2 Kwonik 16:2 - 1998 Haïtienne

² Lè wa Asa wè sa, li pran bagay lò ak bagay lajan ki te nan Tanp lan ak nan palè a, li renmèt yo bay kèk moun pa li, li voye yo kote Bennadad, wa Siri ki te rete lavil Damas, ak mesaj sa a:

Bib Sen An: Kreyòl Ayisyen

² Konsa, Asa te pote fè sòti ajan avèk lò soti nan trezò lakay SENYÈ a avèk lakay wa a, e li te voye yo kote Ben-Hadad, wa Syrie a, ki te rete Damas la. Li te di:

2 Kwonik 16:2 交叉引用

1 Wa 15:18

Lè wa Asa wè sa, li pran tout rès bagay lò ak bagay lajan ki te rete nan tanp lan ak nan palè a, li renmèt yo bay kèk moun pa li, li voye yo lavil Damas bò kote Bennadad, wa Siri, pitit Tabrimon, pitit pitit Ezyon, ak mesaj sa a:

2 Wa 12:18

Joas, wa peyi Jida a, pran tout bagay zansèt li yo, depi Jozafa ak Joram rive sou Okozyas ki te ansyen wa peyi Jida yo, te ofri bay Senyè a ansanm ak tout bagay li menm li te ofri bay Senyè a epi ki te nan Tanp lan, li pran tout lò li jwenn nan trezò Tanp lan ak tout lò ki te nan palè a, li voye yo fè Azayèl, wa peyi Siri a, kado. Azayèl chanje lide, li pa moute atake lavil Jerizalèm ankò.

2 Wa 16:8

Akaz pran ajan ak lò ki te nan Tanp lan ak nan trezò palè wa a, li voye yo fè Tiglat-Pilesè, wa peyi Lasiri a, kado.

2 Wa 18:15

Ezekyas ba li tout ajan ki te nan Tanp Senyè a ak nan trezò palè a.

2 Kwonik 16:1

Wa Asa te gen trannsenkan depi li t'ap gouvènen, lè Bacha, wa peyi Izrayèl la, anvayi peyi Jida. Li pran lavil Rama, li plen l sòlda pa l pou anpeche moun Asa yo pase antre sòti nan peyi Jida.

2 Kwonik 16:3

— Annou pase kontra yonn ak lòt tankou zansèt nou yo te fè li a. Men mwen voye bagay lò ak bagay lajan sa yo fè ou kado. Koulyeya, kase kontra ou pase ak Bacha, wa Izrayèl la. Konsa, l'a sètoblije wete sòlda li yo nan peyi mwen an.

2 Kwonik 28:21

Se konsa, Akaz pran dènye bagay ki gen valè nan kay Senyè a, nan palè wa a ak lakay chèf yo, li fè wa peyi Lasiri a kado. Men, sa pat sèvi l anyen.

Jeremi 49:23

Men sa Senyè a di sou peyi Damas: — Moun lavil Amat ak moun lavil Apad yo gen kè kase paske yo tande move nouvèl. Yo ajite tankou lanmè, Yo pa ka rete anplas.