2 Kwonik 7:6 - 1998 Haïtienne

⁶ Prèt yo rete nan plas yo ba yo nan Tanp lan. Devan yo, se moun Levi yo ki t'ap fè lwanj Senyè a ak enstriman mizik wa David te fè fè pou jwe pandan y'ap chante chante ki di: Non, Li p'ap janm sispann renmen nou! Prèt yo t'ap kònen twonpèt. Tout pèp Izrayèl la te rete kanpe.

Bib Sen An: Kreyòl Ayisyen

⁶ Prèt yo te kanpe nan pòs pa yo, e Levit yo tou avèk enstriman mizik a SENYÈ a, ke Wa David te fè pou bay lwanj a SENYÈ a lè David te bay lwanj sèvis yo. E yo te di, “Paske lanmou dous Li a dire pou tout tan”. Konsa, prèt yo te soufle twonpèt devan yo, epi tout Israël te kanpe.

2 Kwonik 7:6 交叉引用

1 Kwonik 13:8

David ansam ak tout moun Izrayèl yo menm t'ap danse ak tout nanm yo. Yo t'ap chante fè lwanj Senyè a, yo t'ap jwe gita ak bandjo, yo t'ap bat tanbouren ak senbal, yo t'ap kònen twonpèt.

1 Kwonik 15:24

Men non prèt yo te chwazi pou kònen twonpèt devan Bwat Kontra a. Se te Chebanyas, Jozafa, Netaneyèl, Amasayi, Zakari, Benaja ak Elyezè. Obèd-Edon ak Jebija te la pou pote Bwat Kontra a tou.

1 Kwonik 16:34

Lwanj pou Senyè a paske li bon. Li p'ap janm sispann renmen nou.

2 Kwonik 23:18

Jeojada mete gad pou fè faksyon devan Tanp Senyè a, anba otorite prèt yo ak moun Levi yo ki te reskonsab travay nan Tanp lan. Chak prèt ak chak moun Levi te gen jou pa yo David te ba yo pou yo te pran sevis pou boule nèt ofrann pou Senyè a, dapre lalwa Moyiz la. Se yo menm tou ki te reskonsab voye chante kè kontan jan David te moutre l la.

2 Kwonik 29:25

Wa Ezekyas mete moun Levi nan Tanp Senyè a avèk senbal, bandjo ak gita, dapre regleman David, Gad, pwofèt wa a ansanm ak pwofèt Natan te bay, paske tout lòd Senyè a vle bay, se nan bouch pwofèt li yo li toujou mete yo.

2 Kwonik 29:27

Ezekyas bay lòd pou yo boule ofrann yo nèt sou lotèl la. Lè yo konmanse seremoni an, pèp la pran chante pou Senyè a, yo t'ap kònen twonpèt anmenmtan yo t'ap jwe lòt enstriman mizik David, wa peyi Izrayèl la.

2 Kwonik 5:12

Tout moun Levi ki te sanba yo, depi Asaf, Eyman ak Jedoutoun jouk tout pitit yo ak lòt fanmi yo, te kanpe sou bò soley leve lotèl la ak rad blan sou yo. Yo te gen senbal, bandjo, gita. Lèfini, te gen sanven (120) prèt bò kote yo ki t'ap kònen twonpèt.

2 Kwonik 5:13

Lè tout moun sa yo mete ansanm pou yo pran kònen twonpèt, pou yo chante fè lwanj Bondye, pou di li mèsi, nan mitan bèl mizik yo t'ap jwe nan twonpèt ak senbal ak lòt enstriman mizik yo, ou tande vwa moun yo ki t'ap chante: Lwanj pou Senyè a, paske li bon! Li p'ap janm sispann renmen nou! Lè sa a, nyaj la plen Tanp Senyè a nèt.

2 Kwonik 7:3

Lè tout moun pèp Izrayèl yo wè dife desann soti nan syèl la ak bèl limyè prezans Senyè a ki klere tout anndan Tanp lan, yo mete ajenou, yo bese tèt jouk fon yo touche tè, yo adore Bondye, yo fè lwanj Senyè a, yo di li mèsi paske li bon, paske li p'ap janm sispann renmen yo.

2 Kwonik 7:5

Wa Salomon ofri venndemil towo ak sanvenmil mouton pou mande Bondye padon. Se konsa, wa a, ansanm ak moun pèp Izrayèl yo mete Tanp lan apa pou Senyè a.

Esdras 6:18

Apre sa, yo òganize sèvis Tanp Bondye a lavil Jerizalèm. Yo separe prèt yo an divès kategori, yo separe moun Levi yo an divès klas, chak gwoup ak travay pa yo pou yo fè, jan sa ekri nan liv Moyiz la.

Sòm 106:1

Lwanj pou Senyè a! Wi, lwanj pou Senyè a paske li bon: li p'ap janm sispann renmen nou.

Sòm 107:1

Lwanj pou Senyè a paske li bon! Li p'ap janm sispann renmen nou!

Sòm 138:8

W'a fin fè sa ou te konmanse fè pou mwen an. Senyè, ou p'ap janm sispann renmen nou. Pa vire do ou kite travay ou konmanse fè a!

Sòm 87:7

Moun k'ap chante yo ansanm ak moun k'ap danse yo ap repete byen fò: Se ou menm ki manman nou tout.

Ezayi 52:6

Men jou sa a, pèp mwen an va konnen kijan yo rele mwen. Y'a konnen se mwen menm menm ki di: Men mwen!

Amòs 6:5

Y'ap plede ranse pandan gita ap jwe. Yo kwè yo jwe mizik tankou David.

Jozye 6:4

Sèt prèt va mache devan Bwat Kontra a, avèk sèt kòn belye pou kònen, yonn nan men yo chak. Men, sètyèm jou a, n'a mache fè wonn lavil la sèt fwa ansanm ak prèt k'ap kònen kòn belye yo.