo, pwofèt yo, nou mèt kontan tou! Paske, Bondye pini li pou sa l te fè nou.

Revelasyon 6:10

Yo t'ap rele byen fò: — O Mèt, ou menm ki sen, ou menm ki verite a, konbe tan ou gen pou tann ankò anvan pou ou vini jije moun ki rete sou latè a, pou ou vin pini yo paske yo te touye nou?

1 Samyèl 18:11

Sayil di nan kè l: Mwen pral kloure David sou miray la, epi li voye frenn lan an de fwa sou David. Men, chak fwa, David eskive frenn lan.

1 Samyèl 19:1

Sayil pale ak Jonatan ansanm ak chèf k'ap sèvi avè l yo, li di yo li fè lide touye David. Men Jonatan, pitit gason Sayil la, te renmen David anpil.

1 Samyèl 19:15

Men, Sayil voye mesye yo tounen pou y'al wè David ak je yo. Li di yo: — Mennen l isit ban mwen ak tout kabann li an pou m fè touye l.

1 Samyèl 20:1

David kouri kite lavil Najòt nan zòn Rama a, li chape kò l, l'al jwenn Jonatan epi li di l: — Kisa m fè? Kisa m fè ki mal? Kisa m fè papa ou pou li vle touye m konsa?

1 Samyèl 23:15

Atousa David te pè toujou paske li te konnen Sayil te sòti pou touye l. David te bò lavil Oreya, nan dezè Zif la.

1 Samyèl 24:4

Mesye yo di David konsa: — Men chans ou, men okazyon Senyè a te di l'ap ba ou a. Senyè a te di: L'ap lage lènmi ou la nan men ou, w'a fè sa ou vle avè l. David leve, li mache tou dousman, li koupe yon moso nan rad Sayil san Sayil pa konn sa.

1 Samyèl 25:29

Si yon moun konprann pou li atake ou, si l'ap chache touye ou, Senyè a, Bondye ou la, va pwoteje ou. L'a sere ou bò kote l tankou lè yon moun ap sere yon bagay li renmen anpil. Men l'ap pran lènmi ou yo, l'ap voye yo jete byen lwen tankou lè yon moun ap voye wòch nan fistibal.