2 Kwonik 4:1 - 1998 Haïtienne

¹ Salomon fè fè tou yon lotèl kwiv kare kare, ki te mezire trant pye lajè sou trant pye longè ak kenz pye wotè.

Bib Sen An: Kreyòl Ayisyen

¹ Apre, li te fè yon lotèl an bwonz, ven koude nan longè, ven koude nan lajè ak dis koude nan wotè.

2 Kwonik 4:1 交叉引用

1 Wa 8:22

Apre sa, Salomon al kanpe devan lotèl Senyè a, devan tout pèp Izrayèl la, li leve de men l anlè, li lapriyè Bondye,

1 Wa 8:64

Menm jou a, li mete mitan gwo lakou ki devan Tanp Senyè a apa pou Bondye. Lèfini, se la li ofri bèt pou boule nèt pou Senyè a, grenn jaden ak grès bèt yo te touye pou mande Bondye padon, paske lotèl kwiv ki devan Tanp lan te twò piti pou pran tout ofrann sa yo.

1 Wa 9:25

Twa fwa chak lanne, Salomon te ofri bèt pou yo boule nèt pou Bondye ak ofrann pou di Bondye mèsi sou lotèl li te bati pou Senyè a, epi li fè boule lansan sou lotèl ki devan Senyè a. Se konsa, li te fè Tanp lan sèvi pou sa yo te bati l la.

2 Kwonik 1:5

Gwo lotèl kwiv Bezaleyèl, pitit Ouri, pitit pitit Our la, te fè a te lavil Gabawon tou devan Tant Randevou Senyè a. Se la wa Salomon ak tout pèp la vin pale ak Senyè a.

2 Kwonik 15:8

Lè Asa tande mesay pitit Obèd la te bay nan non Bondye, li pran kouray. Li fè yo wete dènye vye zidòl ki te nan peyi moun Jida yo ak nan peyi moun Benjamen yo, ansanm ak tout zidòl ki te nan lavil li te pran nan zòn mòn Efrayim yo. Li repare lotèl Senyè a ki te kanpe nan lakou devan gwo pyès Tanp Senyè a.

2 Kwonik 29:18

Lè yo fini, moun Levi yo ale lakay wa Ezekyas, yo di l: — Monwa, nou fin travay la, nou mete tout kay Senyè a, lotèl pou boule ofrann yo ak tout batri ki mache avè l yo, tab pou pen yo mete apa pou Senyè a ak tout batri pa l yo tou, nan kondisyon pou fè sèvis Bondye ankò.

2 Kwonik 7:7

Menm jou sa a, Salomon mete mitan gwo lakou ki devan Tanp Senyè a apa pou Bondye. Lèfini, se la li ofri bèt pou boule nèt pou Senyè a, ak grès bèt yo te touye pou mande Bondye padon, paske lotèl kwiv Salomon te fè fè a te twò piti pou pran tout ofrann bèt yo te touye pou boule nèt pou Senyè a, grenn jaden yo ak grès bèt yo te touye pou mande Bondye padon.

2 Kwonik 8:12

Salomon te ofri bèt pou yo boule nèt pou Bondye sou lotèl li te fè bati pou Senyè a devan Tanp lan.