2 Kwonik 9:2 - 1998 Haïtienne

² Salomon menm reponn tout kèsyon l yo. Pat gen anyen ki te twò difisil pou li reponn.

Bib Sen An: Kreyòl Ayisyen

² Salomon te reponn tout kesyon li yo. Anyen pa t kache a Salomon ke li pa t eksplike li.

2 Kwonik 9:2 交叉引用

1 Wa 3:12

M'ap ba ou sa ou mande a, m'ap ba ou plis konesans ak plis bon konprann pase tout moun, pase ni sa ki te la anvan ou yo, ni sa k'ap vin apre ou.

1 Wa 4:29

Bondye te bay Salomon anpil lespri, anpil bon konprann ak yon konesans nou pa ka mezire.

2 Kwonik 9:1

Larenn peyi Saba tande pale ki kalite moun Salomon te ye. Li vwayaje pou lavil Jerizalèm pou l sonde konesans Salomon avèk kèk kèsyon difisil. Se konsa, li mennen anpil moun avè l ak anpil chamo chaje odè, fèy santi bon, kantite lò ak pyè koute chè. Lè li rive devan Salomon, li poze l tout kalite kèsyon li te fè lide mande l.

2 Kwonik 9:3

Larenn peyi Saba a wè jan Salomon te gen anpil bon konprann. Li wè palè li te bati a.

Pwovèb 13:20

Fè zanmi ak moun ki gen konesans, ou menm tou w'a vin gen konesans. Fè zanmi ak moun ki san konprann, ou nan pwoblèm.

Pwovèb 18:4

Pawòl moun ki gen konprann fon kou lanmè, fre tankou yon sous k'ap koule tout tan.

Mak 4:11

Li di yo: — Nou menm yo bay sekrè Peyi kote Bondye Wa a. Men moun ki deyò yo, se sèl parabòl la yo tande.

Mak 4:34

Li pat louvri bouch li pou l pat rakonte yo yon parabòl. Men, lè l te pou kont li avèk disip li yo, li te esplike yo tout bagay.

Jan 15:15

Mwen p'ap rele nou domestik, paske yon domestik pa konnen sa mèt li ap fè. M'ap rele nou zanmi paske mwen fè nou konnen tou sa Papa a te moutre mwen.

Kolosyen 2:3

Se nan li tout richès ki nan bon konprann ak konesans Bondye a kache.

Ebre 4:12

Pawòl Bondye a se pawòl ki gen nanm, li gen pouvwa. Li file pase kouto famasi. Li ka koupe jouk li jwenn kote nanm ak lespri kontre fè yonn, jouk kote vyann ak mwèl rankontre. Li jije tout santiman ak tout lide ki nan kè moun.

Jak 1:5

Si yon moun pami nou manke bon konprann, se pou l mande Bondye, Bondye va ba li li. Paske, Bondye bay tout moun san mezire, pou gremesi.