2 Kwonik 1:8 - 1998 Haïtienne

⁸ Salomon reponn li: — Ou te toujou moutre jan ou te renmen David, papa m, sèvitè ou la, anpil. Kounyeya, se mwen menm ou mete nan plas li pou gouvènen.

Bib Sen An: Kreyòl Ayisyen

⁸ Salomon te reponn a Bondye: “Ou te aji avèk papa m David avèk anpil lanmou dous, e Ou te fè m wa nan plas li.

2 Kwonik 1:8 交叉引用

2 Samyèl 22:51

Bondye delivre wa li a anpil fwa. Li moutre jan li pa janm sispann renmen David, moun li chwazi a, ansanm ak pitit pitit li yo pou tout tan.

1 Wa 3:6

Salomon reponn: — Ou te toujou fè wè jan ou te renmen papa m, David, sèvitè ou la, anpil. Li menm, li te mache dwat devan ou, li pat janm vire do ba ou, li te sèvi ou ak tout kè li. Ou pat janm sispann fè l wè jan ou te renmen li. Ou ba li yon pitit gason k'ap gouvènen nan plas li jòdi a.

1 Kwonik 17:16

Aprè sa, wa David ale nan Tanp lan, li chita devan Senyè a, li di l konsa: — Senyè Bondye sèl Mèt la, kisa mwen ye? Kisa fanmi mwen ye pou ou te fè tout sa ou deja fè pou nou?

1 Kwonik 28:5

Koulyeya, Senyè a te ban mwen anpil pitit. Men, nan tout pitit sa yo, li te chwazi Salomon pou chita sou fotèy la pou gouvènen pèp Izrayèl la ak pouvwa l'ap ba li.

1 Kwonik 29:23

Se konsa Salomon pran plas David, papa l, sou fòtèy gouvènman Senyè a te tabli a. Tout zafè l te mache byen. Tout pèp Izrayèl la te obeyi l.

1 Kwonik 29:28

Lè li mouri, li te granmoun anpil, men kè li te kontan. Li te gen anpil richès. Tout moun t'ap fè lwanj pou li. Se Salomon, pitit gason l lan, ki moute wa nan plas li.

Sòm 86:13

Ala renmen ou renmen mwen! Ou wete m nan bouch twou a.

Sòm 89:49

(50) Senyè, kote sa ou te fè nan tan lontan pou fè nou wè jan ou renmen nou an? Kote tout bèl pwomès ou te fè David yo?

Ezayi 55:3

Louvri zòrèy nou. Vin jwenn mwen. Koute byen sa m'ap di nou, n'a jwenn lavi. M'ap siyen yon kontra ak nou pou tout tan. M'a ban nou benediksyon mwen te pwomèt David yo.